SunnudagsMogginn - 16.05.2010, Blaðsíða 39
16. maí 2010 39
Douglas DC-3 og Junkers Ju 52/3m fyrir
þá sem þekkja til.
Einnig er hægt að fara upp á svalir í
flugstöð 2 og fylgjast með vélunum at-
hafna sig á vellinum, lenda og fara á loft.
Að sögn Corinnu lokuðu flestir flugvellir
aðstöðu af þessu tagi eftir „11. september“.
„Við vildum halda þessu áfram en í örygg-
isskyni var net strengt yfir svalirnar.“
Hafandi kynnst herlegheitunum blasir
við að spyrja Corinnu hvort það sé mark-
mið flugvallarstjórnenda að gestir þurfi
ekki að fara lengra. Nóg sé að fljúga til
München, verja góðum tíma á flugvell-
inum og halda svo aftur heim. „Ekki al-
veg,“ svarar hún hlæjandi. „En fólki er
vitaskuld velkomið að vera eins lengi og
það vill.“
Glæsihótel er starfrækt á svæðinu undir
merkjum Kempinski.
Flugvöllurinn er staðsettur tæpa þrjátíu
kílómetra norðaustur af München, stein-
snar frá hinum sögufræga bæ Freising, þar
sem Benedikt páfi XVI var vígður til prests
á sínum tíma. Völlurinn heitir í höfuðið á
stjórnmálamanninum Franz Josef Strauss
(1915-88) sem um tíma var forseti Bæjara-
lands. Hann var sjálfur flugmaður og setti
flugsamgöngur á oddinn. Flugstöð 1 var
tekin í notkun vorið 1992 og flugstöð 2 ell-
efu árum síðar. Áform eru um að bæta við
þriðju flugstöðinni en tilskilin leyfi liggja
ekki fyrir.
München-flugvöllur er næststærsti
flugvöllurinn í Þýskalandi með tilliti til
fjölda farþega á eftir Frankfurt. 32,7 millj-
ónir manna áttu leið þar um á liðnu ári.
Það er að vísu fækkun um tvær milljónir
farþega milli ára en Corinna Born skrifar
þá staðreynd á efnahagskreppuna í heim-
inum. „Við höfum fundið fyrir henni eins
og aðrir en ég er sannfærð um að þetta er
tímabundið ástand. Fyrstu mánuðir þessa
árs lofa strax góðu, þrátt fyrir eldgosið á
Íslandi,“ segir hún og horfir glottandi á
mig og íslenska samferðamenn mína. „Við
skulum annars ekkert vera að segja gest-
um hérna á flugvellinum frá því að þið
séuð frá Íslandi.“
Það er líklega rétt mat.
Þeim sem vilja kynna sér ferðamöguleika í Þýska-
landi er bent á heimasíðu þýska ferðamálaráðs-
ins á íslensku, www.tyskalandsferdir.travel.
Ýmsir hafa yndi af því að versla á flugvöllum. Þeir fá sitthvað fyrir sinn snúð í München.
Gestagarðurinn er vin-
sæll enda útsýni yfir
flugvallarsvæðið gott.
’
Hafandi séð
herlegheitin
blasir við að
spyrja Corinnu hvort
það sé markmið
flugvallarstjórnenda
að gestir þurfi ekki
að fara lengra. Nóg
sé að fljúga til
München, verja
góðum tíma á flug-
vellinum og halda
svo aftur heim.
Á sumrin er komið upp aðstöðu fyrir strandblak í miðrými flugvallarins.
Á veturna breytist blakströndin í skautasvell, þar sem ungir og aldnir skemmta sér.
Sæki syfja að farþegum er hægt að leigja glæsilega hvíldarklefa á flugvellinum.
Franz Josef Strauss-flugvöllurinn í München er mikið og veglegt mannvirki.