Morgunblaðið - 12.01.2010, Blaðsíða 13

Fréttir 13VIÐSKIPTI | ATVINNULÍF
MORGUNBLAÐIÐ ÞRIÐJUDAGUR 12. JANÚAR 2010
Eftir Örn Arnarson
ornarnar@mbl.is
MIKIL fylgni hefur verið á milli
ávöxtunarkröfu bandarískra og
þýskra ríkisskuldabréfa allt frá því
að óróleika tók að gæta á fjár-
málamörkuðum sumarið 2007.
Fylgnin rofnaði við lok síðasta árs,
meðal annars vegna ólíkra hagvaxt-
arhorfa og þeirra leiða sem Evr-
ópski seðlabankinn og sá banda-
ríski hafa fetað að undanförnu.
Samkvæmt Bloomberg-fréttaveit-
unni hefur ávöxtunarkrafa á banda-
rísk ríkisskuldabréf til tíu ára
hækkað tvöfalt meira en sambæri-
leg þýsk bréf frá því í desember.
Krafan á bandarísk og þýsk rík-
isskuldabréf hefur sveiflast í takt
undanfarin ár meðal annars vegna
áhættufælni fjárfesta í leit að
öruggri höfn í fjármálakreppunni.
En eins og fram kemur í umfjöllun
Bloomberg hafa ólíkar hagvaxt-
arhorfur beggja vegna Atlantsála
að undanförnu leitt til þess að fjár-
festar hafa fært sig úr bandarísk-
um skuldabréfum og á sama tíma
hefur eftirspurn eftir þýskum
ríkisskuldabréfum vaxið. Neikvæð
tengsl eru á milli ávöxtunarkröfu
skuldabréfa og verðlagningar
þeirra. Samkvæmt meðaltalsspá
sérfræðinga sem Bloomberg leitaði
til mun hagvöxtur í Bandaríkjunum
nema 2,6% á árinu en verða 1,9% í
Þýskalandi.
Fleira kemur til. Verðbólguvænt-
ingar eru minni á evrusvæðinu en í
Bandaríkjunum, meðal annars
vegna þess að evrópski seðlabank-
inn hefur ekki gengið jafnlangt í að
minnka aðhald í peningamálastefn-
unni og sá bandaríski. Á sama tíma
er útlit fyrir mikinn halla á rekstri
hins opinbera í Bandaríkjunum á
næstu árum en hinsvegar hafa fjár-
festar meiri trú á því að komið
verði böndum á ríkisfjármálin í
Þýskalandi á næstu árum.
Skil á skulda-
bréfamarkaði
Reuters
Ráðherra Tim Geithner mun gefa
út mörg skuldabréf á næstunni.
● FJÁRMÁLAEFTIRLITIÐ hefur veitt
Kaupskilum ehf. leyfi til að fara með
virkan eignarhlut í Arion banka fyrir
hönd þrotabús Kaupþings banka. Er um
að ræða sams konar fyrirkomulag og
vegna meðferðar á eignarhlut Glitnis í
Íslandsbanka. Kaupskil er dótturfélag
Kaupþings, sem ekki var talið geta farið
sjálft með eignarhlutinn, þar sem það
er í slitameðferð.
Fjárhagslegur styrkur Kaupskila skal
tryggður með aðgangi að ákveðinni lág-
marksupphæð lausafjár sem myndar
stofn sem nýta má til að auka hlutafé
Arion til að bregðast við því ef bankinn
mætir verulegu andstreymi í rekstri.
Kaupskil lúta stjórn sem er að meiri-
hluta skipuð stjórnarmönnum óháðum
Kaupþingi, stórum kröfuhöfum og Ar-
ion sjálfum. Er skilanefnd Kaupþings
gefinn kostur á að tilnefna einn fulltrúa
sinn í þriggja manna stjórn Kaupskila,
en hinir tveir, þar með talinn stjórnar-
formaður, skulu vera óháðir. Útnefning
allra stjórnarmanna eignarhaldsfélags-
ins er háð samþykki Fjármálaeftirlits-
ins.
Stjórn Kaupskila fer með atkvæðis-
rétt þann sem Kaupþing öðlast í Arion
og útnefnir stjórnarmenn bankans.
Stefnumiðum eigenda eru settar
skorður með því að áskilja tilteknar
kvaðir á viðskipti við tengda aðila, arð-
greiðslur út úr Arion og sölu hluta í Ar-
ion næstu þrjú ár. bjarni@mbl.is
Fer með eign í Arion
ÞETTA HELST ...
● VÍSITALA skuldabréfa hjá GAMMA,
GAMMA: GBI, lækkaði um 0,31% í gær.
Verðtryggða vísitalan lækkaði um
0,51% og óverðtryggða hækkaði um
0,24%. Heildarvelta skuldabréfa í gær
nam 9,61 milljarði króna, þar af með
verðtryggð 5,9 milljörðum og óverð-
tryggð 3,7 milljörðum.
ivarpall@mbl.is
Skuldabréf lítt breytt
● STJÓRN banda-
ríska bílaframleið-
andans General
Motors segir, að
ekkert liggi annað
fyrir en að loka
sænsku bílaverk-
smiðjunum Saab.
Hefur Reuters-
fréttastofan eftir
Edward Whitacre,
stjórnarformanni
GM að ekkert þeirra tilboða, sem borist
hafi í félagið sé nægilega gott.
Þá segir varaformaður stjórnarinnar
að hagstæðara sé að leggja Saab niður
en taka einhverju tilboðanna. Hann úti-
lokar hins vegar ekki, að farið verði yfir
málið berist hærra boð. Sænsk yfirvöld
hafa neitað að koma þarlendum bíla-
framleiðendum til aðstoðar.
GM telur best að loka
verksmiðjum Saab
Saab GM telur rétt
að hætta með Saab.
● MIKILL áhugi er fyrir skattadegi
Deloitte, sem haldinn er í dag, og sam-
kvæmt upplýsingum frá fyrirtækinu er
orðið uppselt á fundinn, sem hefst
klukkan 8:15 á Grand Hótel í dag.
Fjármálaráðherra, Steingrímur J.
Sigfússon, setur fundinn, en alls verða
haldin fjögur erindi á fundinum. Vil-
hjálmur Egilsson, framkvæmdastjóri
Samtaka atvinnulífsins flytur erindið
„Skattar eða skatttekjur“, Gunnar Eg-
ill Egilsson, lögfræðingur hjá Deloitte,
ræðir um nýjar frádráttarreglur fyr-
irtækja, Ragnar Árnason prófessor flyt-
ur erindi um efnahagskreppu og skatt-
heimtu og þá fjallar Vala Valtýsdóttir,
forstöðumaður skatta- og lög-
fræðisviðs Deloitte, um skattalega mis-
munun eftir rekstrarformum fyrirtækja.
Uppselt á skattadag
Eftir Þórð Gunnarsson
thg@mbl.is
SAMANLAGT virði Iceland Ex-
press og Ferðaskrifstofu Íslands
(FÍ) var 800 milljónir króna í
september síðastliðnum sam-
kvæmt mati fjárfestingabankans
Saga Capital. Þrátt fyrir það
ákváðu kröfuhafar Fons, sem áður
var stærsti eigandi Iceland Ex-
press, ekki að reyna að rifta kaup-
um Fengs, eignarhaldsfélags
Pálma Haraldssonar, á hlut Fons í
Iceland Express í nóvember 2008.
Þau kaup fóru fram með þeim
hætti að hlutafé flugfélagsins var
aukið um 300 milljónir króna og
eignarhlutur Fengs í félaginu
hækkaði í 92,1%. Meirihluti kröfu-
hafa Fons tók þá ákvörðun að
freista þess ekki að fá þeim kaup-
um rift að fengnu verðmati frá
Saga Capital.
Lífsnauðsynlegt rekstrarfé
Í verðmatinu kemur fram að
rekstur Iceland Express hefði
stöðvast ef ekki hefði komið til
hlutafjáraukningar. Aðeins þrem-
ur vikum áður en Fengur lagði
Iceland Express til rekstrarfé,
þann 30. október 2008, sagði Matt-
hías Imsland, framkvæmdastjóri
flugfélagsins, að fyrirtækið væri
„skuldlaust og með sterka eig-
infjárstöðu“. Pálmi Haraldsson,
aðaleigandi Iceland Express, segir
að skuldastaða félagsins hafi
vissulega verið góð á þessum
tímapunkti. Í kjölfar hrunsins hafi
hins vegar birgjar flugfélagsins
krafist staðgreiðslu í viðskiptum,
til að mynda fyrir eldsneyti. Nýtt
rekstrarfé hafi því verið nauðsyn-
legt til að halda rekstrinum áfram.
Fáum vikum eftir að Iceland Ex-
press lenti í þessum vandræðum,
eða 8. janúar 2009, tók félagið yfir
rekstur FÍ, sem að sögn Pálma
Haraldssonar var þá nokkrum
klukkutímum frá því að lenda í
þroti. Skuldir FÍ í árslok 2008
námu tæplega tveimur milljörðum
króna. Félagið hafði verið í mikl-
um vandræðum frá því snemma í
september 2008, og fram að ára-
mótum hafði það fengið samtals
450 milljóna króna lán frá Lands-
bankanum sem var síðan breytt í
hlutafé. Pálmi segir ákveðin sam-
legðartækifæri hafa verið fyrir
hendi með yfirtöku Iceland Ex-
press á FÍ. „Landsbankinn hefði
þurft að taka á sig högg upp á 1,5
milljarða ef ekki hefði verið geng-
ið til samninga við Feng. Að vísu
þurfti bankinn að sætta sig við að
breyta einhverju af skuldum fé-
lagsins í hlutafé,“ segir hann í
samtali við Morgunblaðið.
Segist leggja inn verulegt fé
Pálmi vill ekki gefa upp hversu
mikið fé hann kemur með inn í FÍ
vegna endurskipulagningar fyr-
irtækisins, en tekur fram að um
verulegar fjárhæðir sé að ræða.
Inntur eftir því hvaðan hann hafi
fjármagn til að styrkja rekstur FÍ
svarar Pálmi því að hann njóti
trausts og sé þar af leiðandi fær
um slíkt.
Pálmi með nýtt fé
 Iceland Express á barmi greiðsluþrots í nóvember 2008
 Tók yfir milljarðaskuldir FÍ aðeins fáum vikum síðar
Flugrekstur Í kjölfar bankahrunsins lenti Iceland Express í vandræðum og
rekstur hefði stöðvast ef ekki hefði verið fyrir hlutafjáraukningu.
Í HNOTSKURN
»Samanlagt virði IcelandExpress og Ferðaskrif-
stofu Íslands var metið 800
milljónir króna í september.
»Pálmi Haraldsson segistmunu leggja verulegt fé
inn í Ferðaskrifstofu Íslands
vegna endurskipulagningar.
Föstudaginn
15. janúar
næstkomandi
verður tekið
fyrir mál
þrotabús Ís-
lenskrar af-
þreyingar hf.
gegn Rauðsól ehf. Skiptastjóri Ís-
lenskrar afþreyingar, Friðjón Örn
Friðjónsson, segir í samtali við
Morgunblaðið að þrotabúið krefji
Rauðsól um 160 milljónir króna
vegna kaupanna á 365 miðlum í
nóvember 2008. Þá var samið um
að Rauðsól myndi greiða 1,5 millj-
arða króna fyrir fjölmiðlahluta 365
auk yfirtöku á 4,4 milljarða rekstr-
arskuld. Friðjón segir í samtali við
Morgunblaðið að 25. maí 2009 hafi
Íslensk afþreying og Rauðsól gert
með sér samning um að síð-
arnefnda félagið fengi 160 milljóna
króna afslátt af kaupverðinu, og
greiddi þar með aðeins 1.340 millj-
ónir króna fyrir fjölmiðlahluta 365.
Skiptastjóri krefst þess nú að þeim
samningi verði rift og að Rauðsól
greiði þar með 160 milljónir inn í
þrotabú Íslenskrar afþreyingar,
auk vaxta.
Óvíst um riftun á sölu
Bent hefur verið á að þrotabú Ís-
lenskrar afþreyingar, áður 365 hf.,
kunni að krefjast riftunar á sölunni
á fjölmiðlahluta 365 í heild sinni.
Friðjón segir ekki tímabært að
ræða um hvort af því verði. „Um
mánaðamótin verður haldinn
skiptafundur í þrotabúinu og þá
mun ég gera kröfuhöfum grein fyr-
ir þeim ráðstöfunum sem ég hef
gripið til og leggja til frekari ráð-
stafanir sem möguleiki er að grípa
til. Ég tel ekki tímabært að ræða
það að svo stöddu á opinberum
vettvangi,“ segir hann. thg@mbl.is
Enginn
afsláttur
af 365