Organistablaðið - 01.11.1981, Blaðsíða 10
Heimsókn á kirkjukóramót
Að tilstuðlan Kirkjukórasambands íslands og Söngmálastjóra Þjóðkirkjunnar
átti undirritaður þess kost að sækja kirkjukóramót í Falun í Svíþjóð dagana 12. -
14. júní s.l. Mót þetta var haldið á vegum samtakanna „Riksförbundet Svensk
Kyrkomusik" - RISK, en þau halda slíkar kirkjutónlistahátíðir á 3ja ára fresti á
mismunandi stöðum í Svíþjóð í hvert sinn. í ár fór mótið fram á 2 stöðum
samtímis, þ.e. í Falun og Kiruna í Norður-Svíþjóð. Áætlaður heildarfjöldi
þátttakenda var um 2500 manns og var dagskráin hin sama á báðum stöðum. í
Falun tilkynntu 75 kórar þátttöku sína með samtals 1210 kórfélaga.
Falun er fremur lítill bær í fögru umhverfi Dalanna í u.þ.b. 200 km fjarlægð
norð-vestur frá Stokkhólmi. Sveitarfélagið Falun nær yfir um 2000 km2 svæði og
telur 50 þús. íbúa, en í bænum sjálfum búa um 15-20 þús. manns. - Saga
staðarins nær langt aftur í aldir. Þarna er mjög fræg koparnáma, þar sem vinnsla
hefur átt sér stað allt frá 10. - 11. öld og mun bærinn upphaflega hafa byggst
vegna reksturs hennar. Tvær stórar kirkjur eru í bænum, byggðar á 16. og 1 7. öld
og fór hátíðin að mestu fram í þeim.
Flátíðin var sett á föstudagskvöldið kl. 6 með guðsþjónustu. Um kvöldið voru
síðan 2 athafnir. Fyrst var samkoma kl. 9 er kölluð var SPECTRUM I. Þar var
kynnt tónlist eftir sænska nútímatónskáldið Sven-Erik Báck. Að henni lokinni kl.
11 voru síðan kvöldmessur í báðum kirkjunum samtímis. í annarri kirkjunni var
sungin messa í G-dúr eftir ítalska tónskáldið Antonio Caldara, en í hinni var
sungin messa í B-dúr (St. Johannis de Deo) eftir Haydn.
Ég var svo óheppinn að eiga þess ekki kost að hlýða á neitt af þessu. Eftir að
hafa yfirgefið Ísland kl. 7.30 um morguninn, var 5 klst. seinkun í Osló vegna
verkfalls flugumferðarstjóra. Var það til þess að ég var ekki kominn til Falun fyrr
en milli 11 og 1 2 um kvöldið.
Laugardagurinn hófst með morgunsöng - LAUDES - kl. 9. í annarri kirkjunni kl.
11.00 var síðan guðsþjónusta, sem kölluð var „Temagudstjanst". Eins og nafnið
gefur til kynna, var þetta guðsþjónusta, sem helguð var ákveðnu efni eða
"tema". i þessu tilfelli var það sköpunin. Athöfnin var mjög einföld í sniðum. Hún
fór þannig fram, að stöðugt voru sungnir sálmar og lesinn texti til skiptis. Las
presturinn texta eða flutti pistil, sem tengdist sköpuninni og hið sama var að
segja um texta sálmanna. Hann tengdist yfirleitt að einhverju leyti þessu efni,
sem guðsþjónustan var helguð.
Um og eftir hádegið dreifðu margir kórarnir sér um bæinn og sungu úti við
ýmsar stofnanir, svo sem skóla og spítala, og á torgum. Hefur það væntanlega
sett skemmtilegan brag á bæjarlífið þennan daginn. Ekki spillti fyrir að mjög
fallegt veður var, kyrrt og bjart.
Síðdegis var síðan safnast saman við geysimikla íþróttamiðstöð skammt fyrir
ofan bæinn til þess aðflytja 2. - hlutann af Messías. Á þessum stað er íþróttahöll,
sem hefur einn stærsta innanhúsvöll á Norðurlöndum (gólfið er 90 x 46m). Þetta
var eina húsið í Falun, sem gat hýst alla kórana ásamt hljómsveit og
10 ORGANISTABLAÐIÐ