SunnudagsMogginn - 16.05.2010, Síða 4
4 16. maí 2010
Bæði Vladimír Pútín og Dimítrí Medvedev eru iðu-
lega spurðir hvort þeir ætli að gefa kost á sér í for-
setakosningunum 2012. Eðli málsins samkvæmt
geta þeir ekki gefið afgerandi svör. „Þeir geta ekki
boðið sig fram hvor gegn öðrum því að það myndi
ógna öllu kerfinu,“ segir Aleksei Makarkin, sérfræð-
ingur um rússnesk stjórnmál. „Það verður að velja á
milli þeirra.“ Það komi sér hins vegar vel fyrir báða
að staðan sé óljós. Ef það væri ljóst að Medvedev
ætlaði sér að sitja annað kjörtímabil myndi það
vængstýfa Pútín, en ef vitað væri fyrir víst að Pútín
ætlaði að snúa aftur myndi Medvedev hætta að
skipta máli. „Bæði Pútín og Medvedev vita að vald
þeirra minnkar um leið og ljóst yrði að þær ætluðu
ekki að verða forseti eftir 2012.“
Sérfræðingar geta ekki sagt með vissu hvað muni
gerast og ekki er einu sinni víst að þeir viti sjálfir
hvað þeir muni gera. Þó má ráða af svörum Med-
vedevs að hann vilji vera forseti annað kjörtímabil og
Pútín hyggst ekki yfirgefa hið pólitíska svið. Og hvað
vilja rússneskir kjósendur? Samkvæmt skoð-
anakönnun, sem birtist í upphafi mánaðarins, myndu
27% Rússa kjósa Pútín, en 20% Medvedev.
Hver verður forseti
Rússlands eftir 2012
Dimítrí Medvedev, kona hans Svetlana og Vladimír
Pútín við páskaguðsþjónustu í Moskvu.
Reuters
A
fstaða rússneskra stjórnvalda til Vest-
urlanda hefur tekið merkjanlegum
breytingum undanfarið og sennilega
hafa samskiptin ekki verið betri síðan
Sovétríkin voru og hétu og Míkhaíl Gorbatsjov
hleypti perestrojku af stað. Vísbendingarnar um
þessa þíðu eru margvíslegar. Þegar Rússar héldu
upp á lok seinni heimsstyrjaldar og sigurinn á nas-
istum vakti athygli að hermenn frá Bandaríkjunum,
Bretlandi, Frakklandi og Póllandi gengu í fyrsta
skipti yfir Rauða torgið og í heiðursstúkunni sat
Angela Merkel, kanslari Þýskalands, ásamt leiðtog-
um Rússlands.
Dimítrí Medvedev, forseta Rússlands, hefur að
undanförnu tekist að skapa sér sérstöðu gagnvart
Vladimír Pútín forsætisráðherra. Ávallt hefur verið
litið svo á að hlutverk Medvedevs hafi verið að
halda forsetastólnum volgum fyrir Pútín, sem
þurfti að láta af honum vegna þess að stjórnarskráin
meinaði honum að sitja lengur.
Þótt Medvedev hafi verið leiðitamur hefur frá
upphafi verið ljóst að hann er öðruvísi þenkjandi en
Pútín. Medvedev hefur í ræðu og riti talað um mik-
ilvægi réttarríkisins, prentfrelsis og mannréttinda.
Hann hefur mun lýðræðislegri viðhorf en Pútín,
þótt ekki sé hægt að segja að hann hafi knúið fram
umbætur í þeim anda.
Eftir að Barack Obama varð forseti Bandaríkjanna
hefur dregið úr spennu milli Bandaríkjanna og
Rússlands. Obama hefur verið mun sáttfúsari í garð
Rússa og ákvörðun hans um að hætta við að setja
upp eldflaugavarnir í Póllandi og Tékklandi hefur
auðveldað Rússum að skipta um stefnu gagnvart
Bandaríkjunum með reisn.
Rússneska útgáfa vikuritsins Newsweek birti í
vikunni rússneska trúnaðarskýrslu á heimasíðu
sinni þar sem útlistað er það markmið Rússa að
koma á traustari samskiptum við Evrópu og Banda-
ríkin í því skyni að nútímavæða úreltan iðnað
landsins.
Í áætluninni, sem er eignuð Sergei Lavrov utan-
ríkisráðherra og stíluð á Medvedev, er talað um að
hverfa frá þeirri ágengu stefnu, sem verið hefur við
lýði, og stjórn Obama er hrósað fyrir að sýna meiri
samstarfsvilja en var fyrir hendi í stjórnartíð George
W. Bush.
Í fréttaskýringu í blaðinu Wall Street Journal
segir að í trúnaðarskýrslunni sé mótuð sú stefna,
sem Medvedev boðaði í árlegu ávarpi sínu í rúss-
neska þinginu í nóvember. Þar sagði hann að til-
gangslaust væri að belgja sig út og lýsti yfir því að
markmið utanríkisstefnunnar ætti að vera að nú-
tímavæða vanþróað hagkerfi Rússlands.
Í fréttaskýringunni er vitnað í Vjatsjeslav Ník-
onov, sérfræðing í utanríkismálum, sem iðulega
hefur veitt rússneskum stjórnvöldum ráðgjöf. Hann
segir að sú stefna Medvedevs að draga úr því hvað
Rússar eru háðir olíu og öðrum náttúruauðlindum
og rífa þess í stað upp hátækniiðnað kalli á nálgun
við vestrið. „Uppspretta nútímavæðingar og nýj-
unga er í vestri, ekki austri,“ segir hann.
Þetta skýrir það hvers vegna í skýrslunni er talað
um að gefa samskiptum við Bandaríkin og Evrópu
meiri gaum, þótt ekki megi vanrækja Kína og önnur
mikilvæg ríki.
Hver er í skugga hvers? Dimítrí Medvedev forseti hefur verið að sækja
í sig veðrið gagnvart Vladimír Pútín forsætisráðherra undanfarið.
Reuters
Rússar beina
sjónum í vestur
Eftir stirð samskipti um árabil
boða rússnesk stjórnvöld þíðu
Vikuspegill
Karl Blöndal kbl@mbl.is
Angela Merkel, kanslari Þýskalands, ásamt leiðtog-
um Rússlands og forseta Kína á Rauða torginu.
Reuters
„Ef þú ert að tala til dæmis
um spurningar varðandi stefn-
una í utan- eða innanríkis-
málum, varnar- eða öryggis-
málum er það forsetinn einn
og enginn annar,“ sagði Di-
mítrí Medvedev þegar banda-
rískur blaðamaður spurði
hann hvor tæki ákvarðanir,
hann eða Vladimír Pútín. Fáninn rauði á Rauða torginu.
Reuters
Forsetinn og
enginn annar
fyrir heimilið
Toppur án bragðefna, 2 l
119 kr.stk.