Skólablaðið - 01.10.1946, Blaðsíða 63

Skólablaðið - 01.10.1946, Blaðsíða 63
skomm aó vera bundin fost á gæruskínn og láta teyma undir mér, (en það tjáði ekki að tala um það, þar sem ég kunni ekki að sitja hest), enda gerði Pusi óspart gys að mér á leiðinni. Þegar komið var að Stað, var meðhjálpar- inn mættur með sína" f jölskyldu, (konu og fimmtán börn, sitt á hverju árinu). Einn af drengjunum hans, bezti vinur Pusa, hét Jeri- mías og var kallaður Jemmi. Jemmi var ekki seinn að taka eftir mér. ,,Pusi, ertu farinn að leika þér við stelpu?" kallaði strákótuktin fullum hálsi. „Pusi stelpa, hann leikur sér við stelpu, sem er ekki einu sinni fær um að sitja hest." — Það fauk í Pusa: „Þegiðu Jemmi," kallaði hann. „Dóra jafnast á við meðalstrák. Þú ættir bara að reyna að fara í slag við hana." — „Uss, ég slæst ekki við stelpur," sagði Jemmi og spýtti um tönn. „Hvað ertu gömul, tíkin mín?" spurði hann frekjulega. — „Ég er sjö ára, grasasninn þinn," gargaði ég, um leið og ég rauk í strákótuktina. „Dóra, Dóra," kallaði frú Sigríður, „hvað ertu að gera barn?" Ég svaraði ekki, af því að ég varð að nota allt mitt afl, til þess að lumbra á stráknum, sem ég hafði ekki roð við, enda var hann fullum tveim árum eldri en ég, og auk þess stór og sterkur eftir aldri. — Mitt í þessum handalögmálum var okkur stíað í sundur, og við vorum rekin inn í kirkju. — Séra Jón hélt fallega ræðu, sem ég skildi ekkert í, enda hafði ég ekki hugann við ann- að en að reka út úr mér tunguna og gretta mig framan í Jemma, sem stöðugt svaraði í sömu mynt. Þetta er nú ekki fallegt til afspurnar, en nú eru full ellefu ár síðan, og ég er orðin átján ára, Pusi er nítján ára og Jemmi tuttugu. — Um daginn var ég á Ólafsstöðum, þá stálum við Pusi hestum og fórum ríðandi yfir að Grund og fengum Jemma og Mumma (bróður hans) með okkur í útreiðartúr. Við þeystum niður að Þverá og ætluðum okkur að synda í ánní. Pusí og Mummí fóru líka í ána, en við Jemmi þurftum að skreppa yfir að næsta bæ, til þess að fá lánað handklæði handa strákunum. Við nenntum ekki að fara ríðandi og gengum því rólega af stað. Á leið- inni frá ánni, yfir að bænum Þverá, rennur lækur. Jemmi hoppaði fyrst yfir lækinn og rétti mér síðan höndina. I stökkinu hrasaði ég og missteig mig. „Ó," andvarpaði ég og settist niður. „Meiddirðu þig?" spurði Jemmi kvíðinn. „Nei, nei, ekkert að ráði." — Ég gerði árangurslausa tilraun til þess að tylla í fótinn. Jemmi sagði, að við skyldum bara snúa við, hann skyldi styðja mig, og að strák- arnir þyrftu ekkert handklæði. Þegar Jemmi lagði handlegginn utan um mig, til þess að hjálpa mér á fætur, fór hjart- að í mér að slá örar. (Hvernig gat staðið á þessu? Var ég orðin skotin í Jemma?). Hann studdi mig af stað, en brátt þreyttist ég, þar sem ég varð að hoppa á öðrum fæti. Þegar ég var í þann veginn að gefast upp, hlamm- aði ég mér niður á þúfu og sagði: „Nú kemst ég ekki lengra." „Hvað er að heyra til þín?" spurði Jemmi. Allt í einu, meðan ég sat þarna, vissi ég ekki fyrr en mér fannst ég allt í einu vera orðin sælasta manneskja í heimi. Hvað hafði gerzt? Jú, Jemmi hafði kysst mig. — Við gleymdum okkur þarna á þúfunni, þar sem við sátum, þangað til við heyrðum að Pusi kallaði: „Krakkar, krakkar, J-E-M-M-I, D-Ö-R-A, við verður að fara heim. Við þurf- um ekkert handklæði, við þurrkuðum okkur á nærbuxunum hans Mumma." Við Jemmi brostum sæl hvort til annars og lögðum af stað. Ég hafði alveg gleymt að mér var illt í fætinum og gekk því óhikað áfram. Næsta sumar um þetta leyti á séra Jón á Stað að gefa okkur Jemma saman í heilagt hjónaband. Uss, það er algjört leyndarmál enn. Ekki segja henni mömmu það. Lubba. SKÓLABLAÐID 61
Blaðsíða 1
Blaðsíða 2
Blaðsíða 3
Blaðsíða 4
Blaðsíða 5
Blaðsíða 6
Blaðsíða 7
Blaðsíða 8
Blaðsíða 9
Blaðsíða 10
Blaðsíða 11
Blaðsíða 12
Blaðsíða 13
Blaðsíða 14
Blaðsíða 15
Blaðsíða 16
Blaðsíða 17
Blaðsíða 18
Blaðsíða 19
Blaðsíða 20
Blaðsíða 21
Blaðsíða 22
Blaðsíða 23
Blaðsíða 24
Blaðsíða 25
Blaðsíða 26
Blaðsíða 27
Blaðsíða 28
Blaðsíða 29
Blaðsíða 30
Blaðsíða 31
Blaðsíða 32
Blaðsíða 33
Blaðsíða 34
Blaðsíða 35
Blaðsíða 36
Blaðsíða 37
Blaðsíða 38
Blaðsíða 39
Blaðsíða 40
Blaðsíða 41
Blaðsíða 42
Blaðsíða 43
Blaðsíða 44
Blaðsíða 45
Blaðsíða 46
Blaðsíða 47
Blaðsíða 48
Blaðsíða 49
Blaðsíða 50
Blaðsíða 51
Blaðsíða 52
Blaðsíða 53
Blaðsíða 54
Blaðsíða 55
Blaðsíða 56
Blaðsíða 57
Blaðsíða 58
Blaðsíða 59
Blaðsíða 60
Blaðsíða 61
Blaðsíða 62
Blaðsíða 63
Blaðsíða 64
Blaðsíða 65
Blaðsíða 66
Blaðsíða 67
Blaðsíða 68

x

Skólablaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Skólablaðið
https://timarit.is/publication/782

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.