Skólablaðið - 01.10.1946, Blaðsíða 56

anlega. Nú í sumar hafa heimsótt okkur
sænskir frjálsíþróttamenn, sem standa mjög
framarlega í heimalandi sínu. Eins og kunn-
ugt er, unnu Islendingar helming greinanna,
sem keppt var í. Þess er einnig skemmst að
minnast, að íslendingar sigruðu dönsku
sundmennina og danska landsliðið í knatt-
spyrnu. En það, sem jók frægðina mest var,
að Island skyldi eignast einn Evrópumeistara
á Evrópumeistaramótinu í Ósló nú í ágúst.
Það var meira en svo lítil þjóð gat búizt við.
— Nú er svo komið, að íslendingum er skip-
að á bekk meðal stórþjóða, þegar talað er
um íþróttir.
En nú er bezt að snúa sér að Menntaskól-
anum. íþróttaáhugi innan Menntaskólans
hefur á undanförnum árum verið fremur lítill,
en þó, að því er ég bezt veit, meiri en í
nokkrum öðrum skóla 1 Reykjavík. Áður en
leikfimishúsið var endurbætt voru Mennta-
skólanemendurnir að heita mátti á götunni
með íþróttastarfsemi sína. Hvað skólaleik-
fiminni við víkur, þá eru skiptar skoðanir
um hana. Sumir álíta hana vera ágæta, en
aðrir álíta hana vera óþarfa og eiginlega
hálfgerða þrælkun. Að mínu áliti er skóla-
leikfimin nauðsynleg. Handknattleikur er sú
íþróttagrein, sem Menntaskólanemendur hafa
stundað mest. Nemendur skólans hafa líka
staðið sig vel á skólamótum í handknattleik.
Síðastliðinn vetur var glímukennsla hér í
skólanum, en þátttakan þar var ekki mikil,
því miður, því glíman er þjóðaríþrótt okkar.
Hnefaleikakennsla var einnig hér í skólanum
síðastliðinn vetur, og var þátttaka þar meiri
en í glímunni. Þar sem nemendur eiga að
mæta þrjá tíma í viku í skólaleikfimi, þá er
mjög erfitt fyrir þá að mæta í öðrum íþrótta-
tímum í skólanum. Þess vegna álít ég, að
þeir nemendur, sem vilja stunda til dæmis
hnefaleik eða glímu, ættu að fá undanþágu
frá skólaleikfimi, að minnsta kosti einn tíma
í viku. Menntaskólann vantar tilfinnanlega
íþróttasvæði. Þegar nýi Menntaskólinn verð-
ur byggður, þarf nauðsynlega að hugsa fyrir
íþróttasvæði nálægt honum.
Um selin er það að segja, að þar eru ágæt
skilyrði til íþróttaiðkana, enda þótt mikið
þurfi að lagfæra. Eitt er það sem vantar við
selið, en það er sundlaug. Síðastliðinn vetur
átti víst að hef jast handa um byggingu sund-
laugar við selið, en það fórst fyrir vegna
skorts á sementi. En nú er sement fáanlegt,
og þyrfti því að hefja byggingu sundlaugar-
innar eins fljótt og hægt er. Það verður ein-
hvern veginn að vekja áhuga nemenda fyrir
selinu. Eins og nú er ástatt, er ekkert við að
vera í selinu. Þar er ekki hægt að stunda
vetraríþróttir vegna veðráttu. — Fyrir tveim
árum var stofnað íþróttafélag í Menntaskól-
anum. Það má segja að mikil deyfð hafi ver-
ið yfir því eða stjórn þess.
íþróttafélag Menntaskólans sótti um upp-
töku í I. S. í., en var synjað um upptöku. Að
mínu áliti var þetta ágætt, því að ég álít, að
íþróttafélög í skólum eigi eingöngu að keppa
innbyrðis, en ekki við félög innan I. S. I.
Það er kominn tími til að Menntaskóla-
nemendur hristi af sér deyfðina og sljóleik-
ann og fari að iðka íþróttir af kappi.
Skýrslur frá undanförnum árum sýna, að
til dæmis í Bandaríkjunum voru allir beztu
íþróttamennirnir stúdentar eða tilvonandi
stúdentar. Þess vegna mega Menntaskóla-
nemendur ekki láta sitt eftir liggja.
Örn Clausen.
54
SKÓLABLAÐIÐ