Organistablaðið - 01.12.1984, Blaðsíða 27

Páll Kr. Pálsson heiðraður
í fjölmennu samsæti.
Hinn 20. des. 1984 voru liðin 70 ár trá því Hafnarfjarðarkirkja var tekin
i notkun. Tímamótanna var minnst í kikjunni með jólavöku þann 16. des.
Helgi Bragason lék á orgelið.
Eftir athöfnina í kirkjunni var kirkjugestum boðið til samsætis. Þar var
þess sérstaklega minnst aö Páll Kr. Pálsson, söngstjóri og orgelleikari lét
af störfum á árinu. Honum voru þökkuð góð störf. Vegna veikinda gat Páll
ekki verið viðstaddur. Hrafn sonur hans veitti viðtöku gjöf frá söfnuðinum,
fögrum „borð-platta“ sem Gunnar Hjaltason hafði gert. Á plattanum er mynd
af kirkjunni og orgelpípur greyptar í plattann.
Gjöfin er táknrænn þakklætisvottur fyrir orgelleik og söngstjórn um 33
ára skeið.
Við sömu athöfn lék Jónas Ingimundarson á hljómmikinn konsert-flygil
af Atlas gerð. Flygillinn er gjöf safnaðar og bæjarfélagsins til kirkjunnar.
Bæjarfélagið lagði fram 150.000 kr. til kaupanna og söfnuðurinn 100
þúsund, en kaupverðið var 250 þús. kr.
Útdráttur úr frétt l„ Borgaranum"
blaði félags óháðra borgara I Hafnarfirði.
Sigurður G. ísólfsson
sæmdur Riddarakrossi.
Siguröur G. ísólfsson, fyrrv. organleikari Fríkirkjunnar í Reykjavík var
sæmdur Riddarakrossi hinnar íslensku Fálkaorðu á sumardaginn fyrsta,
þann 25. apríl, fyrir tónlistarstörf.
Forseti íslands, Vigdís Finnbogadóttir afhenti honum, og átta öðrum
orðuþegum, þessa heiðursviðurkenningu í síðdegisboði að Bessastöðum.
ORGANISTABLAÐIÐ 27