Morgunblaðið - 30.12.2009, Blaðsíða 15

Fréttir 15INNLENT
MORGUNBLAÐIÐ MIÐVIKUDAGUR 30. DESEMBER 2009
000.000
380.000.000
+620.000.000
ALLTAF Á MIÐVIKUDÖGUM!
MIÐINN GILDIR 30. DESEMBER 2009
A. 12 14 17 21 41 48
B. 05 16 23 36 37 38
C. 07 09 13 22 34 38
D. 03 06 19 24 25 31
E. 11 19 21 25 38 42
F. 01 25 35 36 39 46
G. 18 19 20 23 28 46
H. 22 27 29 39 40 42
Ekki gleyma að vera með,
fáðu þér miða fyrir klukkan
fimm í dag á næsta sölustað
eða á lotto.is
Þrefaldur fyrsti vinningur stefnir í 380 milljónir
og Ofurpotturinn stefnir í 620 milljónir.
Eftir Skúla Á. Sigurðsson
skulias@mbl.is
ENN er stefnt að því að skýrsla
rannsóknarnefndar Alþingis um
bankahrunið verði tilbúin 1. febrúar
næstkomandi. Til stóð að nefndin
skilaði skýrslunni 1. nóvember síð-
astliðinn en fresta varð því þar sem
rannsóknin reyndist umfangsmeiri
og flóknari en búist var við. Páll
Hreinsson, formaður rannsóknar-
nefndarinnar, segir ekki annað í
spilunum nú en að skýrslan verði
tilbúin á tilsettum tíma.
„En þetta er rosalega mikið verk,
við leggjum nótt við dag,“ segir Páll
og kveður skýrsluna munu telja um
1.500 blaðsíður. Fleiri en 300
manns hafa komið fyrir nefndina að
sögn Páls en hann segist ekki hafa
nákvæma tölu á því af hve mörgum
hefur verið tekin eiginleg skýrsla.
Hann segir alla slíka tölfræði, þar á
meðal hve margir og hverjir hafa
unnið að skýrslunni, verða birta
síðar.
Veita andmælarétt skv. lögum
Samkvæmt lögum um rannsókn á
orsökum falls íslensku bankanna
2008 og tengdra atburða skal rann-
sóknarnefndin að lokinni gagnaöfl-
un gera „þeim sem ætla má að orð-
ið hafi á mistök eða hafi orðið
uppvís að vanrækslu í starfi“ grein
fyrir afstöðu hennar til þáttar hans
í málinu. Í kjölfarið geti viðkomandi
haft uppi andmæli og athugasemd-
ir.
Páll segir að skýrslan verði þó
ekki birt þessum aðilum málsins.
„Þeir fá skriflega afstöðu nefndar-
innar til þess hvort hún telur þá
hafa vanrækt störf sín eða brotið af
sér og síðan tækifæri til að koma
svörum sínum á framfæri.“
Þór segir lögin ótrúverðug
Alþingi samþykkti í gær frum-
varp forsætisnefndar um að skipa
níu manna þingmannanefnd til að
fara yfir skýrslu rannsóknarnefnd-
arinnar. Eru nefndinni samkvæmt
lögunum ætlaðir níu mánuðir til að
fara yfir skýrsluna.
Allir þrír þingmenn Hreyfingar-
innar sátu hjá við atkvæðagreiðslu
um frumvarpið. Þór Saari, þing-
maður Hreyfingarinnar, gagnrýndi
frumvarpið enn fremur og sagði
það óskýrt og ótrúverðugt og að
nefndinni væri ætlaður of langur
tími til verksins. Þór sagði reynsl-
una sýna að Alþingi ætti ekki að
fjalla um mál sem varða það sjálft
og frumvarpið yrði ekki til að auka
veg Alþingis
Gerði Hreyfingin nokkrar breyt-
ingartillögur við frumvarpið en þær
voru allar felldar í atkvæðagreiðslu.
Vinnsla skýrslu rannsóknarnefndar Alþingis um bankahrunið samkvæmt áætlun
Þingmannanefnd fær níu mán-
uði til að fara yfir skýrsluna
Morgunblaðið/Ómar
Rannsóknarnefndin Tryggvi Gunnarsson, Páll Hreinsson og Sigríður
Benediktsdóttir skipa rannsóknarnefnd Alþingis um bankahrunið.
Í HNOTSKURN
» Skýrsla rannsókn-arnefndarinnar átti upp-
runalega að vera tilbúin 1.
nóvember.
» Lög um rannsóknbankahrunsins veita þeim
sem nefndin telur að hafi
brotið af sér andmælarétt.
» Þingmannanefndin færníu mánuði til að fjalla
um skýrslu rannsókn-
arnefndarinnar. Nefndin
sjálf tók til starfa snemma á
þessu ári.
» Þingmenn Hreyfing-arinnar voru óánægðir
með frumvarpið og kusu all-
ir þrír gegn því í þinginu.
UNGMENNI, 18 og 19 ára, sem
handtekin voru á flugvelli á Spáni
16. desember síðastliðinn, voru með
fjögur kíló af kókaíni í fórum sínum.
Lögreglan á Barajas-flugvelli í
Madrid staðfesti þetta við fréttarit-
ara ríkisútvarpsins á Spáni.
Um er að ræða pilt og stúlku sem
komu til Spánar frá Líma, höfuð-
borg Perú. Kókaínið hefði verið falið
í handtösku ásamt búnaði til brim-
brettasiglinga.
Kristinn R. Ólafsson, fréttaritari
ríkisútvarpsins á Spáni, hafði eftir
fréttafulltrúa lögreglunnar að parið
hefði vakið grunsemdir á vellinum
og þegar taskan var skimuð hefði
kókaínið komið í leitirnar.
Kristinn sagði að fólkið hefði þeg-
ar verið úrskurðað í gæsluvarðhald
og þyrfti væntanlega að sitja í varð-
haldi í ein tvö ár þar til réttað yrði
yfir því. Þá gæti dómurinn orðið frá
tveggja ára til 12 ára fangelsis.
Fram kom hjá Kristni að lagt
væri hald á mikið magn fíkniefna á
flugvöllum á Spáni enda væri landið
eins konar umskipunarhöfn eitur-
lyfja á leið til annarra landa í Evr-
ópu.
Voru með
fjögur kíló
af kókaíni
Morgunblaðið/Júlíus