Organistablaðið - 01.07.1993, Síða 21

Sunnlenskt pípuorgel vígt í sunnlenskri kirkju
Sunnudaginn 14. inars 1993 var nýtt pípuorgel vígt í Víkurkirkju í Mýrdal. Það var
Ketill Sigurjónsson, orgelsmiður í Forsæti í Villingaholtshreppi, sem smíðaði það.
Orgelið er 11 radda, handstýrt (mekanískt) og smíðað í klassískum stíl með tveimur
nótnaborðum og fótspili. Orgelhúsið er úr gegnheilli amerískri hnotu. Við tónmyndun og
stillingu naut Ketill aðtoðar Albrechts Bucholtz og nema hans Jens Kristensens frá
Marcussen & Spn í Danmörku.
Aðdranganda að smíði orgelsins má rekja aftur til ársins 1984, þegar Víkurkirkja varð
50 ára. Þá var stofnaður sjóður til minningar um feðgana Sigurjón Kjartansson, fyrrv.
kaupfélagsstjóra, organista og tónskáld í Vík, og Kjartan Sigurjónsson, sem lést langt
um aldur fram 1945 í London, þar sem hann var við söngnám. Árið 1990 gaf Ólafur
Jónsson í Vík síðan veglega gjöf til minningar um dóttur sína Sigríði, fyrrverandi
organista Víkurkirkju og þar með hófst smíði orgelsins af fullum krafti. Þá hafa
fjölmargir aðrir fært sjóðnuin veglegar gjafir en markmið orgelsjóðs Víkurkirkju var að
kaupa vandað hljóðfæri í kirkjuna svo unnt yrði að flytja þar hin bestu tónverk til
ómetanlegs menningarauka fyrir Mýrdalinn og nágrenni hans.
Raddskipan
I Aðalverk C - g3 II Svelliverk c - g3 Fótspil C - f1
Prinsipal 4' Bordún 8' Subbassi 16
Rörflauta 8’ Gemshorn 4' Bassaflauta 8’
Spíssflauta 2' Prinsipal 2'
Mixtúra 1 1/3' - 3f Kvinta 1 1/3' Tengi:
Dúlsían 8' I-P, II-P, I-II, II-I
21 ORGANISTABLAÐIÐ