Organistablaðið - 01.09.1987, Blaðsíða 4

I orgelverksmiðjunni.
hópur virtist vera glaðvær og skemmtilegur og þarna var talsvert af ungum og
fallegum röddum sem fengu að spreyta sig á smáeinsöngsköflum, svona út
úr kórnum. Það var annars merkilegt hvað við könnuðumst þarna við marga,
eins og altröddina sem alls ekki vildi vera við hliðina á sóþran. Þau voru aö
undirbúa vortónleika sem áttu að vera í maí og einnig ferðalag til Póllands í
júlí, og voru þetta kvöld að glima við verk eftir Carl Nielsen og Niels W. Gade.
Það má svo geta þess svona í framhjáhlaupi að þau hafa hugsað sér að
koma til Islands á næsta ári.
Næsta dag tókum við daginn snemma og byrjuðum á því að fara út í Filips
Kirke á nýjan leik, að þessu sinni til þess að skoða orgelið. Það er gamalt
Marcussen orgel, 20 radda, frá 1859, en endurbyggt á þessari öld af P.G.
Andersen. Þetta hljóðfæri er ótrúlega hljómfagurt. Næst fórum við í Heilags-
andakirkju og hlýddum þar á stutta orgeltónleika og skoðuðum svo orgelið á
eftir. Það er stórt orgel, 86 radda, byggt árið 1986 af Marcussen. Þetta'er
glæsilegt hljóðfæri í alla staði. Að síðustu fórum við í Vigerslev Kirke. Þar er
20 radda Frobenius orgel frá árinu 1967, nokkuð gott hljóðfæri, þótt engan
veginn jafnaðist það á við orgelið í Filips Kirke. Þegar við höfðum kvatt Gunnar
Svensson og þakkað honum fyrir alla aðstoðina þá var kominn tími til að fara
út á flugvöll. Þaðan var svo farið um klukkan 18. Flugferðin til Búdapest tók
4 ORGANISTABLAÐIÐ