Organistablaðið - 01.12.1991, Side 7

Gunnlaugur V. Gunnlaugsson
frá Heiðarseli
- Minning -
Gunnlaugur Vilhjálmur Gunniaugsson
var fæddur að Heiðarseli í Hróastungu á
Fljótsdalshéraði þann 2. nóvember 1915
og andaðist 11. mars 1991.
Gunnlaugur var sonur hjónanna Gunn-
laugs Gunnlaugssonar Oddsen og Guð-
bjargar Árnadóttur. Gunnlaugur ólst upp
í foreldrahúsum, í stórum systkinahópi, til
níu ára aldurs en þá dó faðir hans.
Frá 9 ára aldri ólst Gunnlaugur upp í
Bót í Hrósastungu hjá Sigríði Eiríksdóttur
og ungum syni hennar Stefáni Péturssyni.
Stefán var þá organisti við Kirkjubæjar-
kirkju og hóf Gunnlaugur sitt orgelnám
hjá honum. Veturinn 1933 - 1934 stundaði
Gunnlaugur nám f Alþýðuskólanum á
Eiðum, meðal kennara þar var Þórarinn
Þórarinsson frá Valþjófsstað í Fljótsdal,
síðar skólastjóri og var hann mikill áhuga-
maður um söngmál og hvatti hann Gunn-
laug til þess að gefa sig að orgelspilinu.
Gunnlaugur gekk til spurninga hjá sr. Sigurjóni Jónssyni á Kirkjubæ, vorið 1930 og
lék hann þá stundum á orgelið í kirkjunni fyrir prest.
Árið 1939 hóf Gunnlaugur búskap að Heiðarseli ásamt móður sinni en árið 1947
keypti hann jörðina og hóf búskap með unnustu sinni Gunnhildi Björnsdóttur frá
Heiðarseli og gengu þau í hjónaband árið 1954 og eignuðust þau átta börn og ólu
einnig upp eina dótturdóttur sína.
Gunnlaugur var organisti í Kirkjubæjarkirkju í Hróastungu frá árinu 1950 til ársins
1991 eða um 40 ára skeið og vann sitt starf af alúð og óeigingirni og flyt ég honum
einlægar þakkir fyrir áratuga samstarf.
Sr. Einar P. Þorsteinsson prófastur að Eiðuin.
(Tekið saman að beiðni organistablaðsins)
Organistablaðið vottar Gunnlaugi heitnum virðingu sína og sendir aðstandenum
lians samúðarkveðjur.
Frá ritnefnd. Fleiri minningargreinar bíða birtingar og verða þær birtar í næstu blöðum. Það
eru vinsamleg tilmæli frá okkur að organistar, prestar og aðrir þeir sem til þekkja geri blaðinu
aðvart um andlát og afmæli í organistastétt og jafnvel sendi okkur greinar og þá mjög gjarnan
með myndum sem við að sjálfsögðu cndursendum að lokinni prentun. Sérstaklega á þetta við
núna þegar útgáfa blaðsins er að jafna sig eftir lægð undanfarinna ára og vitað er að ýmsir hafa
átt afmæli og einnig að ýmsir hafa fallið frá án þess að þeirra hafi verið getið í blaðinu. Þess vegna
verðum við núna að treysta á að þið gerið okkur aðvart mcð símhringinu eða línu.
ORGANISTABLAÐIÐ 7