Morgunblaðið - 12.01.2010, Blaðsíða 19

Minningar 19
MORGUNBLAÐIÐ ÞRIÐJUDAGUR 12. JANÚAR 2010
Nú er Nonni
frændi minn fallinn
frá. Ég kveð hann
með söknuði enda var
hann alltaf einstak-
lega góður við okkur systkinabörn-
in. Þó að kveðjustundin sé erfið má
þó ekki gleyma að þakka fyrir allar
þær góðu samverustundir sem ég
átti með Nonna. Að heimsækja
Nonna í Borgarnes var alltaf mikið
tilhlökkunarefni. Nonni var sannur
gestgjafi, hann tók ekki á móti
gestum sínum með lúðraþyt og lát-
um heldur bauð hann öllum gestum
að gera heimili sitt að þeirra eigin.
Þar var alls konar skrýtið dót sem
fikta mátti í og aldrei hafði Nonni
áhyggjur af því að það færi illa í
höndunum á okkur óvitunum.
Örlæti Nonna kom svo enn betur
í ljós þegar við systkinin urðum
eldri þá fannst Nonna ekkert sjálf-
sagðara en að skilja fína jeppann
sinn eftir í vist hjá okkur ef hann
var á leið í frí.
Ég minnist sérstaklega þegar ég
varð þeirrar lukku aðnjótandi að fá
að fara í vist til Nonna á sumrin. Sú
vist sló öllum sumarbúðum við og
þar fékk ég að gera ýmislegt sem
ekki var í boði annars staðar. Til
dæmis að horfa á bannaðar bíó-
myndir, nota alls kyns verkfæri
sem börn fengu vanalega ekki að
vinna með og síðast en ekki síst þá
fórum við á lundaveiðar. Lunda-
veiði með Nonna var einstök upp-
lifun enda var Nonni þar í sínu
rétta umhverfi. Ég verð ævinlega
þakklátur fyrir allar minningarnar
og þær munu lifa með mér um
ókomna tíð.
Ásgeir Aðalsteinsson.
Kveðja frá
Bridsfélagi Borgarness
Jón Ágúst Guðmundsson, ágætur
félagi okkar, er fallinn frá langt um
aldur fram. Með fráfalli hans hefur
bridsíþróttin í Borgarnesi misst
einn sinn sterkasta hlekk.
Jón Ágúst lét ekki mikið yfir sér,
ávallt hæglátur, rökfastur og sann-
gjarn og spilaði bæði spil sín og líf-
ið sjálft á þeim nótum. Honum þótti
betra að sigra en tapa en var var-
færinn og hélt vel utan um sitt og
reiknaði hlutina til enda.
Sama var uppi á teningnum á
verkfræðistofunni, til hans var leit-
að af kollegum ef við erfið mál var
að glíma og alltaf fann Jón Ágúst
lausnir.
Hann vann verk sín vel og er sárt
saknað af samstarfsfólki.
Undirritaður átti því láni að
fagna að vera makker hans síðasta
áratuginn eða svo og kynntist Jóni
Ágústi vel. Hann var dulur, en
hafði ákveðnar skoðanir. Jafnframt
var hann viðkvæm sál sem öllum
vildi gott gera en var auðsærður og
bar þá harm sinn í hljóði. Hann var
mjög hreinskiptinn og maður vissi
alltaf hvar maður hafði hann.
Hann átti sterkar rætur suður
með sjó og flest Flugleiðamótin
voru þannig skipulögð að Jón
Ágúst spilaði ekki síðasta leik á
föstudegi eða laugardegi, þá fór
hann í mat til móður sinnar í Kefla-
vík, það var toppurinn sagði hann.
Þeir eru margir sigrarnir sem
þeir Jón Ágúst, Jón Þ. Björnsson
heitinn og Guðjón Yngvi unnu á síð-
ustu áratugum. Oft var glatt á
hjalla og Jón Þ. Björnsson gerði
óteljandi vísur um þá félaga sem
margar eru fleygar í bridshópnum.
Jón Ágúst var mikill áhugamaður
um gæsaveiði og hlakkaði ávallt
Jón Ágúst
Guðmundsson
✝ Jón Ágúst Guð-mundsson fæddist
í Reykjavík 4. febrúar
1950. Hann andaðist á
Landspítalanum við
Hringbraut 26. des-
ember 2009.
Útför Jóns Ágústs
fór fram frá Keflavík-
urkirkju 8. janúar sl.
mikið til að fá bræður
sína í heimsókn í
þeim erindagjörðum,
einnig fór hann til
rjúpna og eftirminni-
legar ferðir með
Rúnari, Guðjóni
Karls og Unnsteini í
lunda.
Þá var eins gott
fyrir lundann að vera
ekki mikið í lágflugi!
Hann hafði líka
gaman af að renna
fyrir fisk og við fórum
síðustu tvö ár brids-
hópurinn í Flókadalsá í Fljótum í
Skagafirði í ógleymanlegar ferðir. Í
haust sá nokkuð á Jóni heilsufars-
lega og hann talaði um að hann
þyrfti að gera eitthvað í sínum mál-
um.
Ekki grunaði okkur þó að stutt
væri í að kallið kæmi, en 4. des. átti
ég samtal við hann og þá sagði
hann mér að hann væri búinn að
teikna stækkun á íbúðarhúsið og
ætlaði að stækka það á næsta ári.
Ég spurði hann til hvers og hann
sagði: „Bara til að leika mér og
hafa eitthvað skemmtilegt fyrir
stafni.“ Jafnframt sagðist hann
myndu vilja fara að spila meira. Því
miður kemur ekki að því að sinni.
Jón Ágúst lést á jóladag.
Með Jóni Ágústi er farinn góður
vinur og drengur góður. Ég veit að
fráfall föður hans á sínum tíma var
honum og allri fjölskyldunni hans
mikið áfall.
Ég veit að hann kveið ekki dauð-
anum og er nú kominn á góðan stað
til föður síns.
Kannski er Jón Þ. Björnsson bú-
inn að gera um hann góða vísu eins
og honum einum var lagið.
Fyrir hönd Bridsfélags Borgar-
ness þakka ég samfylgdina og per-
sónulega þakka ég djúpa, hægláta
vináttu sem aldrei bar skugga á.
Far þú í friði, kæri vinur.
Kristján Björn Snorrason.
Kveðja frá Rótarýklúbbi
Borgarness
Það kom mjög á óvart nú á milli
jóla og nýjárs þegar fregnaðist um
andlát félaga okkar Jóns Ágústs
Guðmundssonar. Um miðjan des-
ember hafði hann gert tímabundið
hlé á störfum á sínum vinnustað til
að gangast undir skurðaðgerð á
sjúkrahúsi. En hér skipaðist veður
fljótt í lofti, svo sannarlega. Jón
Ágúst gekk til liðs við Rótarýklúbb
Borgarness árið 1977, þá ungur
byggingaverkfræðingur, fyrir
nokkru fluttur í Borgarnes og far-
inn að starfa á Verkfræðistofu Sig-
urðar Thoroddsen h.f. Margt ungt
fólk gekk til liðs við klúbbinn á
þessum árum og tók þátt í öflugu
starfi hans. Jón var þar á meðal og
tók þá virkan þátt í félagsstarfinu
og leysti vel af hendi þau störf sem
honum voru falin af klúbbnum.
Við Rótarýfélagar minnumst
hans hvorttveggja sem góðs félaga
og einnig samborgara sem í áratugi
þjónaði samfélaginu hér í gegnum
sitt ævistarf af stakri trúmennsku.
Jón var að eðlisfari nokkuð hlé-
drægur maður, en afar traustur, og
honum var gott að kynnast. Það var
gott að leita til hans með hin ýmsu
úrlausnarefni og hann hafði lag á
að finna einfaldar og góðar lausnir.
Vinnudagur var oft langur og sum-
arfríin ekki alltaf tekin fyrr en tími
vannst til. Það má því segja að ein-
kunnarorð okkar hreyfingar „þjón-
usta ofar eigin hag“ eigi við nú þeg-
ar við kveðjum góðan vin og félaga.
Aldraðri móður og systkinum
Jóns Ágústs sendum við innilegar
samúðarkveðjur.
F.h. Rótarýklúbbs Borgarness,
Guðmundur Þ. Brynjúlfsson,
forseti.
Jón Ágúst Guðmundsson eða
Nonni eins og við kölluðum hann,
var bekkjarfélagi minn og fastur
bridsmakker í tvö ár í Menntaskól-
anum á Laugarvatni (og vorum við
að sjálfsögðu í hópi bestu para).
Þetta var á árunum um og fyrir
1970. Síðan spiluðum við einnig
saman hjá Bridsfélagi Reykjavíkur
í nokkur ár eftir stúdentinn og af
og til eftir það. Jón var frábær
bridsspilari, mikill reikningshaus
og sigursæll eftir því. Hann var
einnig mikill sjentilmaður við
græna borðið. Nonni átti síðar
langan og góðan bridsferil í Borg-
arnesi og spilaði tíðum í úrslita-
keppnum Íslandsmóta.
Tengsl skapast mikil á heimavist.
Fólk umgengst hvað annað meira
og minna allar vökustundir. Þetta á
ekki síst við um bridsspilara. Oft á
tíðum var spilað á hverjum degi,
hverju kvöldi, langt frameftir og oft
um helgar. Menn urðu því nánir
vinir og félagar á miklu mótunar-
skeiði.
Nonni var umgengnisgóður, ljúf-
ur drengur, man varla eftir að hann
skipti skapi, en kíminn allajafna.
Mann einna helst eftir honum með
bros á vör og með pípu. Hann var
glöggur námsmaður. Í stærðfræði
og þess konar fögum stóðu honum
fáir á sporði enda varð hann verk-
fræðingur. Ég þakka það hér að
hann bjargaði stúdentsprófinu
mínu í stærðfræði með því að út-
skýra fyrir mér, umbeðinn, milli
samanbitinna varanna í reykpásu,
við þóttumst vera að horfa á mál-
verk, hvernig ætti að reikna dæmið
sem kom mér upp. Þetta atvik lýsir
Nonna vel. Hann lagði sig í hættu
fyrir vin sinn. Hjálpsamur fram í
fingurgóma. Hann hafði það orð á
sér í starfi sínu í Borgarnesi að
vera alltaf tilbúinn að greiða götu
manna.
Góður félagi er kvaddur.
Góður drengur er genginn.
Nonni var virkilega góð manneskja
og góður vinur. Ég minnist hans
með mikilli hlýju.
Ég sendi móður hans og systk-
inum og öðrum sem hann var kær
samúðarkveðjur.
Baldur Kristjánsson.
✝
Ástkær eiginmaður minn, faðir okkar, tengdafaðir
og afi,
ÁGÚST HILMAR ÞORBJÖRNSSON
fyrrv. útgerðarmaður og skipstjóri,
Hrísbraut 13,
Höfn, Hornafirði,
lést á heimili sínu sunnudaginn 10. janúar.
Útförin fer fram frá Hafnarkirkju laugardaginn
16. janúar kl. 14.00.
Blóm og kransar vinsamlegast afþakkaðir en þeim sem vilja minnast
hans er bent á Slysavarnardeildirnar á Höfn, Björgunarfélag Hornafjarðar,
kt. 640485-0439, reikn. 1147-26-56 eða minningarsjóð Ingibjargar
Guðmundsdóttur.
Halldóra B. Jónsdóttir,
Jón Þorbjörn Ágústsson, Ingibjörg Guðmundsdóttir,
Gísli Karl Ágústsson, Þóra Björg Gísladóttir,
Ólafur Pétur Ágústsson,
Bergþóra Ólafía Ágústsdóttir, Halldór Halldórsson
og barnabörn.
✝
Ástkær eiginmaður, faðir okkar, tengdafaðir, afi og
langafi,
JÓN KORNELÍUS JÓNSSON
úrsmíðameistari,
lést á Landspítalanum í Fossvogi miðvikudaginn
6. janúar.
Útför hans fer fram frá Áskirkju fimmtudaginn
14. janúar kl. 13.00.
Blóm vinsamlegast afþökkuð.
Sigríður Pétursdóttir,
Haraldur Kornelíusson, Íris Ægisdóttir,
Kornelía Kornelíusdóttir, Gísli Árni Atlason,
Pétur Kornelíusson, Gunnhildur Sigurðardóttir,
barnabörn og barnabarnabörn.
Ástkær faðir minn og afi,
BOLLI SIGURHANSSON
rafvirkjameistari,
andaðist sunnudaginn 3. janúar.
Útför fer fram frá Fossvogskirkju miðvikudaginn
13. janúar kl. 15.30.
Sigurhans Bollason,
Hrafntinna Nótt Sigurhansdóttir,
Ragnheiður Björk Sigurhansdóttir,
Björk Önnudóttir.
✝
Elskuleg móðir okkar, tengdamóðir, amma og
langamma,
ERNA RAFN JÓNSDÓTTIR,
verður jarðsungin frá Áskirkju föstudaginn
15. janúar kl. 11.00.
Margrét Theodórsdóttir,
Halldór Jón Theodórsson,
Sigrún Edda Theodórsdóttir
og aðrir aðstandendur.
✝
Elskulegur faðir okkar, stjúpfaðir, tengdafaðir, afi og
langafi,
EYJÓLFUR ARTHÚRSSON
málarameistari,
Sóleyjarima 1,
Reykjavík,
lést á Landspítala Landakoti sunnudaginn
10. janúar.
Arthúr K. Eyjólfsson,
Anna Eyjólfsdóttir,
Felix Eyjólfsson,
Ingimundur Eyjólfsson,
Guðrún Gerður Guðrúnardóttir,
Ásta St. Eyjólfsdóttir,
Óskar Eyjólfsson,
Unnur Úlfarsdóttir,
Þorsteinn Úlfarsson
og aðrir aðstandendur.
✝
Elskulegur eiginmaður minn, faðir okkar, sonur og
tengdasonur,
HALLDÓR BJARNASON
sagnfræðingur,
Fannafold 189,
varð bráðkvaddur á heimili sínu laugardaginn
9. janúar.
Útför verður auglýst síðar.
Elín Hannesdóttir,
Hildur Halldórsdóttir,
Hannes Halldórsson,
Bjarni Halldórsson,
Kristjana Halldórsdóttir,
Hildur A. Bjarnadóttir,
Kristjana Pálsdóttir,
Hannes Flosason.