Organistablaðið - 01.01.1986, Blaðsíða 14

eiginleika aö gera öllum hlutum sem best skil, hvort sem var í hljóðfæraleik,
kórstjórn eða öðru starfi. Ýmsir leggja mikið upp úr því að láta mikið eftir
sig liggja af því sem geymast á um ókomna daga svo sem hljóðritanir eða
bækur sem þeir hafa skrifað. Ég held að það sem einkum varðveitist fremur
öðru sé framkoma mannaog þau áhrif til góðs erstafafrá þeim álífsleiðinni.
Þau áhrif taka sér bólfestu í hugum manna er þeim kynnast og koma síðan
fram í breytni þeirra og flytjast þannig áfram til komandi kynslóða. í
vöggugjöf hafði hann fengið trúmennsku og samviskusemi og við finnum
að því fleiri sem slíkir menn eru því nær komumst við því takmarki sem
okkur er ætlað.
Jarðarför Ólafs Guðmundssonar var í þann mund er organistar
hvaðanæva af landinu voru á námskeiði í Reykjavík. Við útför hans
aðstoðaði hópur þeirra, kór Ólafs, kirkjukór Hvanneyrarkirkju við sönginn.
Þar var einnig leikið á harmonikku með fínlegum blæbrigðum sem þetta
sérstaka hljóðfæri býr yfir. Presturinn talaði af næmi og innsæi um líf hans
og list. Yfir þessari athöfn hvíldi óvenjulegur helgiblær. í hugum þeirra er
fylltu kirkjuna voru þakkir og hlýja til hins látna sem í lífi sínu hafði ætíð
minnt á vorið og vermandi sól. Fordæmi hans verður okkur fyrirmynd —
okkur sem enn eru gefnar nokkrar stundir.
Ég sendi samúðarkveðjur elskulegri eiginkonu hans, börnum, barnabörn-
um, bræðrum, kjörsystur oa föður.
Minning hans lifi.
Skrifað í apríl 1986.
Haukur Guðlaugsson.
Vígsluhátíð í
Hallgrímskirkju
Hafinn er undirbúningur tónlistarhátíö-
ar í tengslum við vígslu Hallgrímskirkju f
Reykjavík. Fyrirhugaö er aö dreifa tón-
listaratriðum hátíöarinnar á heilt ár frá
vígslunni. Tónskáldum var skrifað bréf
og þau beðin um tillögur að nýjum tón-
verkum af þessu tilefni. Nokkur tónskáld
hafa lagt fram tillögur að stórum verkum,
Hallgrímspassíu, páskaóratóríu, messu
o.fl. og þegar liggur fyrir eitt verk, Introitus
við vígslu fyrir 14 málmblásara, pákur,
kór og orgel eftir Áskel Másson. Listvina-
félag Hallgrímskirkju sér um skipulagn-
ingu hátíðarinnar.
14 ORGANISTABLAÐIÐ
Ný sálmalög
Listvinafélag Hallgrímskirkju pantaði
sálmalög til safnaðarsöngs við sálma í
sálmabókinni hjá fimm þekktum tón-
skáldum til að koma til móts við þörfina
fyrir sönghæf lög við sálma, sem ein-
göngu eru flytjanlegir af kór. 4. maí s.l.
voru þrjú þessara nýju laga kynnt og
sungin í „sálmamessu,, i Hallgrímskirkju.
Sálmarnir eru : nr.28, Festingin víða, við
lag eftir Atla Heimi Sveinsson, nr. 356, Þú
Guð, sem veizt og gefur allt, við lag eftir
Þorkel Sigurbjörnsson og nr. 390, Ég trúi
á Guð, með lagi eftir Gunnar Reyni
Sveinsson. Von er á fleiri nýjum sálma-
lögum.