Skólablaðið - 01.10.1946, Blaðsíða 50

telja baráttu þýzku kirkjunnar lífsflótta ?
Var það ekki hún, ein allra samtaka í ríki
Hitlers, sem hann fékk ekki yfirbugað? Hún
hélt baráttunni áfram, þar til yfir lauk. Sama
máli gegnir um norsku kirkjuna. Það voru
prestarnir, sem börðust bezt í Noregi. í Dan-
mörku voru það kirkjunnar menn með
Kaj Munk í broddi fylkingar, sem 'börðust
ákafast. Það er vitað mál, að kirkjan, hin
k r i s t n a kirkja, hefir aldrei hopað á hæl,
þótt við ofurefli væri að etja. Hún hefir sýnt
sig að vera sterkust, þegar hættan var hvað
mest, því að hún á þá von, er engar ytri að-
stæður megna að ræna hana.
En það skyldum við einnig hafa hugfast,
að þetta var ekkert annað en k r i s t i n
k i r k j a. Það var ekki kirkja með nýtízku
skoðanir á kristindómnum, er hélt því fram,
að breyta bæri boðskap sínum eftir vilja
fólksins. Það var ekki kirkja, þar sem alls
konar annarlegar kenningar þrifust eins og
innan íslenzkrar kirkju. Nei, það var kirkja,
sem flutti hið gamla, en þó síunga, fagnað-
arerindi Krists um synd og um náð og um
dóm, vitandi það, að ekkert annað getur
bjargað þessum dauðvona heimi.
Ég hefi hér hugleitt nokkrar staðreyndir,
’sem enginn ætti að láta liggja milli hluta.
Raunar er það, sem hér var nefnt, aðeins
dropi úr öllu því hafi staðreynda, sem sá
sér, er athugar málið rækilega. — Já, sann-
arlega þörfnumst við manna, sem kunna að
hugsa, því að þá, og þá fyrst, er mönnum
lærist það, mun þjóðin vakna af þeim væra
svefni, er hún hefir notið svo lengi. Það
kostar ef til vill áreynslu og baráttu „að
ganga í sig“ og játa sannleika, sem við höf-
um hafnað, en kjörorðið er: Per ardua ad
astra — gegnum baráttu til sigurs —.
Sig. Magnússon.
MAL & MENIMIIMG
BÓKMENNTFÉLAG, LAUGAVEGI19
Fyrir aðeins 50 krónur á ári fáið þér þrjár úrvals-
bækur auk bezta bókmenntatímarits landsins, Tíma-
rits Máls og menningar.
Nýir félagar fá aukabók félagsins „Undur veraldar“
á áskriftarverði, meðan birgðir endast.
MÁL & MEIMIMIIMG
Laugavegi 19. Sími 5055.
48
SKÓLABLA ÐIÐ