SunnudagsMogginn - 16.05.2010, Blaðsíða 2
2 16. maí 2010
4-8 Vikuspeglar
Ófriðurinn í VG stigmagnast, Rússar beina sjónum í vestur og enn rýf-
ur Frank Lampard tuttugu marka múrinn.
12 Hafa ekki grænan grun
Faðir og tölvukennari á Akureyri hefur sýnt fram á að krakkar komast í
tæri við vafasamara efni á netinu en flesta foreldra grunar.
14 Konur gegn körlum
Höfundar dansverksins Systra hafa sameinað krafta sína að nýju í
Bræðrum, verki sem frumsýnt verður á Listahátíð í Reykjavík.
16 Stangir upp!
Skapti Hallgrímsson gægðist bak við tjöldin á fjölmennu Evrópumóti í
sjóstangaveiði sem fram fór í Eyjafirði.
24 Hefur andstyggð á
græðgi
Kolbrún Bergþórsdóttir ræðir við Sólveigu
Eiríksdóttur sem er ástríðufull í því verkefni
að stuðla að heilsusamlegra mataræði.
30 Jöklar geyma sögu
heimsins
Ragnar Axelsson segir söguna bak við myndina.
Lesbók
48 600 notkunardæmi um megranir
Svanhildur Kr. Sverrisdóttir hermir af tungutaki.
52 Ungmeyjablæti og heimilisofbeldi
Vinsældir Twilight-seríu Stephenie Meyer fara síst minnkandi eins og
sannast á metsölu nýrrar bókar hennar í röðinni.
53 Vonnegut alltaf kær
Ingvi Þór Kormáksson hljómlistarmaður er lesari vikunnar.
38
Sigurður Guðmundsson á ljósmynd sem Einar Falur Ingólfsson tók af
honum fyrir áratug, en Einar Falur talar við hann fyrir Lesbókina í dag.
50
Efnisyfirlit
Forsíðumyndin er af söguhetjunni í þrívíddarteiknimyndinni Þór.
Umsjón Sunnudagsmoggans: Pétur Blöndal, pebl@mbl.is Umsjón Lesbókar: Einar Falur Ingólfsson, efi@mbl.is Ritstjórn Sunnudags-
moggans: Arnar Eggert Thoroddsen, Árni Matthíasson, Bergþóra Jónsdóttir, Helgi Snær Sigurðsson, Hólmfríður Gísladóttir, Ingveldur Geirs-
dóttir, Kolbrún Bergþórsdóttir, Kristján Jónsson, Orri Páll Ormarsson, Signý Gunnarsdóttir , Skapti Hallgrímsson, Ylfa Kristín K. Árnadóttir.
Augnablikið
Heilagur Palach glottir þegar kerling-
arhelvítið grípur stólinn og kjagar
þrjóskulega áleiðis út á torgið. „Þetta er
ólíðandi,“ muldrar upploginn útibússtjóri
hneykslaður og bætir við „– og þvert gegn
stefnu bankans“. Hann sparkar af sér
mokkasínunum og krýpur uppi í stólnum.
Forviða millistjórnandi hringir eftir lög-
reglu, af því að öryggisvörðurinn skrapp
með fullorðna móður sína til höfuðbeina-
og spjaldhryggjarþerapista, eða eitthvað í
þeim dúr.
Þ
annig hefst prósaljóð sem letrað er á
listaverkið Hásæti Mammons sem nú er í
eigu Landsbankans og varðveittur í and-
dyri útibúsins á Akureyri. Listamað-
urinn, Hrönn Einarsdóttir, færði bankanum verk-
ið að gjöf í vikunni, en það er lokaverkefni hennar
við Myndlistarskólann á Akureyri.
Haustið 2008 tapaði Hrönn fé sem hún átti í
peningamarkaðssjóði bankans. „Ég ætlaði að taka
út það sem ég átti og eyðileggja reikninginn en
hafði þá tapað upphæð sem svarar til skólagjalda í
eitt ár,“ segir hún.
Þegar Hrönn komst að því hvers kyns var, og sá
engan öryggisvörð í bankanum, greip hún með sér
stól og sagðist taka hann í pant. Tveir starfsmenn
reyndu að ná af henni stólnum en hún gaf sig ekki
þannig að hringt var á lögreglu og „þjófurinn“
handtekinn. „Ég skilaði svo stólnum og það urðu
engin eftirmál af þessu.“ Einhver hafði á orði að
reisa ætti minnisvarða um Hrönn vegna þessa.
Henni líkaði ekki hugmyndin í fyrstu en ákvað
síðan að búa sjálf til slíkan minnisvarða og segir
hásætið áminningu til allra. Þegar til kom hafi svo
verið best að gefa bankanum verkið því enginn
eigi peninga nú til að kaupa það.
„Það hefur enginn beðið mig afsökunar vegna
tapsins. Þó að ég hafi ekki tapað milljörðum skipti
upphæðin mig máli. Mér fannst ég ekki geta tapað
150 þúsund kalli án þess að mótmæla – og láta eins
og allt væri í lagi.“
Atli, sonur Hrannar, samdi textann á stólinn
sem er úr járni. „Ég fékk frábæra iðnaðarmenn til
að hjálpa mér; við eigum marga í bænum. Björn í
Slippnum smíðaði stólinn og Sigþór í Pólýhúðun,
fyrrverandi maðurinn minn, húðaði hann.“
Hrönn afhenti Landsbankanum listaverkið við
athöfn á Ráðhústorgi á miðvikudaginn og hópur
fólks var viðstaddur. „Ég gat ekki boðið upp á
neinar veitingar því allur peningurinn fór í verk-
ið,“ segir hún. Helgi Teitur Helgason útibússtjóri
tók við gjöfinni. „Hann var búinn að láta mig vita
að hann kæmi þannig að ég vissi að ég yrði ekki
ein og við áttum mjög gott spjall í síma,“ segir
Hrönn. „Ég bauð öllum pólitíkusunum hér á Ak-
ureyri og ráðherrum en enginn mætti. En ég fékk
hringingu þar sem Katrín Jakobsdóttir mennta-
málaráðherra afboðaði sig; mér fannst frábært að
hún skyldi láta vita.“
skapti@mbl.is
Hrönn Einarsdóttir við listaverkið sitt, Hásæti Mammons, á Ráðhústorginu þar sem hún afhenti það bankanum.
Ljósmynd/Halldór
Hásæti Mammons
17. maí
Á mánudaginn ætlar Stórsveit Reykjavíkur að flytja eitt af lykilverkum
stórsveitabókmenntanna, Consummation eftir Thad Jones, á tónleikum í
Þjóðleikhúskjallaranum. Platan Consummation var hljóðrituð fyrir 40 ár-
um, en ásamt lögunum átta af plötunni stendur til að flytja helstu verk
stórsveitar Jones og Mel Lewis. Stjórnandi á tónleikunum verður Sigurður
Flosason, en tónleikarnir hefjast kl. 21.
Stórsveitin flytur Consummation
Við mælum með…
13. maí
Síðastliðinn fimmtu-
dag var opnuð í Þjóð-
minjasafni Íslands
sýningin Klippt og
skorið - um skegg og rakstur. Þar
eru til sýnis ýmsir gripir og ljós-
myndir sem tengjast þessu karl-
mennskutákni og fjallað um
hvernig það hefur tekið mið af
tísku og tíðaranda. Sýningin
stendur út árið.
18. maí
Á þriðjudaginn kl.
12.15 verða síðustu
hádegistónleikar Óp-
hópsins haldnir í Ís-
lensku óperunni, en
þar munu hljóma ís-
lenskar aríur, söng-
lög og samsöngvar úr íslenskum
óperum og söngleikjum. Sér-
stakur gestur á tónleikunum verð-
ur tenórinn Gissur Páll Giss-
urarson.