Organistablaðið - 01.04.1991, Blaðsíða 30

Organistablaðið - 01.04.1991, Blaðsíða 30
Nýr íslenskur hljómdiskur meö orgelleik Síðastliðið haust kom út hljómdiskur þar sem Pavei Smid organleikari viö Fríkirkjuna í Reykjavík leikur á orgel Fríkirkjunnar. Orgel Fríkirkjunnar í Reykjavík var smíöaö áriö 1926 og er sögulega merkilegasta orgel landsins. Orgeliö er smíöað af Wilhelm Sauer orgelsmiöjunni í Frankfurt an der Oder. Orgeliö var smíðað í háróman- tískum stíl og raddaval gerði Dr. Páll ísólfsson eftir fyrirmynd Reger orgelsins í Tómasarkirkjunni í Leipzig, þar sem Páll lærði og lék á undir handleiðslu Dr. Straube. Orgelhreyfingin svo kölluð svo og seinni heimstyrjöldin útrýmdu að mestu þessari tegund hljóðfæra. Því er það merkilegt að á íslandi skuli fyrirfinnast eitt slíkt hljóðfæri. Árið 1985 var ákveðið að gera orgelið upp í upprunalegri mynd, með nokkrum breytingum. Loftstýring var látin víkja fyrir rafstýringu, nokkrum nýjum röddum bætt við til þess að gefa hljóðfærinu birtu og fleiri möguleika varðandi túlkun orgelverka sem ekki eru rómantísk. Viðgerðin var framkvæmd af þýska orgelsmiðnum Reinart Tzschöckel. Pavel R. Smid lærði orgelleik hjá Prófessor Dr. Jiri Reinberger við Tónlistarháskólann í Prag. Samtímis var hann í námi hjá Próf. Zuzana Ruzickova sem kenndi semballeik við sama skóla. Að námi loknu starfaði Pavel sem prófessor við Konservatoríið í Prag. Hann hefur tekið þátt í alþjóðlegum orgelkeppnum og hefur hlotið mörg verðlaun. Pavel kom til íslands árið 1975 og hefur starfað sem tónlistarkennari hér á landi síðan. Pavel hefur verið organleikari við Fríkirkjuna í Reykjavík frá árinu 1983 og tók hann þar við af Sigurði ísólfssyni, sem áður hafði tekið við starfinu af bróður sínum Dr. Páli ísólfssyni árið1939. Pavel er því þriðji organistinn sem annast þetta sérstaka hljóðfæri. Pavel hefur einnig starfað sem konsertorganisti og hefur haldið marga tónleika víða um heim, svo sem í Tékkóslóvakíu, Búlgaríu, Sovétríkjunum, Vestur-Þýskalandi, Austurríki, íslandi, Kanada og Bandaríkjunum, auk þess hefur hann leikið inn á margar upptökur fyrir íslenska útvarpið og útvarp í Tékkóslóvakíu. 30 ORGANISTABLAÐIÐ

x

Organistablaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Organistablaðið
https://timarit.is/publication/787

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.