Magni - 22.12.1971, Blaðsíða 1

Magni - 22.12.1971, Blaðsíða 1
Gleðileg jólí 5. tölublað Akranesi, miðvikudaginn 22. desember 1971 11. árgangur fr**ftT^**&£&&£ftl!WWh«*^ Séra Bernharður Guðmundsson, æskulýðsfulltrúi: t Leita ekki allir gleðinnar? Snýst ekki líf okkar um að öðlast það, sem við álítum að fœri okkur gleði: fjár- muni, fjölskyldulíf, frístundaiðju, ár- angur í starfi? Öðlumst við ekki flest af þessu á þeim velsœldartímum sem við lifum? Erum við þá glöð? Það virðist, sem gleðileysið sé eitt af vandamálum nútímans. Stórkost- legur iðnaður, skemmtanaiðnaðurinn, hefur risið upp til að sjá leiðu fólki fyrir dœgrastyttingu, til að afla þeim gléði. Afþreyingin er í sífellu borin á borð fyrir okkur, í blöðum og útvarpi, á sviði og í sjónvarpi. Við, áheyrend- urnir, tökum á nmsta hlutlausan hátt við þessari framreiddu gleði, en leggj- um lítið af okkur sjálfum til hennar, þiggjum hana í rauninni ekki, því að þiggja er að þakka og gera að sínu. Og mikið heimiar meira. Hin aðkeypta gleði varir stutt. En jólagleðina eignumst við ókeyp- is og hún varir lengi. Allt, sem hefur eitthvað gildi, gerir til okkar kröfur og allt er viðkvœmt, sem er bezt. Það þarf að rœkta það og rœkja af vökulli alúð. Þess vegna er vandi að taka á móti jól- unum. Við þurfum að eignast kyrr- láta stund, og opna hjarta okkar, svo þau nái til innstu róta þess, endurómi þar, þannig að jólagléðin spretti fram. Það er að þiggja jólin. E.t.v. er það erfiðara og snauðara líf en við gerum okkur grein fyrir, að lifa í allsnægtum. Það er einfalt lög- mál, að aukinni velmegun fylgja aukn ar umbúðir um flest fyrirbrigði lífsins, og þá er hœttan að líf mannsins verði sem laukurinn; umbúðir tómar, án kjarna. Þess vegna vaknar spurningin, er jól ganga í garð: Hvað eru blessuð jólin okkur í raun og veru? Finnum við kjarna þeirra í öllum þeim umbúð- um, sem virðast óhjákvœmilega þurfa að fylgja þeim á okkar dögum? Og önnur spurning knýr einnig á: Erum við ekki að svíkja börnin okkar um eina fegurstu <og Ijúfustu reynslu mannlegs lífs, sjálfa jólagleðina? Þeim er eðlilegt að skynja dýrð jólaboðskap- arins og fegurð með opnu trúnaðar- trausti sínu og taka á móti frelsara mannanna í fölskvalausri trú. En gef- um við þeim tækifœri til þess, felum við fyrir þeim hin raunverulegu jól? Og hvað svo um okkur, erum við að svíkja okkur sjálf? Nýverið las ég greinarkorn, sem ung kona að austan skrifaði fyrir all- mörgum árum. Hún sagði m.a. „Með því að binda hugann allt of fastan við bernskujólin, eins og ég veit að margir gera, setja þeir einskonar sakn- aðarblœ á jólin, svo að þau líkjast jafn- vel fremur erfisdrykkju en fagnaðar- hátíð og í staðinn fyrir minninguna um hina upprunalegu jólahátíð, setja þeir minninguna um sjálfa sig sem lítið barn, sem var miklu betra þá en nú. Halda méð öðrum orðum nokk- urs konar erfisdrykkju eftir sjálfa sig. Mér finnst miklu ráðlegra, að allir, bœði litlir og stórir, njóti jólanna sem eru að líða og gleðjist sameiginlega." Er þetta ekki umhugsunarefni? Við gefum jólagjafir til að kalla fram jólagleðina í brjóstum vina og ættingja. Jólagjafirnar voru upphaf- lega til að minna á hina fyrstu og æðstu jólagjöf mönnum til handa, Jesúbarnið, og það fer eftir því, hvort við þiggjum þá jólagjöf, að við eign- umst jólagleðina. Við getum brugðist við gjöfum á ýmsan hátt. Við getum látið eins og við sjáum þœr ekki, við getum afþakk- að þær. Við gétum tekið við þeim formlega, en lagt strax til hliðar, eins og bœkur, sem við œtlum ekki að lesa. Og við getum þegið þœr heils- hugar, notið þeirra, glaðst yfir þeim. „Yður er í dag frelsari fœddur." Þessi gjöf Guðs er gefin okkur enn á þessum jólum. Ef okkur tekst að greina þann kjarna frá gylltu hismi nútíma jólahalds, heyra boðskapinn og þiggja gjöfina dýru, þá eignumst við jólagleðina. Guð gefi að svo verði. Gleðileg jól. gleðileg jól! WMHWWW^WWW^fWJWWWWWÍÍ^^

x

Magni

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Magni
https://timarit.is/publication/789

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.