Skólablaðið - 01.05.1947, Page 6

Fyrir norðan fjöllin
Langt að baki fjöllunum, sem fjarst í norðri rísa,
er falin lítil sveit.
Fólkið þar var alið við fannalög og ísa,
en frost ei á það beit,
því gegn um dimmu vetrarins vonir bjartar lýsa
um vorsins fyrirheit.
Þar átti fólkið heima frá vöggu’ að banabeði,
— þótt bærinn væri smár.
Það var víst stundum orðfátt og ekki mjúkt í geði,
en átti heitar þrár.
í dalsins fjöllum bergmálaði grátur þess og gleði
í gegn um þúsund ár.
Og enn er búið þarna við fjallsins köldu kinnar.
en kjörin ei jafn hörð.
Nóg er þó að starfa, þú sonur sveitarinnar,
á slíkri gróðurjörð,
og glaður skaltu verja þar árum ævi þinnar
og yrkja hennar svörð.
Og þótt þú ferðist óravegu yfir höfin bláu
í auðs og framaleit,
þá mundu óleyst störfin í lands og þjóðar þágu
í þínum heimareit,
— og lengst í fjarska norðursins, bak við björgin háu,
bíður enn þín sveit.
Arni Gunnarsson.
6
SKÓLABLAÐIÐ