Norðurland - 01.12.1998, Blaðsíða 4
4- D E S £ M B i. u 1 n n a
Norðurland
Hægri ogvmstri í pólitík
AsgeirMagnússon
Hafa þessi hugtök öðlast aðra
og nýja merkingu? Hingað til
hef ég litið svo á að þau hefðu
skýra merkingu. Til hægri væru
þeir sem vildu Iáta einstaklings-
framtakið og markaðinn ráða
ferðinni, en til vinstri þeir sem
hafa félagsleg sjónarmið og jöfn-
uð að leiðarljósi. Mörkin milli
þessara sjónarmiða eru þó ekki
alltaf skýr og miklu oftar er um
að ræða ágreining um leiðir en
markmið.
Það er því að fjærri öllum
sanni að þeir sem ekki vilja taka
þátt í þeirri tilraun til samfylk-
ingar vinstri manna sem nú er í
gangi séu meiri vinstrimenn en
við hin, en þeir eru heldur ekk-
ert síðri vinstrimenn. Agrein-
ingurinn snýst um leiðir en ekki
markmið.
Stjórnmál eru full af mála-
miðlunum milli ólíkra sjónar-
miða, stundum er jafnvel sagt
að stjórnmál séu ekkert nema
málamiðlanir. Eg er löngu
hættur að trúa því að hægt sé að
búa til stjómmálaflokk þar sem
allir eru sammála um allt, en er
á hinn bóginn sannfærður um
að hægt sé að búa til öflugt
stjómmálaafl sem hefur félags-
leg sjónarmið og jöfnuð að leið-
arljósi, þó ef til vill taki það
nokkurn tíma. Gleymum því
ekki að stjórnmálaflokkar eru
tæki til að hafa áhrif og koma
sjónarmiðum á framfæri, en
ekki óumbreytanlegar valda-
stofnanir forustumannanna.
En til þess að við höfum áhrif
og skoðanir okkar og félagsleg
sjónarmið ráði ferðinni, þá verð-
ur styrkur okkar að vera meiri
en keppinautanna, málið er nú
ekkert flóknara en það. Ara-
langar eijur milli þeirra sem telj-
ast á vinstri kanti stjórnmálanna
á Islandi hafa komið í veg fyrir
að sjónarmið félagshyggju og
jöfnuðar hafi ráðið ferðinni í ís-
lenskri pólitík. Við hljótum að
vera búin að fá nóg af tilraunum
til að sameina jafnaðarmenn í
einum stórum flokki með því að
kljúfa þessar litlu fylkingar.
En er eitthvað að óttast í sam-
starfi, eða sameiningu stjórn-
málaflokka eða samvinnu stjórn-
málamanna? Að sjálfsögðu ekki.
í stjórnmálum er tekist á um
ólík sjónarmið og leiðir bæði
innan stjórnmálaflokka og milli
þeirra.
A Akureyri er Alþýðubandalag-
ið nú í margvíslegu samstarfi,
við Alþýðuflokkinn, Kvennalist-
ann og óháða í Akureyrarlistan-
um, sem síðan er í meirihluta-
samstarfi við Sjálfstæðisflokkinn
í bæjarstjórninni. Þannig má
segja að við séum í formlegu
samstarfi við öll stjórnmálaöfl
sem enn starfa á landsvísu nema
Framsóknarflokkinn.
Til að samstarf ólíkra stjórn-
málaafla gangi vel þarf samstarf-
ið frá upphafi að byggja á gagn-
kvæmu trausti, skýrri stefnu-
mörkun og vilja til að ná ár-
angri. Eg tel að allir þessir
þættir séu uppfylltir í núverandi
meirihlutasamstarfi Akureyrar-
listans og Sjálfstæðisflokhsins
og samstarfið gengur vel.
Það eina sem hægt er að
kvarta yfir er að við höfum ekki
úr nægu fjármagni að spila til að
koma öllum okkar góðu áform-
um strax í framkvæmd.
Staða sveitarfélaganna og
stöðugur straumur fólks af
landsbyggðinni til suð-vestur
homsins er hinsvegar mikið
áhyggjuefni. Því miður er ekki
til nein ein skýring á þessari
þróun. Sveitarfélögin hafa reynt
að bregðast við með aukinni og
bættri þjónustu án þess að tekist
hafi að snúa þróuninni við. Því
verða það sífellt færri sem
standa undir þjónustuaukning-
unni og nú er svo komið að
mörg sveitarfélög fara með
nærri allar tekjur sínar í rekstur.
A Akureyri er staðan enn sem
komið er viðunandi, þó vissu-
lega séum við komin að efri
mörkum hvað varðar rekstrar-
kostnað sveitarfélagsins sem
hlutfall af tekjum. Unnið er að
undirbúningi að margvíslegri
hagræðingu í rekstri bæjarins og
vonandi skila þær sparnaði sem
nota má til aukinnar uppbygg-
ingar. Aðgerðir sem þessar
verða aldrei sársaukalausar, en
örugglega betri en hinar leiðirn-
ar sem væru þá að draga úr
þjónustu eða auka skattheimtu.
Með bestu óskum um Gleði-
leg jól og farsælt komandi ár.
íminningu
Sigurðar Kristjánssonar
1909-1998
„Þú ert horfinn, þetta er heimsins undur
þrautin verður ekki lengur sár
En seinna, kemur okkar fráhvarfsfundur
þó farir þú, í hurtu nokkur ár.
Ég hugsa til þín, vinur minn það varstu
og veistu það, ég gleymi aldrei þér.
En þjáningar, með þöglu geði harstu
og þögnin hún mun ávallt ríkja hér."
Þannig kveður Heiða Vagnsdóttir vín sinn Sigurð Kristjánsson Eyrarvegi 11 fyrrverandi
verkamann og bifreiðastjóra á Akureyri en hann fæddist 14. desember 1909, lést 23 sept-
ember s.I. og var til moldar borinn á Akureyri 30. september. Sigurður var einlægur verka-
lýðssinni og mun hafa fengið hugsjón sína með móðurmjólkinni þar sem móðir hans Helga
Sigfúsdóttir ættuð úr Kelduhverfi í Öxarfirði var skelegg baráttukona verkalýðsins. Faðir
hans var Kristján Markússon og systkinin komust sex til manns þar sem Sigurður var þeirra
yngst. Þröng kjör og atvinnuleysi mótuðu uppvöxt Sigurðar og þannig markaði lífsbaráttan
afstöðuna til þjóðfélagsmála. Fjórtán ára fór hann fyrst á sjó og var á vertíðum af og til upp
frá því. Það er til marks um líf Sigurðar að hann eignaðist lítinn hlut í báti eitt sinn sem
bar nafnið Auður og var af sumum kallaðu „Auður öreiganna". Hann stundaði almenna
verkamannavinnu alla sína tíð, var ljúfur í viðmóti og broshýr. Hann var listhneigður, varð
sér úti um leiðsögn í myndlist og sýndi einu sinni í Landsbankasalnum. Skólamenntunar
varð ekki auðið í æsku en Sigurður Iærði rússnesku í sjálfsnámi og varð læs á rússneskar
bækur. Hann var líka hagyrtur. Snyrtimennska einkenndi Sigurð, ekki síst í klæðaburði en
þar mátti á stundum greina rauða litinn og af því draga ályktanir um hver hugurinn var.
Eftir sinn dag lét Sigurður Alþýðubandalaginu á Akureyri eftir arf sem nær að verðmæti á
þriðju milljón króna. Vafalaust er að sú ráðstöfun varð til með það markmið í huga að rétta
hag hinna verst settu. Fyrir það, að velja til þess verks okkar hreyfingu og treysta þannig
undirstöðurnar í hinni eilífu verkalýðsbaráttu, þakkar Alþýðubandalagið á Akureyri.Um
leið þökkum við Sigurði samfylgdina, ljúfmennskuna og heillyndið.