Morgunblaðið - 12.01.2010, Blaðsíða 6
6 FréttirINNLENT
MORGUNBLAÐIÐ ÞRIÐJUDAGUR 12. JANÚAR 2010
MARGIR eiga góðar minningar frá göngutúrum við Reykjavíkurtjörn og
þar rifjast gjarnan upp skemmtileg atvik frá liðnum tíma. Hver göngutúr
er líka sérstakur og göngustígarnir í Hljómskálagarðinum gera sitt gagn.
Morgunblaðið/Kristinn
VIÐ REYKJAVÍKURTJÖRN
ALLS voru 207 fasteignir og 441
bíll seld nauðungarsölu hjá sýslu-
manninum í Reykjavík á síðasta
ári. Á árinu 2008 var 161 fasteign
seld á nauðungaruppboðum og
491 bíll.
Alls voru skráðar nauðungar-
sölubeiðnir vegna fasteigna 2.504
á síðasta ári og 1.068 nauðungar-
sölubeiðnir vegna bíla, skv. upp-
lýsingum á heimasíðu embættisins.
Árið 2009 voru 18.211 fjárnáms-
beiðnir skráðar hjá embættinu, en
18.541 árið á undan.
207 fasteignir
í nauðungarsölu
Eftir Ómar Friðriksson
og Hlyn Orra Stefánsson
BRESKA almannatengslafyr-
irtækið Financial Dynamics (FD)
og Andrew Walton starfsmaður
þess, sem vinna að samskiptum við
erlenda fjölmiðla og fjárfesta fyrir
íslensk stjórnvöld, unnu á sínum
tíma fyrir Landsbankann við kynn-
ingu á stofnun Icesave-reikning-
anna í Hollandi og Bretlandi.
„Fjármálaráðuneytið fékk okkur
væntanlega til starfsins vegna
reynslu okkar af þeim fyrirtækjum
sem málið varða, og það gerði okk-
ur kleift að hella okkur strax út í
verkefnin,“ segir Andrew Walton í
samtali við Morgunblaðið. Fyr-
irtækið hefði verið fengið til að
kynna erlendum fjárfestum end-
urreisn íslensku bankanna og það
hefði tekist vel.
Sjálfur segist Walton ekki hafa
unnið að því fyrir Landsbankann
að kynna Icesave, heldur hafi hann
eingöngu verið í tengslum við fjár-
festa. Undir tilkynningum frá
Landsbankanum, þar sem Icesave-
reikningarnir eru kynntir til sög-
unnar, má hins vegar sjá nafn Wal-
tons og símanúmer fyrir þá sem
vilja kynna sér reikningana frekar.
Í svari fjármálaráðuneytisins við
fyrirspurn Morgunblaðsins vegna
málsins segir að FD hafi komið til
starfa fyrir ráðuneytið á grundvelli
góðra meðmæla Hawkpoint, ráð-
gjafarfyrirtækis sem aðstoðaði ís-
lensk stjórnvöld í samninga-
viðræðum við skilanefndir föllnu
bankanna þriggja. Kynning FD á
endurreisn hinna föllnu banka hafi
tekist vel – m.a. verið á forsíðu
Financial Times – og því hafi verið
ákveðið að nýta þjónustu fyrirtæk-
isins áfram í því endurreisnarstarfi
sem eftir er.
„Þegar fjármálaráðuneytið fékk
FD í sína þjónustu var því ekki
kunnugt um fyrri verkefni FD. Þeg-
ar ráðuneytinu var bent á að fyr-
irtækið hefði áður unnið fyrir
Landsbanka Íslands var það rætt
við fulltrúa þess og varð nið-
urstaðan sú að fyrri störf þeirra
fyrir Landsbankann hefðu ekki
áhrif á trúverðugleika vinnu þeirra
fyrir stjórnvöld. Aldrei hefur komið
til þess að þeir fjölmiðlar eða aðrir
sem stjórnvöld hafa átt í sam-
skiptum við hafi gert athugasemd
við að FD starfaði fyrir íslensk
stjórnvöld.
Þegar möguleiki opnaðist á að
forseti Íslands synjaði Icesave-
lögunum samþykkis lá beinast við
að leita til FD með aðstoð við þá
vinnu sem fyrirsjáanleg var ef af
því yrði, enda þekkti fyrirtækið vel
til mála hér á landi,“ segir í svari
ráðuneytisins.
Kynnir ríkið nú en Icesave áður
Fyrri störf Andrews Waltons fyrir Landsbankann vegna Icesave voru ekki talin hafa áhrif á trúverð-
ugleika kynningarvinnu fyrir stjórnvöld Vissu upphaflega ekki um fyrri störf fyrirtækis hans
Morgunblaðið/Golli
Í HNOTSKURN
» Þeim sem vildu kynna sérbetur Icesave-reikningana
var bent á að hringja í Andrew
Walton.
» Í dag vinnur Walton aðsamskiptum við erlenda
fjölmiðla og fjárfesta fyrir ís-
lensk stjórnvöld
SAMFYLKINGIN á Seltjarnar-
nesi gagnrýnir harkalega vinnu-
brögð við hækkun gjaldskrár bæj-
arfélagsins. Að sögn Jóns
Magnúsar Kristjánssonar, for-
manns Samfylkingarinnar á Sel-
tjarnarnesi, hefur hækkunin í
mörgum tilfellum leitt til 40-50%
hækkunar gjalda vegna dagvist-
unar barna á Seltjarnarnesi og
eru leikskólagjöld nú allt að 266%
hærri en í Reykjavík.
„Bæjarstjórn Seltjarnarness
samþykkti gjaldskrárhækkunina á
fundi sínum rétt fyrir jól en
hækkunin tók gildi 1. janúar sl.,“
segir Jón og bendir á að þar sem
mánaðaruppsagnarfrestur sé á
breytingum á vistunartíma hafi
foreldrum verið gert ómögulegt að
breyta strax vistunartíma barna
sinna til að draga úr áhrifum
hækkunarinnar. Segir hann einnig
gagnrýnivert að enginn fagaðili
hafi fengið tækifæri til þess að
gera athugasemd við hækkunina.
Jón gagnrýnir það að bæjar-
stjórn Seltjarnarness skuli ætla að
leggja langþyngstar byrðar á ung-
ar fjölskyldur í stað þess að allir
bæjarbúar leggi sitt af mörkum
eftir tekjum og fjárhag, t.d. í
formi hækkaðs útsvars. „Ég óttast
að ákvörðun bæjarstjórnarinnar
verði til þess að hrekja ungar
barnafjölskyldur úr bænum.“
Gagnrýnir hækkun gjaldskrár
Leikskólagjöld á Sel-
tjarnarnesi langtum
hærri en í Reykjavík
ICELANDAIR
flutti 1,3 milljónir
farþega á nýliðnu
ári og er það 9%
samdráttur frá
árinu á undan.
Einnig var dregið
úr sætaframboði þannig að nýting
var svipuð. Mjög dró úr utanferðum
Íslendinga, en 9% fjölgun varð á
ferðum erlendra ferðamanna til
landsins.
Sætanýting Icelandair í reglulegu
áætlunarflugi var 75% á síðasta ári,
sem er sama sætanýting og 2008 og
svipuð og fjögur undanfarin ár. Fé-
lagið dró hins vegar úr flugframboði
sínu um 9% frá árinu á undan og far-
þegum fækkaði því einnig um 9%, að
því er segir í fréttatilkynningu.
Erlendum farþegum til Íslands
fjölgaði um 9%, þeir fóru úr 40% í
49% allra farþega félagins. Þetta
hlutfall erlendra ferðamanna meðal
farþega Icelandair hefur aldrei ver-
ið svo hátt áður. Íslendingar á leið til
útlanda voru hins vegar um 22% far-
þega Icelandair eftir að hafa verið
31% árið á undan, og fækkaði um
þriðjung milli ára.
Farþegar á leið um Keflavíkur-
flugvöll milli heimsálfanna voru 29%
af heildinni, líkt og 2008.
Farþegum fækkaði
um 9% í fyrra
ORKUBÚ Vestfjarða mun end-
urnýja vél Mjólkárvirkjunar og
byggja þriðju virkjunina, á svæði
fyrir ofan Borgarhvilftarvatn, án
þess að taka langtímalán til fram-
kvæmdanna. Kristján Haraldsson
orkubússtjóri segir að nýja virkj-
unin borgi sig niður á um það bil 25
árum en reiknað er með að vélarnar
verði gangsettar í ár.
Jafnframt hefur verið ákveðið að
endurnýja vélar Mjólkárvirkjunar
með nýrri og mun öflugri 7MW vél
sem reiknað er með að komist í
gagnið haustið 2011.
„Það er komið að endurnýjun
Mjólkárvirkjunar og við teljum of
áhættusamt að draga það,“ segir
Kristján.
Ætlum að eiga fyrir þessu
Áætlað er að nýja virkjunin kosti
um 350 milljónir og heildarfram-
kvæmdir við Mjólkárvirkjun næstu
tvö ár munu kosta um milljarð. „Við
ætlum að eiga fyrir þessu. Hugsunin
er að fara ekki út í langtímalántökur
heldur grípa til aðgerða í rekstri.
Dregið verður úr rekstri og öðrum
framkvæmdum en við virkjunina.
Þetta er gert til þess að við þurfum
ekki að steypa okkur í skuldir,“ segir
Kristján.
„Forsendan fyrir því að við getum
farið út í þessar framkvæmdir nú er
að við höfum verið með þetta gam-
aldags rekstrarfyrirkomulag, að
safna ekki skuldum og eiga fyrir því
sem við gerum. Peningarnir fara þá
ekki í það að greiða afborganir og
vexti af erlendum lánum,“ segir
Kristján. Þá sé gert ráð fyrir að
gjaldskrá fylgi almennu verðlagi.
Framkvæmdirnar munu auka af-
hendingaröryggi raforku á Vest-
fjörðum þó áfram muni skorta á ör-
yggið að sögn Kristjáns.
Byggja virkjun
án lántöku
Framkvæmd sem borgar sig á 25 árum
Morgunblaðið/RAX
Friðaður Fjallfoss í Dynjanda.