Organistablaðið - 01.10.1982, Blaðsíða 19
Org anistaskip ti
við Hallgrímskirkju
í Reykjavík
Um mánaðamótin maí og júní urðu organistaskipti við Hallgrímskirkju. Antonio
Corveiras lét af störfum en Hörður Áskelsson hefur verið ráðinn organisti kirkjunnar.
Hörður er fæddur 22. 11. 1953 á Akureyri. hann stundaði fyrst píanónám við
Tónlistarskólann á Akureyri en síðan orgelnám hjá Gígju Kjartansdóttur við sama
skóla. Árið 1973 lá leiðin til Reykjavíkur í Tónlistarskólann í Reykjavík og Tónskóla
Þjóðkirkjunnar. Árið 1976 lauk hann B-prófi í orgelleik við Tónlistarskólann, en org-
elkennari hans þar var Marteinn H. Friðriksson. Eftir það hélt hann til Dusseldorf í
Vestur-Þýskalandi til náms við kirkjutónlistardeild tónlistarháskólans þar. (Staatliche
Hochschule fúr Musik, Rheinland - Robert Schumann Institut). Hann stundaði þar
nám fram til ársins 1981 er hann lauk A-prófi frá skólanum.
Kirkjutónlistarnám ( Þýskalandi er mjög víðtækt. Aðalgreinar eru: Orgelleikur, leik-
ur af fingrum fram (Improvitation), kórstjórn, píanóleikur, söngur og litúrgía. Auk
þess þarf að Ijúka við fjölda aukagreina eins og til dæmis kirkjutónlistarsögu, orgel-
smíði, partitúrspil, hljómsveitarstjórn, sálmafræði (hymnologie), og kirkjusögu.
Þar sem hann fékk fyrstu einkunn á A-prófi var honum boðið að stunda áfram
nám í orgeleinleikaradeild skólans á sumarsemestri 1981 og vetrarsemestri 1981-
82. Auk þess tók hann að sér stöðu kantors við Neanderkirkjuna í Dússeldorf frá 1.
september 1981 til 1. mái 1982 fyrir organistann þar, Oskar Gottlieb-Blarr, sem
dvaldi í leyfi í ísrael. Auk reglubundinna organistastarfa felur þetta starf í sér skipu-
lag tónleikahalds og þjálfun kórs fyrir það. Hápunktur vetrarstarfsins var konsert 14.
mars s.l., þar sem flutt var De profunþis eftir Marc Antonie Charpentier (+ 1704),
Orgelkonsert f g-moll eftir F. Polence (+1964) og Requiem eftir Gabriel Fauré (+
1924). Flytjendur voru kór kirkjunnar og hljómsveit undir stjórn Harðar, Nancy Herbi-
son sópransöngkona, Andreas Schmidt bariton og Almut Rössler organisti. Flutningi
þessum var mjög vel tekið og fengu flytjendur og þá sérstaklega hinn ungi stjórn-
andi mjög góða dóma.
Við væntum mikils af störfum Harðar og bjóðum hann sérstakelga velkominn í
raðir félagsmanna F.f.O.
OR( jANISTABLAÐIÐ 19