Skólablaðið - 01.10.1946, Síða 11

BALDUR JÓNSSON, stúdent 1946:
Ferð um frœnda lönd
Norðurlandaför 100. árgangs stúdenta
frá Menntaskólanum í Reykjavík 1946
Dag arinn, sem við, nýútskrifuðu stúdent-
arnir frá Menntaskólanum í Reykjavík, höfð-
um beðið með talsverðri eftirvæntingu, rann
nú upp bjartur og fagur, miðvikudagurinn
26. júní.
Fjöldi fólks hafði safnazt saman á bryggj-
unni, þegar „Esjan“ lagði úr höfn kl. 8 að
kveldi, bæði til að kveðja okkur stúdentana
og aðra farþega.
í kveðjuskyni sungum við: ,,Ó, fögur er
vor fósturjörð um fríða sumardaga“, og hróp-
uðum húrra fyrir íslandi.
Menntaskólanemendur og aðrir, sem á
hafnarbakkanum voru, svöruðu með húrra-
hrópum, og Esja skreið úr höfninni í blæja-
logni og björtu veðri. Um kvöldið fóru fram
stjórnmálaumræður í útvarpinu, og hlustuð-
um við á með ahuga miklum, því að kosn-
ingar áttu þá að fara fram um mánaðarmót-
in, eins og menn muna.
Ekki voru allir stúdentarnir með í ferð
þessari. Nokkrir gátu því miður ekki tekið
þátt í henni af ýmsum ástæðum, t. d. fóru
nokkrir á síldveiðar og vildu ekki verða af
skipsrúmi sínu, o. s. frv.
Við vorum því 78 nýútskrifaðir stúdentar,
sem tókum þátt í ferðalaginu.
Enn fremur voru með í ferðalaginu sem
fai arstjórar: Pálmi Hannesson rektor og
kona hans, frú Ragnhildur Thoroddsen, dr.
Sigurður Þórarinsson og einkaritari rektors,
ungfrú Guðbjörg Magnúsdóttir.
Baldur Jónsson.
Samferða okkur með Esjunni var margt
merkra manna, t. d. rithöfundarnir Halldór
Kiljan Laxness og Þórbergur Þórðarson, sem
báðir voru á leið til Tékkóslóvakíu.
Enn fremur má nefna cellosnillinginn
Erling Blöndal Bengtson og f jölskyldu hans,
Magnús Ásgeirsson skáld, Engilbert Guð-
mundsson tannlækni og frú og íslenzku
skákmeistarana, sem voru á leið út til að taka
þátt í skákkeppninni í Kaupmannahöfn, svo
að menn geta ímyndað sér, að það hefur ekki
verið leiðinlegt um borð í Esjunni. Einn af
skákmeisturunum, Áki Pétursson, tefldi
óspart við okkur stúdentana, og var það
báðum aðilum til gagns og gamans.
Mikið var um söng og gleðskap á leiðinni
utan, og var dr. Sigurður Þórarinsson oft-
ast forsöngvari og lék undir á gítarinn sinn
SKÓLABLAÐIÐ
9