Organistablaðið - 01.09.1991, Blaðsíða 1
ORGANISTABIAMI)
September 1991
22. árg.
Fjörutíu ára afmæli Organistafélagsins.
í júnímánuði síðastliðnum voru liðin 40 ár frá stofnun félagsins. Þegar
þetta er ritað hefur ekki tekist að hafa uppá fyrstu fundargerðabókinni og er
hér með lýst eftir henni. Ég hef haft samband við nokkra stofnfélaga og
reynt að kynna mér bernskuskeið félagsins, aðdraganda og stofnun þess.
Fyrsti formaður félagsins var dr. Páll ísólfsson. Mér er sjálfum í fersku
minni ávarp sem dr. Páll flutti í útvarpi til þess að vekja athygli á stofnun
félagsins á vordögum 1951.
Fjórir áratugir teljast víst ekki langur tími í sögu félagsskapar, en vissu-
lega gefa þessi tímamót tilefni til að líta um öxl.
Eins og verða vill hefur á ýmsu gengið með félagsstarfið það hefur oft
verið blómlegt en stundum hefur það einnig nánast legið niðri um hríð. í
árdaga gekkst félagið fyrir tónleikaröð í kirkjum höfuðstaðarins undir nafn-
inu:
„Musica sacra“ sem þótti lofsvert framtak á þeim tíma. Snemma hóf félag-
ið samstarf við sambærileg félög á Norðurlöndum og gerðist aðili að
norrænum kirkjutónlistarmótum en þetta samstarf hefur orðið félaginu
mjög til góðs. Þá er getið þess framtaks að halda úti málgagni félagsins,
Organistablaðinu, en útgáfa þess hefur kostað ómælda elju og fórnfýsi
sem seint verður fullþökkuð.
Stjórn félagsins áformar að minnast afmælisins á verðugan hátt og er
það mál komið á framkvæmdastig og verður tilkynnt nánar um það í sér-
stöku fréttabréfi á næstunni.
Við þessi tímamót skulu öllum þeim fjölmörgu félagsmönnum og velunn-
urum, sem á einn eða annan hátt hafa unnið félaginu gagn, færðar alúðar-
þakkir.
Kjartan Sigurjónsson.