Skólablaðið - 01.05.1947, Qupperneq 20

uð þátttaka í handknattleiksmóti Bindindisfé-
laga í skólum. Gekkst íþróttafélagið þá fyrir
leikjum milli liða Menntaskólans og sigurveg-
aranna á mótinu. í stað sigurvegarans í A-liði,
Samvinnuskólans, sem ekki sá sér fært að
keppa, mætti lið Háskólans. Sigraði það A-lið
okkar með 12:11, eftir mjög skemmtilegan og
spennandi leik. í B-liðinu sigruðu piltarnir
okkar lið Verzlunarskólans með 14:7. C-lið
skólans tapaði fyrir Gagnfræðaskóla Reykvík-
inga með 7:9. í kvennaleiknum gerðust þau ó-
væntu undur, að Menntaskólinn sigraði Flens-
borg með yfirburðum, 9:3:
I vetur hefur Menntaskólinn ekki tekið þátt
í skólaboðsundunum, eins og undanfarna
vetur.
Hnefaleikar og glíma hafa setið á hakanum.
íþróttafélagið hefur starfað nokkuð í vetur.
Það er orðinn meðlimur í íþróttabandalagi
Reykjavíkur og í. S. í. Formaður þess er
Steingrímur Hermannsson.
Arshátíð Framtíðarinnar var háð í Breið-
firðingabúð fimmtudaginn 6. marz. Einar M.
Jóhannsson setti hátíðina, en síðan var dansað.
Kynningarkvöld var 29. marz, sama dag og
Heklugosið hófst. Flestir höfðu farið austur,
en að lokum varð þó fundarfært og tókst
kvöldið vel.
Aðaldansleikur skólans hófst svo í Sjálf-
stæðishúsinu við Austurvöll fimmtudaginn 10.
apríl kl. rúmlega 9. Inspector scolae flutti
setningarræðu, og Daði Hjörvar las upp minn-
ingar gamals nemanda. Sigurður Þórarinsson
las upp úr óskaseðlum kennara og nemenda.
Var honum fagnað ógurlega, enda var ræða
hans svo góð, að hún taldist tæk í Skólablaðið.
Guðmundur Jónsson lék á slaghörpu lög eftir
Chopin og Jón Gunnar Asgeirsson. Var þetta
í fyrsta skipti, sem tónverk eftir Jón var leik-
ið opinberlega. Tvöfaldur kvartett úr 6. bekk
söng nokkur lög. Dansað var til klukkan 3 f.h.
Lokadansæfing var 26. apríl.
Aðalfundur Fjölnis var haldinn 25. apríl. Til
stjórnarkosningar komu fram 2 listar. A-list-
inn hlaut 19 atkvæði og 2 menn kjörna, Lúð-
vík Gizurarson og Magnús Þórðarson. Þessi
listi var borinn fram af 1. bekkingum. Listi 2.
bekkjar — B-listinn — hlaut 35 atkvæði og 4
menn kosna: Björn Sigurbjörnsson, Aðalstein
Guðjohnsen, Jón Helgason og Snorra Ólafsson.
Skákkeppnir hafa verið háðar innan félags-
ins. Björn Jóhannesson 2. bekk varð skák-
meistari, en Högni Sigurjónsson 3. D. hrað-
skákmeistari. Einnig var efnt til verðlaunasam-
keppni um beztu smásögu og ljóð. Árni Gunn-
arsson 3. B. hreppti ljóðaverðlaunin, en Hall-
berg Hallmundsson 3. B. og Hallfreður Örn
Eiríksson 1. bekk söguverðlaunin. —• Fjölnis-
fundir hafa verið 16 í vetur, þar af 12 venjuleg-
ir málfundir.
Fundir hafa verið 5 í Framtíðinni, þar af 2
sameiginlegir með öðrum félögum.
Lítið hefur borið á Tónlistarklúbbnum, og
jazzklúbburinn er dauður. Selsferðir lágu niðri
framan af vetri, en hófust aftur 25. janúar.
Hafa nú allir bekkir farið austur og sumir
tvisvar. Námsferðir eru hafnar, 2. bekkur fór
suður á nes 19. apríl, og jarðfræðiferðir hafa
verið farnar eða standa fyrir dyrum, þegar
þetta er skrifað. Flestir eða allir bekkir fóru
að horfa á Heklu, daginn, sem hún byrjaði að
gjósa.
íþaka hefur verið opin einu sinni í viku, en
lítið notuð. Skólabókasafnið var enn lokað.
Dávaldurinn Waldosa dáleiddi nokkra nem-
endur á vegum 6. bekkjarráðsins. Jafnframt
flutti dr. Broddi Jóhannesson erindi um dá-
leiðslu. Einnig flutti sr. Jakob Jónsson erindi
skömmu fyrir páska, og nefndi hann það:
Hvers vegna var Kristur krossfestur? Skóla-
leikurinn Laukur ættarinnar var sýndur 00
sinnum.
Á skólafundi 18. febrúar var samþykkt til-
laga um stofnun nefndar til að endurskoða
reglur um kosningafyrirkomulag skólafélags-
ins og lög þess í heild. í nefnd þessa voru kos-
in: Bjarni Bragi Jónsson 6. C, sem nefndin
kaus síðan formann sinn, Ólafur Haukur Ólafs-
son 4. C, Ragnhildur Helgadóttir 4. A, Þór
Vilhjálmsson 4. C. og Örn Clausen 5. B. Síðan
nefndin tók til starfa hefur flest tafið störf
hennar. Hefur hún enn ekki getað skilað til-
llögum sínum, en þær mega þó heita fullbún-
ar nú. Mestu breytingar á fyrri reglum eru
nýr, stór bálkur um kosningafyrikomulagið.
20
SKOLABLAÐIÐ