Organistablaðið - 01.10.2000, Blaðsíða 4
Organistablaðið
Norrænir orgeldagar í Reykjayík 1999
■ /
Iseptember 1999 komu saman organistar frá
Svíþjóð og íslandi í Reykjavík ásamt gesti frá
Noregi og fríðu föruneyti til að taka þátt í Norræn-
um Orgeldögum 1999.
Kantor Hallgrímskirkju, Hörður Áskelsson,
hvatti til þessarar samkomu á Islandi að þessu
sinni. Tveimur árum áður hafði hann tekið þátt í
móti sem haldið var í Östersund í mið-Svíþjóð.
Hugmyndin með mótinu var að koma á sambandi
milli stórra kirkna á Norðurlöndum sem höfðu
það eitt sameiginlegt að liggja á svipaðri breidd-
argráðu. Kom í ljós að bæirnir Östersund í Sví-
þjóð, Wasa í Finnlandi, Trondheim í Noregi og
Reykjavík höfðu allir það sameiginlegt að liggja á-
líka norðarlega á heimskringlunni. Allar borgirn-
ar geta auk þess státað af stórum kirkjum með
öflugu tónlistarlífi. Eftir vel lukkað mót í Öster-
sund var í anda Ólympíuleikanna skorað á þátt-
takendur að koma aftur saman í Reykjavík að
tveimur árum liðnum.
í kjölfaráið áttu sér stað viðræður milli FÍO og
Listvinafélags Hallgrímskirkju; efnt var til sam-
vinnu um þetta verkefni og undirritaður skipaður
framkvæmdastjóri verkefnisins. Hörður Áskels-
son var listrænn stjórnandi.
Við setningu mótsins í Reykjavfk þann 16. sept-
ember íyrir réttu ári, voru mættir til leiks tuttugu
og níu organistar frá íslandi og átta frá Svíþjóð.
Það vekur óneitanlega athygli að engir þátttak-
endur komu frá Danmörku, Noregi og Finnlandi
fyrir utan boðaða gestaorganista frá Niðarósi og
Helsinki. Er þetta helst útskýrt með skírskotum
til kostnaðar sem óhjákvæmilega fylgir þátttöku í
móti á íslandi. Einnig er líklegt að náðst hefði
betri þátttaka ef mótið hefði verið kynnt með
lengri íyrirvara á hinum norðurlöndunum.
OrgelskoAunarferð
Áður en hin formlega dagskrá hófst var efnt til
orgelskoðunarferðar, sem fyrst og fremst var
hugsuð sem kynning á því athyglisverðasta í org-
elflóru Reykjavíkur og nágrennis íyrir aðkomu-
fólkið. Farið var í rútuferð til að skoða tvö nýleg
orgel sem Björgvin Tómasson smíðaði í Seltjarn-
arneskirkju og í Digraneskirkju í Kópavogi, svo og
tvö ný orgel eftir Fritz Noack í Neskirkju og í
Langholtskirkju. (Þegar þessi ferð var farin voru
bæði Noack-orgelin enn óvígð.) Þátttakendur
nutu þeirra forréttinda að hitta íyrir viðkomandi
orgelsmiði í hverri kirkju og fengu því kærkomið
tækifæri að hlusta á þá kynna sköpunarverk sitt,
auk þess að spyrja þá spjörunum úr. Björn Stein-
ar Sólbergsson tók að sér að spila á orgel Björg-
vins í Seltjarnarneskirkju og Kjartan Sigurjóns-
son í Digraneskirkju til að kynna kosti hljóðfær-
anna og Bandaríkjamaðurinn, Peter Sykes, gerði
það sama á orgel Noacks.
Orgeltónleikar
Veglegir orgeltónleikar voru haldnir í Hall-
grímskirkju á stóra Klais-orgelið þar. Þeir tón-
leikar voru eins fjölbreytilegir og orgelleikararnir
voru margir.
Hörður Áskelsson reið á vaðið í heimakirkjunni
sinni. Hann spilaði tvö nýleg norræn verk, Sin-
fonia Arctandriae eftir Norðmanninn Kjell Mork
Andersen, verk sem tileinkað er Herði, svo og hin
kunna Toccata Jóns Nordals sem sýnishorn af ís-
lenskri nútíma orgeltónlist.
Á föstudagskvöldið kom röðin að Anders
Bondeman, prófessor við tónlistarháskólann í
Stokkhólmi. Efnisskrá hans var fjölbreytt, lát-
4