Organistablaðið - 01.04.1991, Side 16

Frá sálmabókarnefnd
Sálmabókarnefnd sem brátt sendir frá sér sálmahefti var skipuð af
Kirkjuráði sumarið 1985. í henni eiga sæti sr. Jón Helgi Þórarinsson,
sem var skipaður formaður nefndarinnar, sr. Bolli Gústavsson, sr. Hjálm-
ar Jónsson, Haukur Guðlaugsson söngmálastjóri (Glúmur Gylfason
starfaði fyrir hann í nefndinni árið 1989) og Hörður Áskelsson orgel-
leikari. í ársbyrjun 1987 kallaði nefndin sr. Kristján Val Ingólfsson og
Þröst Eiríksson orgelleikara til samstarfs við sig. Einnig hefur nefndin
leitað til sérfróðra manna um málfar.
Nefndin hefur verið sammála um að skoða starf sitt sem þátt í því
sálmastarfi kirkjunnar sem stöðugt þarf að eiga sér stað. Sálmahefti
þetta ber að líta á sem reynsluhefti, framhald núverandi sálmabókar og
skref til nýrrar bókar.
Þær forsendur sem liggja að baki vali á sálmum og efni í bókina eru
m.a. þessar (sjá annars greinargerð nefndarinnar í sálmaheftinu sjálfu):
* Sálmar heftisins eiga að efla almennan safnaðarsöng. Laglínur,
tónhæð og útsetningar eru við það miðuð. Nefndin bendir um leið á
mikilvægi þess að gefin verði út sérstök hefti með fjölradda sálmum og
kirkjulegum kórverkum fyrir kirkjukórana að flytja við messur og önnur
tækifæri.
í heftinu er 66 sálmar auk biblíulegra inngöngusálma og sálma á
táknmáli.
* Nefndin hefur talið það eitt af hlutverkum sínum að kynna hér á
landi þau sálmalög er tilheyra sameiginlegum arfi kristinnar kirkju og eru
mikið sungin í kirkjum annarra þjóða en er ekki að finna í okkar sálma-
bók. Hefur nefndin í því sambandi kynnt sér það mikla sálmastarf sem
unnið hefur verið hin síðari ár meðal systurkirknanna á Norðurlöndum
og hefur fengið nokkra þá sálma þýdda og birtir hér.
Ýmsir af sálmum sálmabókarinnar frá 1972 er sjaldan eða ekki
notaðir vegna þess að lagið við þá hefur ekki reynst vel. Hefur verið
reynt að bæta úr því að nokkru leyti í þessu hefti og eru nokkrir sálmar
birtir þar með nýju lagi. Ýmsir af sálmum sömu bókar eru lítið sungnir af
því að þeir hafa ekki fengið neina kynningu. Nefndin lítur svo á að eitt
hlutverk sitt sé að kynna efni sálmabókarinnar um leið og hún kemur
nýju efni á framfæri.
16 ORGANISTABLAÐIÐ