Organistablaðið - 01.10.2000, Blaðsíða 22

OrganistaMaðíð
bærlega skipulagt og allt gengið alls staðar
eins og smurt var fólk fljótt að gleyma og íyrir-
gefa.
Sunnudagurinn 17. september rann upp
heiðskír og fagur eins og hinir dagarnir höfðu
gert. Að loknum morgunverði stóð mönnum til
boða að ganga til tíða í dómkirkjunni. Hinir
sváfu eilítið lengur enda allir orðnir þreittir og
mettaðir á sál og líkama.
Klukkan 12 hófst síðan messa í dómkirkj-
unni með þáttöku mótsgesta. Biskupinn í
Helsingfors prédikaði og dómkirkjuprestar
þjónuðu fyrir altari. Einn fulltrúi frá hverju
landi flutti bæn á sínu móðurmáli og kom það
í hlut Kjartans Sigurjónssonar að lesa íslensku
bænina. Þá tók séra Sigurður Kr. Sigurðsson á
Höfn þátt í útdeilingu sakramentisins. Fjórir
kórar sungu við messuna, þ.e. Erik Westbergs
Vokalensemble, Schola cantorum Reykja-
vicensins, Vokalensemblet Gaia og Viva Vox
sem er kammerkór dómkirkjunnar. Við mess-
una var frumflutt messa nr. 4 eftir Kaj-Erik
Gustafsson, fyrir kór, safnaðarsöng, orgel og
blásara. Allir kirkjugestir fengu messuskrá
þar sem hluti safnaðarins var prentaður svo og
alli sálmar með nótum, en sunginn var einn
sálmur frá hverju norðurlandanna 5. Það kom
í hlut íslendinganna á sjá um tónlistarfltun-
inginn undir altarisgöngunni. Fyrst söng öll
kirkjan sálminn Kom þú, ó Kristur, eftir þá
séra Kristján Val Ingólfsson og Jónas Tómas-
son og síðan lék Björn Steinar á orgelið þann
þátt úr verki Jónasar Dýrð Krists. Þá söng
Schola cantorum 23. Davíðssálm eftir Jónas
og loks Vertu Guð faðir, faðir minn við lag
Jakobs Tryggvasonar en það lag hafði kórinn
einmitt sungið sem aukalag á tónleikunum
daginn áður.
í messulok flutti fráfarandi forseti Norræna
krikutónlistarmótsins Sixten Enlund ávarp og
þakkaði íyrir þáttökuna í mótinu og síðan tók
viðtakandi forseti, Karsten Jensen, formaður
DOKS til máls og boðaði til næsta móts í Árós-
um 12. september 2004.
Sem eftirspil fluttu kórarnir verk fyrir fjóra
kóra, orgel og blásara og af því tilefni höfðu
þeir dreift sér um kirkjuna á meðan útdeiling-
in fór fram.
Það var gaman aó heyra hinn kröftuga söng
safnaðarins í kirkjunni þennan morgun, allir
sungu fullum hálsi svo hvorki heyrðist í orgeli
né kór niður í kirkjuna þegar söfnuðurinn söng
með. Að sögn eins kórfélaga sem var uppi á
orgelloftinu þá var það upplifelsi að heyra
þennan kröftuga söng neðan frá og orgelið á
fullu verki, fjórir sterkir kórar öskruðu eins og
þeir gátu en heyrðu ekki í sjálfum sér vegna
hins kröftuga safnaðarsöngs.
Allan tímann sem mótið stóð var opinn
nótnamarkaður og sölusýning hinna ýmsu út-
gefenda á norðurlöndum og gerðu margir þar
reyfarakaup og einnig var í dómkirkjunni (í
kryptunni undir kórnum) sýning og kynning á
orgelum frá hinum ýmsu orgelsmiðum á Norð-
urlöndum.
Þetta mót var í alla staði hið ánægjulegasta
og hefðu fleiri mátt taka sér frí og skreppa til
Helsinki og hressa upp á sál sína og fá vítamín-
spratu fyrir veturinn. Ég mælist til að við fjöl-
mennum til Árósa 2004 og gerum góðan samn-
ing við einhverja ferðaskrifstofu þar um.
Jón Ólafur Sigurðsson.
22