Organistablaðið - 01.03.1995, Blaðsíða 28
Fyrsti organleikari Stykkishólmskirkju var Sveinbjörn, sonur Sörens Hjaltalín, og var
hann það í nokkur ár, eða þar til hann fluttist til Vesturheims. Þá tóku við Hallgrímur
Jónsson barnakennari, bróðir hans Jósep H. Jónsson og systir Sveinbjarnar, Magðalena
Hjaltalín, kona Sæmundar Halldórssonar, kaupmanns. Þessi þrjú léku á orgelið þar til
Kristín Sveinsdóttir Möller tók við.
Kristín Sveinsdóttir var fædd 1879. Hún var dóttir hjónanna Guðrúnar Bjarnadóttur
og Sveins Jónssonar snikkara í Stykkishólmi. Eiginmaður Kristínar var Tómas W. Möller
póst- og símstjóri í Stykkishólmi. Kristín var fjölgáfuð og menntuð kona. Átján ára
gömul var hún orðin kirkjuorganleikari og söngstjóri Stykkishólmskirkju. Þetta var árið
1897 og með nokkrum hléum var hún það fram yfir 1920. Kristín Sveinsdóttir Möller
var kennari við barnaskólann, og var það að hennar frumtaki að tekin var upp
söngkennsla í skólanum.
Sr. Sigurður Gunnarsson prófastur og sóknarprestur í Stykkishólmi og Kristín Möller
bundust samtökum um að halda á útmánuðum ár hvert „skólamessu“ í kirkjunni þar
sem skólinn Iagði til allan messusöng og meðhjálpara. Þóttu þetta miklar hátíðamessur
og hélst þessi siður um daga sr. Sigurðar Gunnarssonar.
Þegar tímar liðu kom alltaf eitthvað af skólanemendum í kirkjukórinn svo kórinn
endurnýjaðist.
Júlíana Jónsdóttir, dóttir Hansínu Jónsdóttur veitingakonu, kenndi organleik í
Stykkishólmi og var um tíma organleikari við Stykkishólmskirkju.
Ólöf Sigvaldadóttir, dóttir Guðlaugar Jóhannesdóttur og Sigvalda Valentínussonar var
organisti frá 1928-1934.
Rannveig Jónsdóttir kaupkona, kona Hannesar Stefánssonar skipstjóra, var organisti
Stykkishólmskirkju frá 1933-1935.
Árið 1935 hefur Guðríður Magnúsdóttir organistastörf við Stykkishólmskirkju og gegni-
r því starfi til 1952. Guðríður var dóttir hjónanna Júlíönu Kristjánsdóttur og Magnúsar
Jónssonar bókhaldara í Stykkishólmi. í hennar tíð er kirkjukór Stykkishólms formlega
stofnaður af Sigurði Birkis söngmálastjóra árið 1943.
í fyrstu stjórn kórsins voru kosin Kristján Bjartmars formaður, Ingibjörg Helgadóttir,
Anna Magnúsdóttir, Sigríður Jónatansdóttir og Guðmundur Sumarliðason. Söngstjóri
hins nýstofnaða kórs var Jón Eyjólfsson kaupmaður. Hann var bróðir Sigurðar Birkis
söngmálastjóra og Þormóðs Eyjólfssonar á Siglufirði. Jón kom til Stykkishólms um
1920. Hann hafði milda og fallega tenórrödd og söng oft einsöng á samkomum. Hann
vann að söngmálum í Hólminum í yfir 20 ár, æfði bæði kvartetta og tvísöng. Jón var gift-
ur Sesselju Konráðsdóttur, kennara og skólastjóra í Stykkishólmi.
28 ORGANISTABLAÐIÐ