Skólablaðið - 01.10.1946, Qupperneq 39
Um það, hversu marga vísinda- og tæknilega
menntaða menn muni þurfa til að starfa í
helztu atvinnugreinum Islendinga nú og í
nánustu framtíð. Greinarhöfundur spyr sjálfa
sig og aðra að því, hversu margar konur
muni verða í hópi þeirra, og hvetur jafnframt
ungu stúlkurnar til að leggja hönd á plóginn.
Finnst ykkur nú ekki, stelpur, að fyrst bless-
aðir karlmennirnir hafa veitt okkur þessi
margumtöluðu réttindi, að við ættum að sýna
þeim í verki, að við eigum þau skilið? Við
getum ekki neitað því, að hingað til hafa
karlmennirnir verið næstum einráðir um allt,
sem máli skiptir í sögu mannkynsins (svo
fögur sem hún er) og byggingu mannvirkja.
Núna fyrst er eins og Eva sé að rumska eftir
margra alda svefn og verða sér þess með-
vitandi, að hún sé líka manneskja, en eltki
aðeins rif úr síðu mannsins. Ef til vill er það
vegna þess, að hún er ennþá með stírurnar
í augunum eftir þennan langa sinnuleysis-
svefn, að svo fáar íslenzkar stúlkur, sem
raun ber vitni um, ljúka háskólaprófi eða
taka virkan þátt í stjórnmálum landsins.
En fyrst Eva gamla er vöknuð, hlýtur hún
bráðum að fara á fætur!
Vissulega eru verkefnin mörg, sem bíða
ungra íslendinga í dag. Við þurfum ekki að
reisa úr rústum hálfhrundar borgir, eins og
margar aðrar þjóðir eru önnum kafnar við
um þessar mundir. En við þurfum að má út
síðustu leifarnar af niðurlægingu þjóðarinnar.
Við þurfum að skapa fyrirmyndarþjóðfélag.
Þið kannizt við orðið: Þetta er kallað ný-
sköpun. Mér segir svo hugur um, að karl-
mennirnir verði látnir bera hita og þunga
dagsins af þeim framkvæmdum. Þeir e r u
duglegri en við í þess háttar vinnu, því g e t -
u m við ekki neitað. En ef þið viljið berja
í borðið og segja: ,,Við erum víst eins dug-
legar,“ þá skora ég á ykkur að sýna, hvaða
töggur er í ykkur, afla ykkur æðri mennt-
unar og láta nýsköpunina njóta ávaxtanna
af henni. En ef þið haldið, að þið hjálpið
strákunum bezt við nýsköpunina með því að
giftast þeim, held ég, að þið ættuð að fara
í húsmæðraskóla!
Erla Þ. Jónsdóttir.
Bjarni Bragi Jónsson, 6. C,
inspector scholae og; forseti Framtíðarinnar, mál-
fundafélags lærdómsdeildarnema.
Árni Guðjónsson, 6. B,
ritstjóri Skólablaðsins og formaður sjötta bekkjar
ráðsins.
Björn Sigurbjörnsson, 2. bekk,
(sjá mynd á bls. 57) er formaður Fjölnis, málfunda-
féiags gagnfræðadeildarnema.
SKÖLABLAÐIÐ
37