Ísfirðingur - 14.02.1957, Blaðsíða 4

Fimmtugur:
Guðnmndur Ingi Krisíjánsson
skáld
Hvað er í fréttum?
95 ára varð hinn 3. febrúar Guð-
rún Eiríksdóttir, móðir Jóns Krist-
jánssonar, skipstjóra, Skipagötu
15 hér í bænum.
Leiðrétting. í dánarfregn Guð-
bjargar ólafsdóttur í síðasta blaði,
varð ónákvæmni í prentun. Þar
stóð: „en Ólafur var bróðir hinna
mörgu bræðra er nefndu Sig.
Thorsteinsson“ o. s. frv. En setn-
ingin átti að vera á þessa leið : „en
Ólafur var bróðir hinna mörgu
sona séra Þorsteins í Gufudal, er
flestir nefndu sig Thorsteinsson
o. s. frv.
Fulltrúaskipti urðu í skrifstofu
bæjarfógetans hér í bænum um
áramótin. — Hermann G. Jónsson,
er verið hefir fulltrúi í nær 7 ár,
gerðist fulltrúi hjá bæjarfógetan-
um á Akureyri, en við fulltrúa-
starfinu hér tók Haukur Davíðs-
son, lögfræðingur frá Eskifirði.
Jóhann Iljarnason hinn nýi fram-
kvæmdastjóri Kaupfélags Isfirð-
inga kom til bæjarins með fjöl-
skyldu sína 3. þ. m. og er þegar
tekinn við starfi sínu. ísfirðingur
býður hann velkominn í kaupfé-
lagsstjórastarfið.
Nýr bátur á sjó. Seint í fyrra
mánuði rann nýr fiskibátur af
stokkunum frá skipasmíðastöð M.
Bernharðssonar. -— Báturinn er
um 59 rúmlestir að stærð með 280
hestafla dieselvél, búinn fullkomn-
ustu tækjum, svo sem vökvadrifnu
línuspili, og dýptarmæli. — Ljósa-
vél verður og sett í bátinn. Manna-
íbúðir eru sagðar mjög smekkleg-
ar. Yfirsmiður bátsins var Mar-
sellíus Bernharðsson, Vélsmiðjan
Þór annaðist uppsetningu vélar-
innar, h.f. Neisti raflagnir og Ól-
afur Kristjánsson máiningu.
Eigandi bátsins er Ver h.f. í
Hnífsdal, aðalhluthafi hraðfrysti-
húsið og er Einar 'Steindórsson
framkvæmdastjórinn, en í stjórn
félagsins eru Jóakim Pálsson, skip-
stjóri bátsins, Ingimar Finnbjörns-
son og Friðbjörn Friðbjörnsson. —
Báturinn heitir Páll Pálsson, ein-
kennistala ÍS 101. — Báturinn fór
á veiðar í lok janúar.
Átthagamót.
Átthagamót eru nú orðið tíðkuð
hér í bæ eins og annars staðar.
Bolvikingar riðu þar á vaðið 19.
janúar. Frú Ásta Eggertsdóttir
setti mótið. Arngrímur Fr. Bjarna-
son flutti minni Bolungavíkur.
Fjórar ungar stúlkur léku á hljóð-
færi. Ásgeir Sigurðsson lék á har-
moniku og Guðmundur Halldórs-
son fór með gamanvísur. Jónas
Tómasson lék undir almennum
söng. Síðan var sýndur gamanleik-
urinn konuhjarta. Að lokum var
stiginn dans. Mótið var fjölmennt
og að öllu hið myndarlegasta.
Guðmundur Ingi Kristjánsson
bóndi og skáld á Kirkjubóli átti
fimmtugsafmæli 15. janúar. —
Guðmundur Ingi er fyrst og fremst
þjóðkunnur af Ijóðum sínum, sem
notið hafa verðskuldaðrar hylli og
aðdáunar ljóðelskandi manna. —
Hann er líka prýðilega ritfær í
óbundnu máli og ræðumaður góð-
ur. Guðmundur Ingi hefir auk þess
tekið mikinn og góðan þátt í sveit-
ar og héraðsmálum. Hann er í
sveitarstjórn og sýslunefnd, í
skólanefnd Núpsskólans og í stjórn
Kaupfélags Önfirðinga. — Þá hef-
ir hann verið formaður Búnaðar-
sambands Vestfjarða undanfarin
ár við ágætan orðstý. — Og ekki
hefir heldur verið slegið slöku við
umbætur í búskapnum. — Nýrækt-
in, sem breiðir sig í allar áttir út
frá gamla túninu, nýtt rúmgott
íbúðarhús, og bæjarskógurinn, vel
hirtur og vöxtulegur, ber þeim
bræðrum fagurt vitni, sem bænd-
um og framfaramönnum.
Guðmundur Ingi á vafalaust eft-
„Ánægjulegur fundur!“
Vesturland frá 24. f. m. skýrir
frá því að þá nokkru áður hafi
verið haldinn ,,ánægjulegur“ fund-
ur í Sjálfstæðisfélaginu. Frum-
mælandi hafi verið Kjartan J. Jó-
hannsson og meðal annars talað
um svik núverandi ríkisstjórnar.
Næsti ræðumaður hafi verið Högni
Þórðarson, og hann ræddi líka um
svik stjórnarinnar. Þriðji ræðu-
maður var svo sjálfur Matthías
Bjarnason, og einnig hann talaði
um svik Framsóknarflokksins.
Þetta hlýtur að hafa verið af-
skaplega skemmtilegur og
„ánægjulegur" fundur.
Blaðið minnist hinsvegar ekkert
á að þingmaðurinn hafi talað um
úrræði Sjálfstæðisflokksins, og
það er svo lítillátt að nefna ekk-
ert af þeim málum, sem þingmað-
urinn hefur flutt á Alþingi.
Þetta var uppbyggilegur og
skemmtilegur fundur!
Einkennilega spurt.
Ritstjóri Baldurs er að velta því
fyrir sér í síðasta blaði sínu, hvers
ir að auðga þjóðina að mörgum
hugljúfum ljóðum, og mörg heilla-
drjúg störf að inna af hendi í
þágu sveitar sinnar og sýslu. Is-
firðingur óskar afmælisbarninu
hjartanlega til hamingju á þessum
merku tímamótum.
—oOo—
Nýtt útgerðar-
félag stofnað
Síðastliðinn sunnudag var stofn-
að hér í bænum nýtt útgerðarfélag,
til kaupa á 50—60 smálesta vélbát.
Stofnendur eru Ishúsfélag Isfirð-
inga h.f., Hörður Guðbjartsson,
skipstjóri, Baldur Jónsson, fram-
kvæmdastjóri o. fl.
Formaður félagsstjórnar er
Hörður Guðbjartsson.
vegna ekki hafi verið stofnað til
hinnar nýju togaraútgerðar sem
bæjarútgerðar. Þetta er einkenni-
leg spurning frá hans hendi.
Er það ekki rétt, að hann hafi
með atkvæði sínu í bæjarstjórn
séð um það að Sjálfstæðisflokkn-
um tókst að gera togaraútgerð á
ísafirði að hlutafélagi, sem síðan
hefur lotið forsjár sjálfsstæðis-
manna.
Það er gott þegar menn iðrast
synda sinna.
Vesturland hefur tekið húsbænd-
ur sína hjá Morgunblaðinu sér til
fyrirmyndar um ónot og ergelsi út
af kaupum og rekstri hins glæsi-
lega olíuflutningaskips, Hamra-
fells. Það er heldur ótrúlegt að
Vesturlandið tali hér fyrir munn
sjómanna og útvegsmanna yfir-
leitt, en þeim er það nauðsyn að
olíuflutningar til landsins séu
jafnan tryggðir, og með sem bezt-
um kjörum. En níðið um S. I. S.
og athafnasemi þess er jafnan
gómsætur réttur hjá afturhalds-
klíku Sjálfstæðisflokksiiis.
Núpsskóli 50 úra
Hinn 4. janúar síðastliðinn voru
50 ár liðin frá því að skólinn að
Núpi í Dýrafirði tók ti'l starfa.
Séra Sigtryggur Guðlaugsson
var, eins og kunnugt er, aðalstofn-
andi skólans og stýrði honum sam-
fleytt í 22 ár, til ársins 1929, þá
tók Bjöm Guðmundsson við skóla-
stjóminni. Hafði hann verið kenn-
ari við skólann frá því 1909. —
Hann hafði áður búið sig undir
kennarastarfið með traustu námi
innan lands og utan. Björn var
skólastjóri til ársins 1942, en þá
tók við séra Eiríkur J. Eiríksson.
Hefir hann haft á hendi skóla-
stjóm síðan, ásamt prestsembætti
sínu.
Núpsskólinn hefir innt af hendi
stórmikið menningarhlutverk und-
anfarna hálfa öld. Áhrif skólans á
nemendur til menningar, siðgæðis
og framfara verða hvorki mæld né
vegin. Síðari árin hefir skólinn
færst meira í það horf að vera
fræðslu- og lærdómsskóli, og er
það í samræmi við framvindu
skólamála í landi vom. Aðsókn að
skólanum sýnir, að hann nýtur
trausts og vinsælda meðal skóla-
æskunnar. Kennsla hefir þar líka
jafnan verið tekin föstum tökum
og skólastjórnin traust í höndum
séra Eiríks.
—oOo—
Frá stjórn BygoOasafns
fsfirOinga
Arngrímur Fr. Bjarnason, kaup-
maður, ísafirði, færði Byggðasafni
ísfirðinga nýlega kr. 5000.00 að
gjöf frá Fjórðungssambandi fiski-
deilda Vestfjarða, sem verja skal
til þess að kaupa tæki tilheyrandi
fiskveiðum Vestfirðinga.
Stjórn Byggðasafnsins þakkar
gjöfina, enda er hér um mikils-
verðan stuðning við málefni þess
að ræða. Byggðasafnsstjórnin hef-
ur hugsað sér að verja hluta af
fjárhæð þessari til þess að gera
eftirmyndir af skipum þeim, sem
Vestfirðingar sóttu á sjóinn fyrr-
um, bæði þilskipum og minni för-
um.
Byggðasafnsstjórnin heitir enn
á alla góða menn til stuðnings við
að koma byggðasafninu á fót, bæði
með gjöfum muna og með öðrum
hætti og leyfir sér að vekja athygli
á fordæmi því, er stjórn Fjórð-
ungssambands fiskideildanna hefur
nú sett.
—oOo—
Flugmannaverltfallið
sem staðið hefur yfir að undan-
förnu leystist í fyrradag. Flugferð-
ir eru hafnar að nýju.

i
kap til heiða