Morgunblaðið - 12.01.2010, Blaðsíða 28
28 MenningFÓLK
MORGUNBLAÐIÐ ÞRIÐJUDAGUR 12. JANÚAR 2010
Og enn af Söngvakeppni Sjón-
varpsins. Evróvisjón-aðdáendur
eru iðnir við kolann og farnir að
skrá athugasemdir sínar við fyrstu
fimm lögin, á Evróvisjónsíðunni
esctoday. Serkan Boga frá Tyrk-
landi segir: „love you Iceland!! love
you Íris!! (:“ og Laila frá Noregi ját-
ar Ingó úr Veðurguðunum ást sína,
segir í lauslegri þýðingu: „Ef Ingó
væri nú bara í íslensku forkeppn-
inni í ár með lagið frá því í fyrra.
Það var svoooo miklu betra en Jó-
hanna OG sungið á íslensku ... Ingó,
minn Ingó“ og svo bætt við hjarta-
merki. Michael Norway, einnig frá
Noregi, vill þó fá Jóhönnu Guðrúnu
aftur og segir flest lögin bera þess
merki að reynt sé að herma eftir
Jóhönnu Guðrúnu. Eitthvað er það
nú skrítið mat.
Öll kynning á Söngvakeppninni
er til fyrirmyndar hjá Sjónvarpinu
og hreint ágætan undirvef að finna
á vefsíðu RÚV, ruv.is/songva-
keppni. Má þar m.a. finna viðtöl við
keppendur með enskum texta og
myndir og myndbönd af stemning-
unni bak við tjöldin. Áfram Ísland!
Evróvisjón-aðdáendur
fylgjast vel með
Fólk
Sjónvarpskonan og fegurðar-
drottningin Ragnhildur Steinunn
Jónsdóttir og unnusti hennar
Haukur Ingi Guðnason, knatt-
spyrnumaður í liði Keflavíkur og
kennari í sálfræði við Háskóla Ís-
lands, eiga von á sínu fyrsta barni.
Ragnhildur er komin fjóra mánuði
á leið. Ragnhildur stýrir Söngva-
keppni Sjónvarpsins með Evu Mar-
íu Jónsdóttur og fór fyrsta kvöld
undankeppninnar fram laugardag-
inn síðastliðinn. Og ekki er nóg með
það heldur á Eva María einnig von
á barni með unnusta sínum Sigurði
Páli Scheving hjartalækni. Og þær
eru settar með 15 daga millibili.
Ragnhildur er sett í júní en Eva
María í júlí. Til hamingju öll!
Ragnhildur Steinunn
og Eva María óléttar
Eftir Hólmfríði Gísladóttur
holmfridur@mbl.is
BIRGIR Ármannsson þingmaður
tók tvisvar þátt í Gettu betur á
fyrstu árum keppninar með liði
Menntaskólans í Reykjavík.
„Ég var fyrst með 1986 og þá var
eiginlega um að ræða frumkeyrslu
á keppninni. Við komumst í undan-
úrslitin en vorum slegnir út af liði
FB. Svo tók ég mér hlé einn vetur
en keppti aftur 1988,“ segir Birgir
sem fór ásamt félögum sínum með
sigur af hólmi í annarri tilraun.
Liðsfélagar Birgis voru Björn Frið-
geir Björnsson hagfræðingur og
Þorsteinn Davíðsson héraðsdómari
en undirbúningur strákanna var
talsvert ólíkur því sem nú tíðkast.
„Við myndum nú sennilega teljast
frekar kærulausir ef horft er til
þess hvernig undirbúningnum er
háttað í dag. Við eyddum ekki mikl-
um tíma í æfingar, við tókum smá-
rennsli á hraðaspurningum til að ná
upp meiri hraða og til að stilla liðið
betur saman. Miklar æfingar lið-
anna í dag held ég að skili sér
kannski einmitt mest í mun meiri
hraða. Við vorum ábyggilega ekki
eins snöggir og þeir sem best gera í
dag.“
Þrátt fyrir að hafa ekki lagt ofur-
kapp á æfingar og undirbúning var
keppnin engu að síður tekin alvar-
lega. „Okkur fannst heiður skólans í
húfi og vorum auðvitað mjög upp-
teknir af þessu þann tíma sem þetta
stóð yfir en hins vegar hafði ekki
skapast nein hefð í kringum þetta
eða í kringum undirbúninginn. Við
vorum allir uppteknir af öðrum
hlutum á sama tíma þannig að við
vorum ekkert helteknir af þessu.
Hins vegar var keppnin sjálf stór í
okkar huga og mikið á sig leggj-
andi. Ég játa það alveg að það að
vera sleginn úr keppni var mikið
áfall en að sama skapi var auðvitað
mikil gleði í því að vinna.“
Það er fleira en undirbúning-
urinn sem hefur breyst frá því Birg-
ir tók þátt í keppninni en áhugi
manna á henni hefur vaxið ár frá
ári. „Ég held að enginn hafi séð fyr-
ir þá hvernig þetta myndi þróast.
Þetta var til dæmis þannig að jafn-
vel úrslitakeppnin var haldin í mjög
þröngu rými í gamla útvarpshúsinu
við Laugaveg og áhorfendafjöldinn
var mjög takmarkaður, það var
ekki sama stemningin í skólunum
og seinna, þegar hægt var að fylla
heilar íþróttahallir. Það voru und-
ankeppnir í skólunum þar sem verið
var að velja í liðin og mikil þátttaka
í þeim, en ekki svona rífandi stemn-
ing eins og maður hefur séð í seinni
tíð, þar sem mörg hundruð manna
stuðningsmannasveitir mæta með
skipulagðan ærslagang.“
Morgunblaðið/Ómar
Birgir á Alþingi Man vel eftir upphafsárum spurningakeppninnar.
Meiri undirbúningur og
fleiri stuðningsmenn
Keppnin tekin öllu alvarlegar nú en fyrir 24 árum
Eftir Hólmfríði Gísladóttur
holmfridur@mbl.is
ÖRN starfar sem textasmiður hjá
auglýsingastofunni Fíton en hefur
lengi verið mikill áhugamaður um
spurningakeppnir.
– Hvernig kom það til að þú varst
beðinn um að vera dómari?
„Mér er sagt að Þórhallur Gunn-
arsson hafi talað við einhverja af
fyrrverandi dómurum og að þeir hafi
bent honum á einhver nöfn og að
mitt hafi verið eitt af þeim. Ég hef
tekið þátt í spurningakeppninni á
Grand Rokk, bæði sem þátttakandi
og sem spurningahöfundur og ætli
það hafi ekki haft einhver áhrif.“
– Er þetta ekki mikið verk?
„Frá því í haust hef ég verið að
punkta hjá mér og skrifa niður hug-
myndir að spurningum. Þetta er
ansi mikil vinna, þetta eru 15 þættir
í fyrstu umferð, í annarri umferð 8
þættir og svo 7 í sjónvarpinu, þannig
að þetta eru 30 þættir í allt. Í ár er
metþátttaka, 31 skóli sem er skráður
til leiks, en einn skólinn situr hjá í
fyrstu umferð. Þetta eru í kringum
1.500 spurningar sem þarf að semja
og svo hættir maður alltaf við ein-
hverjar og þannig eru þetta í raun
mun fleiri spurningar en það.“
– Og þú þarft að passa þig á að
vera mjög nákvæmur?
„Já, menn taka þetta mjög alvar-
lega og þeir alhörðustu lifa og deyja
fyrir Gettu betur. Maður vill því alls
ekki gera nein mistök, en það er
náttúrulega aldrei hægt að vera
100%. Ég er búinn að reyna að und-
irbúa mig vel og vanda til verka. Svo
er það náttúrulega þannig að dóm-
arinn ræður að lokum og hefur vald-
ið til að skilja á milli lífs og dauða.
Þetta er auðvitað allt í beinni út-
sendingu og það er næstum því óhjá-
kvæmilegt að það verði einhver mis-
tök gerð, hvort sem það er hjá mér
eða einhverjum öðrum.“
– Hefurðu fylgst með Gettu betur
í gegnum tíðina?
„Já, ég hef alltaf haft mjög mikinn
áhuga á svona spurningaleikjum og
keppnum. Ég horfi nú eiginlega
bara á allar þær spurningakeppnir
sem ég kemst í og hef alltaf fylgst
með Gettu betur. Ég dáist að þess-
um krökkum, hvað þau eru miklir
fróðleiksbrunnar og líka hvað þau
geta svarað hratt, í hraðaspurning-
unum þá stendur úr þeim bunan af
fróðleik um allt og ekkert og þetta er
mjög skemmtilegt. Svo þegar maður
er að semja spurningarnar þá hefur
maður það náttúrulega líka á bak við
eyrað að þetta er skemmtiþáttur og
reynir kannski aðeins að hafa þetta
þannig að fólkið heima í stofu ráði
við eitthvað af þeim. Og það er nátt-
úrulega klassískt að það er auðveld-
ara að vita hlutina heima í stofu. Þá
heyrist oft „ja, þetta er nú auðvelt“
eða „þetta ættu allir að vita.““
– (blaðamaður spyr nokkurra sak-
lausra spurninga um spurningarnar
en Örn víkur sér fimlega undan því
að svara) Þú gefur ekkert upp?
„Þeir alhörðustu reyna eflaust að
kortleggja spurningahöfundinn
þannig að maður reynir að passa
sig.“
Morgunblaðið/RAX
Örn Úlfar „Þeir alhörðustu reyna eflaust að kortleggja spurningahöfundinn þannig að maður reynir að passa sig.“
1.500 spurningar
Fyrsta umferð Gettu betur hófst á Rás 2 í gærkvöldi Örn Úlfar Sævarsson
er nýr spurningahöfundur og dómari og tekur starfið mjög alvarlega
Spurningakeppni framhaldsskól-
anna var fyrst haldin árið 1986.
Fjöldi þeira skóla sem taka þátt
hefur aukist jafnt og þétt en nú er
31 skóli skráður til leiks og er það
metþátttaka.
Lið Menntaskólans í Reykjavík
er það lið sem hefur oftast hamp-
að titlinum eða 15 sinnum. Sigur-
ganga þeirra var óslitin frá 1993 til
2004 þegar Verzlunarskólinn hafði
af þeim hljóðnemann. Aðeins einn
annar skóli hefur unnið oftar en
einu sinni en það er Menntaskól-
inn á Akureyri.
Fyrstu og annarri umferð er út-
varpað á Rás 2 en 8 liða úrslit eru
sýnd í sjónvarpinu og hafa Gettu
betur þættirnir jafnan fengið mjög
mikið áhorf.
Fyrsti þátturinn er á dagskrá 13.
febrúar næstkomandi.
Aldrei fleiri lið skráð til þáttöku á 24 árum