Organistablaðið - 01.10.1980, Blaðsíða 7

Hlutverk nefndarinnar var ekki að færa lög til skólastíls, heldur umfram allt að
safna lögum saman.
Nýmæli er að kalla íverustað púka paradís. Lengst af hafa þeir, og þ.á.m.
prentvillupúkar haft annað heimilisfang. Það kom nefhdarmönnum á óvart ( svo
ekki sé meira sagt ), hve vel þessir púkar áttu heima í frægu prenthúsi við
Öxnavað á Englandi. Það prenthús hafði gert hagkvæmasta tilboðið í prentunina
á sínum tíma. Það var ekki einleikið, hvernig leiðréttingum var svarað með sífellt
nýjum villum og ýmis konar brenglun. Enginn harmar þau mistök öll meir en
aðstandendur Viðbætisins.
Ekki er þó eingöngu útlendum prentvillupúkum um að kenna mistök, svo sem
þau, er ég eignaði Ragnari Björnssyni útsetningu lagsinsábls. 142. Ragnarfékk
lagið í hendur frá höfundi, án þess að útsetjara væri getið. Nefndin hafði lagiðtil
umfjöllunar í handriti Ragnars á sama fundi og lagið á bls. 125. Af fljótfærni
eignaði ég Ragnari báðar útsetningarnar. Nú vitum við betur, og biðst ég
afsökunar.
í framhaldi af þessu beini ég þeirri áskorun til allra lesenda Organistablaðsins,
að þeir upplýsi um hugsanleg önnur mistök af þessu tagi.
í upphafi þessara orða vísaði ég til formála Viðbætisins. Þar var þá m.a. sagt, að
útgáfan væri viðleitni - og þess óskað, að lögin fengju að veðrast vel. Ég er viss
um, að síður Organistablaðsins standa opnar öllum, sem vilja vera kirkjusöng
landsins hollráðir um allt - smátt og stórt - sem betur mætti fara.
Hafi Dr. Hallgrímur þökkfyrir að hefja hér umræður. Vonandi halda þær áfram og
útfyrir lítil spjöld Viðbætis við sálmasöngbók.
HLJÓÐFÆRAVERZLUN
Poul Bernburg hf.
Rauðarárstíg 16 - 105 Reykjavík - Sími (91)20111.
Höfum umboð fyrir hið fræga japanska fyrirtæki
yamaha
• Flygla
• Piano
• Orgel