Organistablaðið - 01.12.1979, Blaðsíða 16

Organistablaðið - 01.12.1979, Blaðsíða 16
Bj'örn Sandvik: KIRKJUSÖNGUR tómstundastarf sem borgar sig eða....? Það er sungið í kirkjunni. En verkalýðshreyfingin á líka sína söngbók, sömuleiðis húsmæðrasambandið og bindindishreyfingin, og það er sungið í flestum félögum, eftir þörfum og eftir því hvernig áhugi félagsmanna er - og það er ágætt. En það er samt sem áður kristna kirkjan sem sagan segir að hafi gefið söngnum mestan gaum, og það við mjög margvíslegar og mismunandi kringumstæður: Söngurinn er "fastur liður" hvar sem kristnir menn koma saman. Kirkjuskipanir og messubækur hafa ætíð kveðið svo á að söfnuðurinn skuli syngja. Við höfum ekki um neitt að velja, söngur og tónlist eru samgróin eðli kristindómsins, tæpitungulaust sagt!. Ástæðan til þess að við getum haldið þessu svona eindregið fram er vitanlega orð Biblíunnar um söng og tónlist, og getur verið þarflegt að benda á sumt af því sem hún segir um þetta efni. [ Nýja testamentinu eru hinir frægu "systur-staðir" í Efesusbréfinu 5. kap. 19.v og Kolossabréfinu 3.kap. 16.v. "Ávarpið hver annan með sálmum, lofsöngum og andlegum Ijóðum, - syngiðog leikið Drottni í hjörtum yðar" (Ef.5.19.). "Látið orð Krists búa ríkulega hjá yður með allri speki, fræðið og áminnið hver annan með sálmum, lofsöngum og andlegum Ijóðum og syngið Guði sætlega lof í hjörtum yðar" (Kol.3.16.). Á báðum stöðum fyrirskipar postulinn söng og tónlist, en af nokkuð mismunandi ástæðum. í Efesusbréfinu er lögð áherzla á að syngja og leika fyrir Drottni. I Kolossabréfinu sést af samhenginu að meira er hugsað um leiðbeiningar; handa mönnunum: vísdóm og þekkingu á að veita mönnunum með sálmum og lofsöngvum. Það er greinilega um þá sígildu tvískiptingu eða tvennan tilgang með söngnum að ræða: við syngjum fyrir Drottni og við syngjum fyrir mennina. I Nýja testamentinu eru annars ekki færðar fram margar eða miklar ástæður fyrir kristnum söng. Hann er blátt áfram talinn eðlilegur mönnunum og á rætur sínar í gyðingdómnum. Það er reyndar ekki víst aðsöngvarnir sem sungnir voruí samkunduhúsunum og musterinu hafi verið sungnir í fyrstu kristnu guðsþjónustunum. En Gamla testamentið var Biblía þessara nýju Guðsbarna og í því er mikið talað um að syngja Drottni lof! Getur verið að tónlist frumsafnaðanna hafi verið mismunandi eftir því hvort var í Sýrlandi, Róm eða Litluasíu, en lofsöngvarnir í Opinberunarbók Jóhannesar og í 2.kap. Lúkasar Guðspjalls sýna að söfnuðurnir sungu söngvana úr Gamla testamentinu - lifðu og hrærðust í þeim. Og efni þeirra sjáum við einna best með því að vitna í þann styttsta af Davíðssálmunum, 117. sálminn, þar er skír og greinilegur boðskapur: Lofið Drottin, allar þjóðir, vegsamið hann. allir lýðir, því að miskunn hans er voldug yfir oss og trúfesti Drottins varir að eilífu. Halleúja. 16 0RGANISTABLAÐIÐ
Blaðsíða 1
Blaðsíða 2
Blaðsíða 3
Blaðsíða 4
Blaðsíða 5
Blaðsíða 6
Blaðsíða 7
Blaðsíða 8
Blaðsíða 9
Blaðsíða 10
Blaðsíða 11
Blaðsíða 12
Blaðsíða 13
Blaðsíða 14
Blaðsíða 15
Blaðsíða 16
Blaðsíða 17
Blaðsíða 18
Blaðsíða 19
Blaðsíða 20
Blaðsíða 21
Blaðsíða 22
Blaðsíða 23
Blaðsíða 24
Blaðsíða 25
Blaðsíða 26
Blaðsíða 27
Blaðsíða 28
Blaðsíða 29
Blaðsíða 30
Blaðsíða 31
Blaðsíða 32
Blaðsíða 33
Blaðsíða 34
Blaðsíða 35
Blaðsíða 36
Blaðsíða 37
Blaðsíða 38
Blaðsíða 39
Blaðsíða 40
Blaðsíða 41
Blaðsíða 42
Blaðsíða 43
Blaðsíða 44
Blaðsíða 45
Blaðsíða 46
Blaðsíða 47
Blaðsíða 48
Blaðsíða 49
Blaðsíða 50
Blaðsíða 51
Blaðsíða 52
Blaðsíða 53
Blaðsíða 54
Blaðsíða 55
Blaðsíða 56

x

Organistablaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Organistablaðið
https://timarit.is/publication/787

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.