Ísfirðingur - 15.12.1960, Blaðsíða 17

ISFIRÐINGUR
17
Dr. Richard Beck:
Hátíðakveðjur til vestflrzkra vina minna
Dr. Richard Beck
„Nálgast jólin helg og há,“ seg-
ir þjóðskáldið. Og þegar þetta er
ritað heima hjá mér inni á miðju
meginlandi Vesturálfu, eru blessuð
jólin aftur á næstu grösum. En
aldrei leitar hugur okkar heima-
alinna íslandsbarna, sem eigum
ævidvöl utan ættjarðarstranda,
fremur heim um haf heldur en um
jóla og nýársleytið. Þá sækja
minningarnar iaf fornum slóðum
fastar á hugann en endranær, og
hvað sjálfan mig snertir, þá eru
þær mér á þessu ári nærgöngulli
en oftast áður, því að þær gædd-
ust nýju lífi og urðu enn fjölþætt-
ari í heimsókn minni til ættlands-
ins á nýliðnu sumri.
Sumardvölin sú verður mér með
öllu ógleymanleg. Ættjörðin hló
mér við sjónum í fjölbreyttri feg-
urð sinni og sumarskarti, og við-
tökurnar, sem ég átti að fagna um
land allt ,voru svo ástúðlegar, að
ég fæ þær aldrei fullþakkaðar. Og
ekki stend ég í meiri þakkarskuld
við neina fyrir frábærar viðtökur
og höfðingsskap heldur en ykkur
vini mína og velunnara á ísafirði
og annars staðar á Vestfjörðum.
Fyrir það vil ég nú rétta ykkur
heita hönd til þakkar yfir hið
breiða haf. Ég harma það, að ég
varð að hafa hraðar við í ferð
minni til ykkar en ég hefði kosið,
en þetta veit ég, að þið skiljið og
metið í réttu ljósi.
Bjart er yfir minningunum frá
dögunum hjá ykkur á þeim slóð-
um, þótt þokan skyggði himininn,
fjalladýrð og hafsýn, allmikið af
dvalartímanum, nokkuð af honum
naut ég þó, góðu heilli, til fulln-
ustu svipmikillar tignar vestfirzks
umhverfis. Samkomurnar hjá ykk-
ur á ísafirði og viðtökumar þar
lifa mér í huga og halda áfram að
hita mér um hjarta. Sama máli
gegnir um ferðina ánægjulegu í
ágætum vinahópi að Kirkjubóli í
Bjarnardal, Holti í Önundarfirði
og á Flateyri og hinar framúrskar-
andi viðtökur á þeim stöðum;
einnig um heimsóknina í Bolung-
arvík jafn prýðilegar viðtökur þar.
Vænt þótti mér um að geta komið
að Núpi í Dýrafirði, þótt ekki væri
nema stundarkorn, og skoða að
nýju hinn merkilega og fagna stað
,,Skrúð“, lifandi vott þess, hver
gróðurmáttur býr í íslenzkri mold,
sé að honum hlúð.
Nöfn ykkar hinna mörgu vina
minna á Vesturlandi yrði of langt
upp að telja (enda hætt við, að
einhver verðugur kynni að verða
útundan í slíkri upptalningu), en
nöfnin þau eru vel geymd í þakk-
látum huga mínum. Eftir því, sem
lengra líður á lífsins dag, læri ég
betur og betur að meta góðhug
samferðasveitarinnar í minn garð
og skilja hvert ríkidæmi hann er.
Um leið og ég þakka ykkur öll-
um hjartanlega fyrir síðast, sendi
ég ykkur innilegustu jólakveðjur
mínar og nýársóskir, og geri að
mínum orðum þessar hjartaheitu
ljóðlínur Sigurðar Júlíusar Jó-
hannessonar, skálds:
Sem vinaminning þér sé kveðja
í þínu húsi ríki dýrleg jól, [þessi,
og þig og alla þína drottinn blessi,
í þínu hjarta skíni friðarsól.
(Ljósm.: Árni Matthíasson).
VETRARMYND FRÁ ÍSAI IRÐI
Á myndinni sést yfir Pollinn til Dagverðardals, Tungudals og Breiða-
dalsheiðar. Strandferðaskip og fiskiskip liggja við bæjarbryggjuna.
(Ljósm.: Árni Matthíasson).
„GRt)TAEHÚSIГ
Myndin er af svonefndu „Grútarhúsi" í Neðstakaupstað á ísafirði.
Þar var lýsisbræðslustöð áratugum saman. Húsið var rifið fyrir nokkru.