Skólablaðið - 01.10.1946, Blaðsíða 24

Box
(Jói Lúis og Billi Konn).
Tileinkað boxhetjum skólans.
Þá barsmi'ðir böðlast
í blóðugum slag
með knúum og knefum
og karlmennskubrag,
alóður skríllinn
orgar við raust,
œtlar að verða
allt bandvitlaust.
Höggvast þá hrott'ar,
svo hriktir í þeim,
— gefinn er gaumur
að görpunum tveim —■,
láta þeir hvergi
lát á þvt verða
Surtur og Hvítur
sóknina að herða.
Gengur svo lengi,
að þeir gangast að hart,
(athöfnum þeirra
orð lýsa vart),
hvorugur bugast
þótt högg dynji á,
harðskeytt og hittin,
hreint ekki smá.
Að lokum þó lukkast
luranum svarta
reiðar- með slagi
að rota þann bjarta.
Lýðurinn hvíti
hamast og öskrar,
höggmáttur Surtar
heiminum blöskrar.
Skrámur.
— íþróttamenn skólans voru mjög áhuga-
samir á vetrinum. Var haldið uppi kennslu
í hnefaleikum og glímu. Á skólamóti í frjáls-
um íþróttum, sem haldið var haustið 1945,
varð Menntaskólinn nr. 2. 1 innanskólakeppni
í handknattleik sigraði 6. bekkur C, og í
handknattleikskeppni, er háð var milli fram-
haldsskólanna í Rvík, skaraði Menntaskóla-
liðið fram úr.
Um helgar nutu nemendur sveitasælunnar
í seli skólans í Reykjakoti. Þessar selsferðir
eru vafalaust með skemmtilegri þáttum fé-
lagslífsins. Mættu ferðirnar vera fleiri, en þá
þyrfti skólinn að eignast bíl til slíkra ferða-
laga eins og ,,Grána“ forðum.
— í skólanum eru nú tvö bókasöfn, íþaka,
bókasafn nemenda, og hið gamla skólabóka-
safn. íþaka var opin tvisvar til þrisvar í viku,
22
en lítið sótt, en í salarkynnum skóla-
safnsins var rekin veitingasala. Var það all-
bagalegt fyrirkomulag, en ekki tjáði um að
sakast, því að ágóðinn af sölunni rann til
utanfaranna, en fyrir þá vildu allir allt gera.
— Það er gamall siður í Menntaskólanum
að gangast fyrir sýningu leikrits á ári hverju.
Að þessu sinni var sýndur leikur eftir Hol-
berg „Enarus Montanus“ í íslenzkri stað-
setningu Lárusar Sigurbjörnssonar. Leikur-
inn var sýndur í Iðnó við góða aðsókn og
hrifningu áhorfenda.
— I greinarkorni þessu hef ég reynt að
drepa á helztu þætti félagslífsins, eins og
það var á síðastliðnum vetri. Yfirleitt var
það gott, f jölbreytt og skemmtilegt og verð-
ur vafalaust enn betra, fjölbreyttara og
skemmtilegra á komandi vetri.
SKÓLA.BLAÐIÐ
L