Organistablaðið - 01.10.1982, Blaðsíða 16
annarri vél, en aðalhópurinn bíður. Sumir fara ,,í land", að sjá sig um, en þarna
er mjög heitt í veðri (30 stig). Ég og margir fleiri fara ekki, við látum okkur nægja
það sem við sjáum út um gluggana. Við bíðum þarna íflugstöðinni, sumir sofna.
Loks koma þeir aftur sem ,,í land" fóru, létu vel yfir sinni ferð, þarna er fallegt.
Senn er gefið borttfararmerki, allir út í vélina, sem fer með okkur heim.
„Velkomin um borð", er nú aftur sagt á íslenzku. Aftur ofar skýjum. Gaman að
virða skýin fyrir sér. Þarna er fjölbreytt „landslag", slétt, hæðir, dældir, strókar
sem minna á hraundranga í Aðaldalshrauni. Vélin flýgur norðvestur, nú sjáum við
grilla í land, landið okkar. Suðurlandið blasir við með fjöllum og jöklum, söndum
og vatnsföllum. Við erum að verða komin heim heil á húfi, hefðum að réttu lagi
átt að syngja hið fagra erindi Jóns Ólafssonar.
„Guð minn, þökk sé þér.
Þú að fylgdir mér
aftur hingað heim. Hér vil ég þreyja.
Nýtt hvað í mér er
Island, helga ég þér.
Fyrir þig er Ijúft að lifa og deyja".
Eigi var þetta sungið, en e.t.v. hefir þetta komið einhverjum í hug. Við erum öll
glöð í hug, ferðin hefir tekist mjög vel, sem bezt má verða. Við þökkum Guði og
öllum góðum mönnum, er að ferðinni hafa unnið. Þökkum biskupi íslands fyrir
hlý kveðjuorð, óskir og góðar stundir, er við nutum í boði biskupsembættisins, í
Leipzig og Vín. Þökkum einnig menntamálaráðherra og menntamálaráði fyrir
yndislega tónleika og ballettsýningu. Að síðustu: Haukur. Smári. Jónas.
Innilegustu þakkir fyrir góða fararstjórn, samfylgd og leiðsögn.
„Spennið beltin. Lending í nánd." Keflavíkurflugvöllur. - Viðerum brátt komin
út, förum í gegnum fríhöfnina. Þátollinn, þaðgengurgreiðlega. Bráttkemurstór
bíll, sem tekur margt af fólkinu, en það fara ekki allir með. Hér skilja leiðir sumra
úr hópnum, „að heilsast og kveðjast, það er lífsins saga". - Þetta hefir verið
samrýmdur hópur, góður og glaðvær andi ríkt íferðinni alla leið, og þá kannske
ekki saknaðarlaust að skilja, en eigi meira um það. Við erum að halda heim,
flugrík af góðum endurminningum. Leið okkar í stóra bílnum liggur að Loftleiða-
hótelinu, en þar skilur alveg með okkur. Björg Björnsdóttir
Gott að vera aftur komin heim. íLóni
Organistablaðið
Útg. Félag íslenskra organleikara
Formaður: Kristján Sigtryggsson, gjaldkeri: Daníel Jónasson,
ritari: Guðný Magnúsdóttir.
Afgreiðslumaður blaðsins: Þorvaldur Björnsson
Efstasundi 37 R.
Prentað í Borgarprent.
Útgáfu önnuðust: Kristján Sigtryggsson ábm,
Páll Halldórsson og Páll Kr. Pálsson.
16 ORGANISTABLAÐIÐ