SunnudagsMogginn - 16.05.2010, Blaðsíða 6

6 16. maí 2010
Eins og kunnugt er hefur hart ver-
ið sótt að Jóni Bjarnasyni, sjávar-
útvegs- og landbúnaðarráðherra,
á undanförnum vikum og mán-
uðum. Vera hans á ráðherrastól er
Samfylkingunni sérstakur þyrnir í
augum og gekk samstarfsflokkur
VG í ríkisstjórn svo langt á flokks-
stjórnarfundi að álykta gegn frek-
ari veru Jóns í ríkisstjórn.
Samfylkingin hefur gefið til
kynna að ófært sé að hefja aðild-
arviðræður við Evrópusambandið
með ráðherra í forsvari fyrir sjáv-
arútvegs- og landbúnaðarmálum,
sem sé alfarið andvígur aðild og
aðildarviðræðum. Þetta hefur ver-
ið meginröksemd Samfylking-
arinnar fyrir að vilja Jón burt úr rík-
isstjórn, en eins og VG hefur
ítrekað bent á, þá er það á valdi
VG, ekki Samfylkingarinnar, að
velja hverjir sitja á ráðherrastól-
um fyrir hönd flokksins.
Vitanlega olli
afskiptasemi
Samfylking-
arinnar af ráð-
herraskipan VG
reiði innan VG.
Samkvæmt
heimildum mín-
um er órólega
deildin í VG nú
að undirbúa
varnarbaráttu, þar sem til stendur
að slá skjaldborg um Jón Bjarna-
son og ráðherradóm hans. Eru
þau Guðfríður Lilja Grétarsdóttir,
formaður þingflokks VG, og Ás-
mundur Einar Daðason ásamt Ög-
mundi Jónassyni sögð vera í for-
svari fyrir slíkum vörnum, en
einnig koma þar við sögu þing-
mennirnir Ásmundur Einar Daða-
son og Lilja Mósesdóttir og hugs-
anlega fleiri þingmenn.
Verði sú raunin, verður ekki létt
fyrir Steingríms-arminn í VG að
halda því fram öllu lengur, að Ög-
mund sé farið að klæja svo í ráð-
herrafingurna, að hann sé jafnvel
reiðubúinn til þess að ganga milli
bols og höfuðs á Jóni Bjarnasyni
til þess að fá ráðherrastól á nýjan
leik. Fullyrt er að slík áform Ög-
mundar hafi aldrei verið til staðar,
enda liggi beinast við að Álfheiður
Ingadóttir víki úr ráðherrastól og
Ögmundur taki við sínu gamla
starfi á nýjan leik.
Vilja slá skjaldborg um Jón
Jón
Bjarnason
Guðfríður Lilja
Grétarsdóttir
Ásmundur Einar
Daðason
Þ
ví fer örugglega víðsfjarri að allt sé sem
sýnist um þessar mundir innan vébanda
annars stjórnarflokksins, Vinstrihreyf-
ingarinnar – græns framboðs. Að sögn er
ágreiningurinn orðinn svo djúpstæður á milli
þeirra tveggja fylkinga í flokknum sem tekist hafa
á og ósættið slíkt, að margir VG-liðsmenn eru
mjög uggandi um hvert framhaldið verður.
Eins og kunnugt er hafa verið væringar í
flokknum allar götur frá því að Ögmundur Jón-
asson, fyrrverandi heilbrigðisráðherra, sagði af sér
sem slíkur, þar sem honum hugnuðust ekki þau
vinnubrögð sem honum var uppálagt að viðhafa í
Icesave-deilumálum.
Þótt þau Steingrímur J. Sigfússon, fjár-
málaráðherra og formaður VG, og Jóhanna Sig-
urðardóttir, forsætisráðherra og formaður Sam-
fylkingarinnar, hafi í tvígang barist með kjafti og
klóm fyrir því að neyða upp á íslenska skattgreið-
endur skuldbindingar upp á mörg hundruð millj-
arða króna – skuldbindingar sem rannsókn-
arnefnd Alþingis komst að niðurstöðu um að
Íslendingar bæru enga ábyrgð á – en orðið frá að
hverfa, þar sem þjóðin og forsetinn höfnuðu þeim
afarkostum sem átti að þröngva upp á þjóðina, þá
hefur sú niðurstaða ekki orðið til þess að öldur
hafi lægt í VG.
Að vísu hefur svo virst vera, a.m.k. á yfirborð-
inu, en það hefur þó ítrekað komið fram, að lognið
sem sagt hefur verið ríkja hefur verið og er bara
svikalogn. Icesave-deilumál eru ekki á dagskrá
um þessar mundir og þau Steingrímur J. Sigfússon
og Jóhanna Sigurðardóttir hafa ekki svo vikum
skiptir hótað því að heimsendir væri í nánd ef við
lofuðum ekki að greiða Bretum og Hollendingum
allt sem þeir vilja fá greitt, með vöxtum og vaxta-
vöxtum, þótt Steingrímur J. og nú með liðsinni
Össurar Skarphéðinssonar sé nú byrjaður að
banka upp á hjá Bretum á nýjan leik og biðja um
að fá að borga.
Samband þeirra Steingríms J. Sigfússonar og
Ögmundar Jónassonar er stirðara en nokkru sinni.
Mennirnir talast ekki við og reyna ekki einu sinni
lengur að ná einhvers konar sáttum. Sáttafundir
þeirra og niðurstaða af þeim fyrir nokkrum vikum
voru engan veginn jafnárangursríkir og einhverjir
VG-liðar reyndu að gefa til kynna á sínum tíma og
síðan þær tilraunir runnu út í sandinn hefur
ástandið stórum versnað, að sögn viðmælenda úr
röðum VG.
Ekki hefur samstarfsflokkur VG í ríkisstjórn,
Samfylkingin, beinlínis hjálpað upp á sakirnar eða
auðveldað VG að ná friði og ró innan eigin raða,
því þeirra verk, þar sem reynt er að bola Jóni
Bjarnasyni landbúnaðar- og sjávarútvegsráðherra
frá völdum, þar sem hann er ekki nógu leiðitamur
flokknum sem vill nú, hvað sem tautar og raular,
leiða Ísland inn í Evrópusambandið, hafa gert það
að verkum að átökin hafa harðnað mjög í VG.
Jón Bjarnason er langt frá því að vera óumdeild-
ur maður, hvort sem er innan VG eða annars stað-
ar. En margir stuðningsmenn VG, ekki síst úr
grasrót hreyfingarinnar um allt land, líta þó á
hann sem „sinn mann“ því hann hafi aldrei hvik-
að frá andstöðu sinni við aðildarumsókn að ESB og
þar af leiðandi staðið við þau kosningaloforð sem
VG-frambjóðendur gáfu fyrir síðustu kosningar
og hafa reyndar lengi verið á stefnuskrá flokksins,
að flokkurinn og frambjóðendur hans væru and-
vígir aðild að Evrópusambandinu.
Á yfir fjögurra klukkustunda löngum ríkis-
stjórnarfundi á sunnudaginn var átti að láta til
skarar skríða gegn Jóni Bjarnasyni og koma hon-
um frá völdum með því að taka ákvörðun um
sameiningu sjávarútvegs-, landbúnaðar- og iðn-
aðarráðuneytis í eitt atvinnuvegaráðuneyti. Engin
niðurstaða fékkst á þeim fundi, ekki frekar en
tveimur öðrum ríkisstjórnarfundum í vikunni, og
virðist Jón Bjarnason ætla að halda velli, a.m.k.
um stundarsakir, því ef marka má fregnir vik-
unnar virðast Jóhanna Sigurðardóttir og Samfylk-
ingin þurfa að sætta sig við að uppstokkun í
stjórnarráðinu og sameining ráðuneyta fái að bíða
a.m.k. til haustsins, þótt í frumvarpsdrögunum sé
miðað við það að ný ráðuneyti taki til starfa 1.
september nk.
Ófriðurinn í VG
stigmagnast
Grasrótin í VG ver Jón Bjarna-
son sjávarútvegsráðherra
Það er liðin tíð að Steingrímur J. Sigfússon, formaður VG, taki utan um
Ögmund Jónasson, eða taki þéttingsfast í hönd þingmannsins.
Morgunblaðið/Ómar
Vikuspegill
Agnes Bragadóttir agnes@mbl.is
Fullyrt er, að hvað svo sem op-
inberum yfirlýsingum
Steingríms J. Sigfússon-
ar líði, um vilja hans til
þess að fá Ögmund Jón-
asson inn í ríkisstjórnina á nýj-
an leik, búi þar að baki hvorki
einlægur vilji né staðfastur
ásetningur. Honum hugnist mun
betur að hafa Álfheiði Ingadóttur
áfram sér við hlið.
Vill bíða með
breytingar
www.noatun.is
Nóatúni
Nýttu þér nóttina í
Nú eru allar verslanir Nóatúns
opnar allan sólarhringinn