Organistablaðið - 01.07.1993, Blaðsíða 17

Verkstjóri við uppsetningu og stillingu var Giinther Schumacher en auk hans unnu þeir
Ulrich Busacker, Heinz Bergheim, Jiirgen Schroeder og Hans Cremer við hana. Um
raddskipan sáu prófessor Hans-Dieter Möller, Hörður Áskelsson og Hans Gerd Klais.
Málsetningu pípna framkvæmdu Hans Gerd Klais og Klaus Hilchenbach og sá hinn
síðarnefndi einnig um tónmyndun og stillingu.
Nýyrði í orgelmáli
í tilefni af vígslu Klais-orgelsins í Hallgrímskirkju var gefinn út veglegur bæklingur
um orgelið. Ritnefnd blaðsins uppgötvaði að mörg fagheiti sem tengist orgelum hafa
ekki fengið þjál íslensk orð. Því hafði hún samband við íslenska' málnefnd og í samvinnu
við starfsmann hennar, Baldur Jónsson, urðu sum eftirfarinna orða til. Þeim má skipta í
nokkra kafla.
Þannig hefur orgelborðið fjögur nótnaborð og fótspil, handstýrð raddtengsl og rafstýrt
raddval. Rafstýrðu orgelborði verður bætt við síðar. Nótnaborðin heita: I Bakorgel
(Rúckpositiv), II aðalverk (Hauptwerk), III svelliverk (Schwellwerk), IV hvellverk
(Bombardwerk).
Organistinn er í organistastúkunni eða á organistaloftinu, sem jafnframt er vinnuloft
organistans.
Raddfjölskyldurnar heita: Tunguraddir, flauturaddir, yfirblásnar raddir, strengjaraddir,
aðalraddir (principal), umbreyttar raddir (aliquote), blandraddir (mixtúrur) og lokaðar pípur
(gedeckt).
17 ORGANISTABLAÐIÐ