SunnudagsMogginn - 16.05.2010, Blaðsíða 38
38 16. maí 2010
Ferðalög
E
ftir að almættið tók upp á þeim
óskunda að spúa eldi og brenni-
steini yfir lauslátar konur, fjár-
glæframenn og annað brotgjarnt
fólk á dögunum hafa flugsamgöngur víða
um lönd farið úr skorðum. Reykjarstrók-
urinn úr Eyjafjallajökli hefur sína henti-
semi og flugfarþegar verða að taka kenj-
unum í honum eins og hverju öðru
hundsbiti. Milljónir manna hafa verið
kyrrsettar af þessu tilefni (ætti orðið
„jarðaðar“ ekki betur við í þessu sam-
hengi?) við misjafnar undirtektir.
Gott er að grípa í gömlu góðu bókina eða
iPodinn þegar beðið er, jafnvel tímunum
saman, eftir flugi. Almennt eru flug-
stöðvar hins vegar takmarkaðar byggingar
og fátt við að vera gerist manni biðin
hvimleið. Ég hef til dæmis fundið verulega
til með aumingja bíðendunum á Akureyr-
arflugvelli upp á síðkastið. Í þeirri bygg-
ingu er dægradvöl nefnilega af skornum
skammti.
Hrópleg andstæða Akureyrarflugvallar
er alþjóðaflugvöllurinn í München í Bæj-
aralandi. Raunar minnir hann á góðum
degi um margt meira á skemmtigarð en
flugstöð. Þar þarf engum að leiðast.
„Við leggjum mikla áherslu á þægindi,
byggingarnar eru hannaðar með það fyrir
augum að farþegar komist ferða sinna
hratt og örugglega. Hér geta menn náð
tengiflugi á þrjátíu mínútum sem er
skemmri tími en þekkist annars staðar í
heiminum,“ segir Corinna Born, mark-
aðsstjóri München-flugvallar. „Þurfi fólk
hins vegar að doka lengur við eftir flugi
þykir okkur sjálfsagt að stytta því stund-
irnar með afþreyingu og þjónustu af ýmsu
tagi.“
Torg eitt mikið, sem tengir flugstöð 1 og
2 saman, gegnir lykilhlutverki í þessu til-
liti. Þak, sem er gegnsætt að hluta, er yfir
rýminu og fyrir vikið ríkir þar einskonar
tjaldstemning. Þar eru reglulega haldnir
tónleikar og uppákomur af öðru tagi og
fyrir jólin er jafnan settur upp veglegur
markaður. Á veturna er skautasvell á
torginu og myndast þar oft skemmtileg
stemning, að sögn Corinnu Born. Á sumr-
in er ferjaður ljós sandur inn á torgið og
keppt af móð í strandblaki.
Bæjarar eru frægir fyrir bjórgarða sína
og einn slíkan er að sjálfsögðu að finna í
miðrými flugstöðvarinnar. Ekki nóg með
það, bjórinn er bruggaður á staðnum í
anda bæverskra munka en á þessum slóð-
um hefur bjór verið bruggaður frá því fyrir
Íslandsbyggð. „Hefðin er á okkar bandi og
við erum eina flugstöðin í heiminum sem
rekur bruggverksmiðju,“ segir Corinna
hróðug.
Fjöldi veitingastaða er í flugstöðinni af
öllum stærðum og gerð-
um. Hægt er að velja um
hefðbundinn þýskan
mat, asískan og ítalskan
svo eitthvað sé nefnt,
auk skyndibitans. Þegar
gestgjafinn fréttir að
McDonald’s hafi hrökkl-
ast frá Íslandi stefnir hún
skónum umsvifalaust
þangað. „Hér snæðum við í kvöld.“ Til
allrar hamingju sveigir hún á elleftu
stundu af leið. Með stríðnisbros á vör.
Corinna gerir því skóna að Ísland sé eina
siðmenntaða landið í heiminum sem ekki
hafi McDonald’s. Það er alltént léttir að
heyra að við skulum enn teljast til sið-
menntaðra þjóða.
Í stað McDonald’s liggur leiðin inn á
dæmigerðan þýskan matsölustað. Af ýmsu
er að taka. Ég panta pörusteik, Haxe á
frummálinu. Það er gríðarvinsæll réttur á
þessum slóðum. Mér til mikillar skelfingar
kemur í ljós að ég hef pantað heilt svín,
a.m.k. grís. Annað eins kjötflikki hef ég
ekki í annan tíma séð á einum og sama
diskinum. Ég hef á orði að þetta nægi fyrir
heila fjölskyldu. „Og hundinn,“ bætir
Corinna við.
Ég minnist þess ekki að hafa leift af
diskinum mínum síðan ég var sex ára en
að þessu sinni verð ég að játa mig sigraðan.
Hamarinn er þrítugur. Sessunautar mínir
hafa lúmskt gaman af þessu en þegar disk-
urinn er farinn bendir Corinna á, að ég
hafi með þessari aumu framgöngu kallað
vont veður yfir Bæjaraland í ótilgreindan
tíma. Vil ég nota þetta tækifæri til að biðja
það góða fólk velvirðingar á sumarseink-
uninni!
Spark og skart
Verslanir hafa sitt aðdráttarafl á flugvell-
inum í München eins og annars staðar en
þær eru yfir 150 talsins. Sú nýjasta er helg-
uð stuðningsmönnum sparkveldisins
Bayern München sem hampaði enn einum
meistaratitlinum í Þýskalandi um liðna
helgi. Robben stendur á öllum treyjum.
Hvar er Ribéry? Tísku- og skart-
gripaverslanir eru mest áberandi í flug-
stöðinni, auk minjagripaverslana.
Öfugt við Leifsstöð eru verslanirnar á
flugvellinum í München opnar almenningi
og segir Corinna fjölda Þjóðverja nýta sér
það, einkum fólk frá nálægum bæjum en
líka frá München sjálfri. „Hér er sann-
kölluð verslunarmiðstöðvarstemning á
hverjum degi.“
Þá er ótalinn svonefndur Gestagarður,
þar sem gott útsýni er yfir flugbrautirnar
og flugstöð 1. Þar getur einnig að líta þrjár
gamlar flugvélar, Super Constellation,
Bæjarar
eru bjór-
elskt fólk.
Völlur
fer á flug
Skautasvell, strandblak, bruggverksmiðja, list-
sýningar. Franz Josef Strauss-flugvöllurinn í
München er enginn venjulegur flugvöllur. Hann
minnir um margt meira á verslunarmiðstöð og
skemmtigarð. Þar þarf engum að leiðast.
Orri Páll Ormarsson orri@mbl.is
Á góðum degi er líf og fjör
í miðrýminu á flugvell-
inum í München. Hér er
jólamarkaðurinn í gangi.
Listsýningar eru hluti
af starfseminni.
Corinna Born