Organistablaðið - 01.12.1979, Síða 36

Veturinn 1 943 - 1944 var hann við nám í íslenskri hljóðfræði í heimspekideild
Háskóla íslands.
Jón var organisti í Ólafsfjarðarkirkju í 25 ár, og eftir að hann fluttist til
Akureyrar var hann lengi í stjórn kirkjukórs og Kantötukórs Akureyrar.
Hólmfríður Halldórsdóttir
Hólmfríður Halldórsdóttir prófastsfrú var fædd 19. febrúar 1891. Hún dó í
Reykjavík 4. nóv. 1979. Hólmfríður var dóttir Halldórs Jónssonar bankagjaldkera
og Kristjönu dóttur Péturs Guðjohnsens organleikara. Henni var tónlistin í blóðið
borin. Hún hafði hið svokallaða óbrigðula eyra (absolut heyrn).
Píanóleik lærð' hún hjá frændkonu sinni Ástu Einarsson, en hún var bróðurdóttir
Sveinbjörns Sveinbjörnssonar tónskálds. Síðar fór hún til Danmerkur og
Þýskalands til tónlistarnáms.
Árið 1916 giftist hún sr. Jósep Jónssyni sem þá hafði vígst að Barði í Fljótum,
en þau fluttust 1918 að Setbergi við Grundarfjörð og bjuggu þar síðan alla
prestsskapartíð sr. Jóseps. Hólmfríður var organisti við kirkjur manns síns alla
hans prestsskapartíð uns hann lét af embætti og þau fluttust til Reykjavíkur. Og
ekki dvínaði tónlistaráhuginn því að hún fylgdist vel með því sem gerðist á
tónlistarsviðinu í höfuðstaðnum.
Hólmfríður hafði frábært næmi og minni. Frændkona hennar, Guðrún J.
Þorsteinsdóttir segir svo frá: "Mér verður hugsað til þess er ég heyrði sem barn,
og lýsir henni hvað best". Árið 1907 var frumflutt Kantata eftir Sveinbjörn
Sveinbjörnsson í Alþingishúsinu í tilefni konungskomunnar. Frú Ásta Einarsson
annaðist píanóundirleik og aðstoöaöi Hólmfríður hana við að fletta nótunum.
Hólmfríður hafði annars ekki nóturnar undir höndum, en lærði samt alltverkið
utanað. Þegar ég innti hana eftir þessu fyrir nokkrum árum, gekk hún að
píanóinu og sagði: "já, það var þetta" og spilaði.
36 ORGANISTABLAÐIÐ