SunnudagsMogginn - 16.05.2010, Blaðsíða 54

54 16. maí 2010
E
inn fremsti píanóleikari samtímans kom fram á
tónleikum í Háskólabíói á fimmtudagskvöldið.
Þetta var hinn norski Leif Ove Andsnes. Ein-
hverjir heyrðust kveina yfir því að hann væri
ekki með einleikstónleika, heldur spilaði með tveimur
öðrum hljóðfæraleikurum, byði ekki upp á sólóflug-
eldasýningu heldur kammermúsík. Kannski er það
ástæðan fyrir því að það var ekki húsfyllir á tónleik-
unum. Ég gat ekki betur séð en að efstu bekkir Há-
skólabíós væru tómir.
Hljóðfæraleikararnir sem „spilltu fjörinu“ voru systk-
inin Christian og Tanja Tetzlaff, fiðlu- og sellóleikari.
Efnisskráin var í innhverfari kantinum, og einhverjum
hefur kannski fundist hún leiðinleg. Þriðja tríóið eftir
Schumann fyrir fiðlu, selló og píanó er ekki með því að-
gengilegasta eftir tónskáldið. Það er miklu „leiðinlegra“
en t.d. Kreisleriana fyrir einleikspíanó. Ó, að Leif Ove
hefði nú spilað það!
Engu að síður voru þetta frábærir tónleikar. Á dag-
skránni voru verk fyrir fiðlu, selló og píanó eins og fyrr-
nefnt tríó eftir Schumann og líka Fantasiestücke eftir
sama tónskáld. Einnig fyrir selló og píanó (Ævin-
týramyndir eftir Janacek) og fiðlu og píanó (sónatína op.
100 eftir Dvorák). Hvert sem viðfangsefnið var þá leystu
hljóðfæraleikararnir það fullkomlega af hendi.
Andsnes hefur einstaklega fallegan tón og spilar á pí-
anóið eins og hann hafi aldrei gert neitt annað. Systkinin
spiluðu líka afar fallega; mýkt fiðlunnar – sem er nýtt
hljóðfæri, ekki gamall Stradivarius – var ótrúlega safarík
og sónatínan eftir Dvorák var svo áhrifamikil að maður
gleymdi stund og stað. Ævintýramyndirnar eftir Jana-
cek voru sömuleiðis heillandi, sellóið skemmtilega róm-
antískt og píanóleikurinn fullur af merkingarþrungnum
hendingum og hljómasamsetningum. Og tónsmíðarnar
eftir Schumann voru ástríðuþrungnar og spennandi,
maður dáðist sérstaklega að stígandinni í Fantasie-
stücke, sem var óvanalega markviss.
Svona á kammermúsík að vera. Þremenningarnir
spiluðu eins og einn maður, en samt voru raddir þeirra
sjálfstæðar þegar við átti, samhentur hópur þriggja vina
sem voru að ræða saman í mesta bróðerni. Maður gekk
glaður út af þessum tónleikum.
Ævintýra-
myndir í
Háskólabíói
TÓNLIST
Kammertónleikar bbbbb
Háskólabíó
Leif Ove Andsnes, Christian og Tanja Tetzlaff fluttu verk eftir Schu-
mann, Janacek og Dvorák. Fimmtudagur 13. maí.
Jónas Sen
Christian Tetzlaff, Tanja Tetzlaff og Leif Ove Andsnes syntu í Bláa lóninu og léku á tónleikum í Haskólabíói. Hvert sem við-
fangsefnið var þá leystu hljóðfæraleikararnir það fullkomlega af hendi.
Ljósmynd/Per Roald Landrö
Helgin verður þétt eins og vænta má á þessum árstíma
og byrjar á opnun myndlistarsýningar Sigurðar Guð-
mundssonar í i8 á föstudegi. Ég var að gefa út dæmalaust
skemmtilega – og óvenjulega – skáldsögu eftir Sigurð,
Dýrin í Saigon, og hlakka til að sjá sýninguna sem teng-
ist held ég efni bókarinnar að einhverju leyti. Á föstu-
dagskvöldið ætla ég að fara á lithásku sýninguna á Róm-
eó og Júlíu og bíð í ofvæni eftir þeirri veislu. Á
laugardaginn kl. 14 verða tónleikar á Austurvelli til
stuðnings nímenningunum sem gerðu það sem við vild-
um öll gera en eru ofsóttir af hinu opinbera fyrir vikið,
auk þess sem einar fjórar myndlistarsýningar verða
opnaðar. Ég mun gera mitt besta til
að sjá og heyra sem mest. Um
kvöldið ætla ég svo að sjá Gerplu í
Þjóðleikhúsinu. Ég er búin að sjá
hana einu sinni en get ekki stillt
mig um að fara aftur, sú sýning
var einstök perla. Á sunnudaginn
verður rölt milli myndlistarsýn-
inganna sem ekki gafst tími til
að skoða á laugardegi, og
um kvöldið verður borðað
í góðra vina hópi og rætt í
þaula um viðburði helg-
arinnar.
Ég sé á þessari upp-
talningu að ég á alveg
rosalega gott!
Helgin mín Silja Aðalsteinsdóttir
útgáfustjóri
Sannkölluð
listahátíðarhelgi
Undanfarna mánuði hefur Amazon glímt við bókaút-
gefendur vegna verðlagningar á bókum sem gefnar
eru út á rafrænu sniði þar sem fyrirtækið hefur viljað
halda verðinu niðri, en útgefendur uppi.
Eftir stífar samningaumleitanir hefur Amazon náð
samningum við alla risana í útgáfubransanum nema
einn - Penguin.
Penguin og Amazon hafa ekki náð saman og svo
fór að Penguin hætti að skaffa Amazon rafrænar út-
gáfur á bókum sínum, en þær er enn hægt að fá í
rafbókabúðum Apple og Barnes & Noble. Nýjasta út-
spil Amazon í deilunni hefur svo enn aukið gremju
Penguin-manna því nú er hægt að fá allar nýjar
bækur frá Penguin á níu dali og níutíu og níu sent,
eða á um 1.300 kr., í netverslun Amazon. Sem dæmi
um afsláttinn má nefna að listaverð á nýrri bók met-
söluhöfundarins Stuarts Woods, Lucid Intervals, sem
kom út í lok apríl, er um 3.400 kr., en semsé hægt
að kaupa hana á 1.300 kr., með 62% afslætti, hjá
Amazon. Í iBooks-sjoppu Apple kostar sama bók um
2.300 kr. í rafrænni útgáfu og um 1.700 í rafbókabúð
Barnes & Noble.
Amazon og Penguin glíma
Lesbók
Kanadíska námafyrirtækið Barrick Gold er umdeilt og
skemmst að minnast þess að norski olíusjóðurinn setti
fyrirtækið á bannlista þar sem starfsemi fyrirtækisins
stangast á við strangar siðareglur í fjárfestingastefnu
sjóðsins. Nú fyrir stuttu fékk bókaútgefandi í Kanada að
kenna á Barrick Gold, því fyrirtækið sigaði her lögfræð-
inga á útgefandann, Talonbooks, sem hugðist gefa út
bók sem fjallar um námavinnslu kanadískra fyrirtækja í
Afríku.
Talsmaður útgefandans segir að Barrick Gold beiti
lögfræðingum fyrir sig í trausti þess að smáfyrirtæki hafi
ekki fjárhagslega burði til að svara fyrir sig, enda myndi
lögfræðikostnaður hlaupa á hundruðum milljóna þó svo
að stefna Barrick Gold næði ekki fram að ganga. Ta-
lonbooks hætti og við útgáfuna um tíma, en nú hafa
kanadísk mannréttindasamtök boðist til að taka að sér
málsvörnina án endurgjalds.
Peningana eða prenthelsi
Frá námu Barrick Gold í Palabora í Suður-Afríku.
Google