Organistablaðið - 01.12.1991, Blaðsíða 21

Organistablaðið - 01.12.1991, Blaðsíða 21
Organistanámskeið í Skálholti Fariö var í organistaferð til Parísar, Rómar og Caprí 6. - 23. júní s.l. Kom sú fcrð í stað hefðbundins organistanámskeiðs í Skálholti og féll því sá þáttur niður, en kór- þáttur námskeiðsins var haldinn þar síðustu þrjá dagana í ágúst að venju, og voru þar innritaðir um 230 þátttakendur. Námskeiðinu lauk síðan á hefðbundinn hátt með messu í Skálholtskirkju 1. september. Haukur Guðlaugsson, söngmálastjóri Jöklakórinn í september s.l. komum við saman, organistar og kórstjórar Stykkishólmskirkju, Grundarfjarðarkirkju, Ólafsvíkurkirkju og Ingjaldshólskirkju, cn hún stendur á milli Rifs og Hellisands. Tilefnið var að cndurvekja samstarf kirkjukóra norðan Snæfclls- ness, sem starfað haföi undir nafninu Jöklakórinn á árunum 1986 - 1988. Hápunktur þess starfs var þegar kórinn fór í cftirminnilcga söngfcrð til Bctlehemsvalla um jólin 1986. Auk þess tók hann þátt í Söngleikum blandaðra kóra 1988. En hvað um það, þetta tilefni okkar kórstjóranna var að virkja saman allt söngfólk okkar, fólk scm starfar í kirkjukórunum í dag. Einnig auglýstum við eftir nýju fólki til þess að starfa með okkur. Það gaf góðan árangur, sérstaklega kom inn í kórinn töluvert af ungu fólki og var þaö okkur kórstjórum til mikillar ánægju, þannig aö í upphafi samanstóð Jöklakórinn af 86 kórfélögum og þótti nú vera allgott. Á fundinum voru valin 18 lög sem við skiptumst á að stjórna. Auk þcss spiluðum við undir hjá hvert öðru en okkur til aðstoðar voru þrír hljóðfæraleikarar frá Stykkishólmi, alveg skínandi fólk. Þessi lög sem við völdum voru frá ýmsum tímum. Af kirkjulcgum verkum má ncfna: „Ave verum corpus" cftir W.A. Mozart, cn honum gerðum við skil vegna 200 ára dánar- afmæli hans á þessu ári. Þjóðleg íslensk lög sungum við einnig t.d. „íslandslag" eftir Björgvin Guðmundsson, en hann átti 100 ára fæðingarafmæli á þessu ári. Svo voru þarna lög frá ýmsum löndum og síðan dægurlög sem sérstaklega voru útsett fyrir kórinn. Þá tóku við stífar æfingar hjá kórunum hverjum á sínum stað, en 19. okt. hittumst við svo saman í Stykkishólmskirkju á 1. samæfingu. 24. okt. var. 2. samæfing í Grundarfjarðarkirkju og 26. okt. var 3. samæfing og sú síðasta í Ólafsvíkurkirkju. Kl. 16.00 þennan sama dag voru 1. tónleikar Jöklakórsins í Félagsheimilinu Röst á Hellissandi. 2. tónlcikar voru 31. okt. í Grundarfjarðarkirkju, 3. tónleikarnir voru 1. nóv. í Stykkishólmskirkju og þeir 4. og síðustu voru svo í Ólafsvíkurkirkju 2. nóv- ember. Eina aukatónleika hcldum við 6. nóv. fyrir Snæfcllinga sunnan heiða í Félags- heimilinu Brciöabliki. Allir þessir tónleikar voru mjög vel sóttir og mátti bæði sjá og heyra að efnisskráin fcll áheyrendum það vel í geð að kórinn þurfti að flytja mörg aukalög og einnig að cndurtaka sum lög af efnisskránni. Eftir tónlcikana 2. nóvember í Olafsvík, hélt Jöklakórinn árshátíð sína í Félags- heimilinu Klil'i á Ólafsvík. Samkoman hófst með borðhaldi, cinnig fluttu kórfélagar heimatilbúin skemmtiatriði sem slógu öll í gegn og þar l'engu kórstjórar m.a. að kenna á því, síðan var stiginn dans fram eftir nóttu. Þessi skemmtun var mjög vel heppnuð og góður endir eftir miklar og erfiðar æfingar, en svo samhent var kórfólk orðiö að sumir höfðu á orði að ekki væri hægt að sjá að þama væri fólk úr 4 byggða- Iögum að skemmta sér saman. ORGANISTABLAÐIÐ 21

x

Organistablaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Organistablaðið
https://timarit.is/publication/787

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.