Morgunblaðið - 04.02.2010, Side 2

2 FréttirINNLENT
MORGUNBLAÐIÐ FIMMTUDAGUR 4. FEBRÚAR 2010
NI
©
IL
V
A
Ís
la
n
d
20
10
einfaldlega betri kostur
laugardaga 10-18 sunnudaga 12-18
mánudaga - föstudaga 11-19 s: 522 4500 www.ILVA.is
NULÚT ÖS
LÝKUR SUNNUDAGINN
7. FEBRÚAR
YFIR 1000 VÖRUNÚMER
Á LÆKKUÐU VERÐI
Morgunblaðið Hádegismóum 2, 110 Reykjavík. Sími 5691100 Fréttir ritstjorn@mbl.is Fréttastjórar Sunna Ósk Logadóttir, sunna@mbl.is Sigtryggur Sigtryggsson, sisi@mbl.is Viðskipti vidsk@mbl.is
Ívar Páll Jónsson, fréttastjóri, ivarpall@mbl.is Menning menning@mbl.is Umræðan | Bréf til blaðsins Guðlaug Sigurðardóttir, ritstjórnarfulltrúi, gudlaug@mbl.is Minningar mbl.is/sendagrein, Arnór
Ragnarsson Íþróttir sport@mbl.is Sigurður Elvar Þórólfsson, seth@mbl.is Víðir Sigurðsson, vs@mbl.is mbl.is netfrett@mbl.is Guðmundur Sv. Hermannsson fréttastjóri gummi@mbl.is
Norska skrefinu fagnað
 Formaður fjárlaganefndar segir stefnubreytingu norsku stjórnarinnar ekki
breyta eðli Icesave-málsins  Sigmundur Davíð segir Finna standa með Íslandi
Eftir Hlyn Orra Stefánsson
og Baldur Arnarson
„VIÐ [í stjórnarflokkunum] höfum alltaf talið að
sú aðstoð sem við fáum hjá Alþjóðagjaldeyris-
sjóðnum eigi að vera óháð Icesave-málinu,“ segir
Guðbjartur Hannesson, þingmaður Samfylkingar
og formaður fjárlaganefndar, um þá stefnubreyt-
ingu Norðmanna í Icesave-málinu að lán Norður-
landanna skuli óháð afgreiðslu þess, líkt og endur-
skoðun annarrar áætlunar AGS fyrir Ísland.
Guðbjartur segir afstöðu Norðmanna þó eina og
sér ekki breyta eðli málsins. Um erfiða milliríkja-
deilu sé að ræða sem brýnt sé að ljúka sem fyrst.
Sigmundur Davíð Gunnlaugsson, formaður
Framsóknarflokksins, segir tíðindin ekki koma á
óvart, þau séu í samræmi við það sem framsókn-
armenn fengu að heyra í tíðræddri Noregsferð.
Hann hafi átt símafund með Matti Vanhanen,
forsætisráðherra Finnlands, fyrir skömmu, þar
sem fram hafi komið greinilegur stuðningur við
málstað Íslands. Öðru máli gegni um Dani.
Vandamálið í Danmörku og Svíþjóð
„Þeir segja okkur að Finnar séu okkur velvilj-
aðir en að vandamálið sé hins vegar í Svíþjóð og
Danmörku, og ekki síður meðal embættismanna í
þeim löndum heldur en stjórnmálamanna.“
Bjarni Benediktsson, formaður Sjálfstæðis-
flokksins, kveðst hafa fundið í samskiptum við
starfsbræður sína á Norðurlöndunum að þörf væri
á betri útskýringum á málinu. Starfsbræðurnir
hafi hins vegar séð, þegar málið hafi verið útskýrt
fyrir þeim, að rétt og sanngjarnt sé að tengja end-
urskoðun hjá AGS ekki við afgreiðslu Icesave. „Ég
hef aldrei viljað trúa því fyrr en í fulla hnefana að
Norðurlöndin myndu ekki standa með okkur.“
Ögmundur Jónasson, þingmaður VG, segir tíð-
indin bæði gleðileg og mikilvæg. „Þetta er það sem
ég alltaf þóttist vita að þegar umræðan er opnuð til
almennings erlendis og hættir að vera fárra
manna tal í leynd þá breytist allt.“
BJARNI Bene-
diktsson, formað-
ur Sjálfstæðis-
flokksins, segir
sér ekki hafa ver-
ið kunnugt um að
meðal þess sem
eignarhaldsfélag-
ið Vafningur lagði
fram sem trygg-
ingar vegna láns
frá Glitni, voru
eignir keyptar með fé úr bótasjóði
Sjóvár og seldar Vafningi.
DV hefur undanfarna daga og vik-
ur sagt fréttir af meintum tengslum
Bjarna við viðskipti Vafnings sem
eru til rannsóknar hjá sérstökum
saksóknara. Í Kastljósviðtali í gær-
kvöldi voru þessi viðskipti til um-
ræðu og var Bjarni spurður út í
tengsl hans við þau.
„Mín aðkoma er nákvæmlega
þessi: að fara niður í Glitni með um-
boð frá hluthöfum í þessu félagi, og
veita Glitni tryggingar fyrir láni sem
Glitnir var að veita Vafningi,“ sagði
Bjarni. „Aðra aðkomu hafði ég ekki
að málinu, tók ekki þátt í samningum
við Glitni um lánveitinguna og hafði
ekki á þessum tíma fulla yfirsýn yfir
það hvaða eignir voru í Vafningi.“
Hann hafi því ekki tekið ákvörðun
um að byggingar í Makaó og breskar
verslanir, sem keyptar voru fyrir fé
úr bótasjóði Sjóvár, yrðu lagðar
fram sem hluti tryggingar.
Þá benti hann á að félög eða gern-
ingar sem hann hafði aðkomu að
væru ekki til rannsóknar, heldur
meðferð bótasjóðs Sjóvár og kaup
tryggingafélagsins á áðurnefndum
eignum. „Ég hafði ekkert með þau
kaup að gera og var ekki í stjórn Sjó-
vár og ætla ekki að taka á mig
ábyrgð fyrir það sem gerðist þar.“
Vissi ekki hvað
var til tryggingar
Bjarni ræðir um aðkomu að Vafningi
Bjarni
Benediktsson
„ÉG myndi svo
sannarlega lýsa
þessu sem óvenju-
legu tilviki. Þeir
sem sniðganga
slíka fundi á ferð
sinni um Brussel
eru jafnan
einræðisherrar
frá Mið-Asíu. Því
myndi ég án efa
halda að evr-
ópskur þjóðhöfðingi eða forsæt-
isherra myndi alla jafna mæta á fundi
með blaðamönnum eftir fundi með
Barroso,“ segir Toby Vogel, blaða-
maður hjá European Voice, systurriti
Economist.
Vogel lét aðspurður þessi orð falla
eftir að ljóst varð að Jóhanna Sigurð-
ardóttir forsætisráðherra myndi ekki
gefa kost á viðtali að loknum fundi
með forseta framkvæmdastjórnar
Evrópusambandsins í dag. En Georgi
Gotev, ritstjóri ESB-vefjarins Eur-
Activ, staðfesti að einn blaðamanna
sinna hefði fengið þau boð að ekki
yrði af slíkum fundi.
Jóhanna sagði við Morgunblaðið í
fyrradag að ekki væri um leynifund
að ræða og hún myndi gera grein fyr-
ir fundinum að honum loknum.
Undir einstökum ríkjum komið
Inntur eftir því hvort Icesave-málið
kunni að hafa sett strik í aðildarferlið
segir Vogel ljóst að framkvæmda-
stjórnin muni ekki gefa það uppi opin-
berlega. „Málið er að eftir að form-
legu mati framkvæmdastjórnarinnar
lýkur er það undir einstökum aðildar-
ríkjum komið að ákveða hvenær
aðildarviðræður hefjast. Það er ef til
vill áhugavert í þessu samhengi að
rifja upp að Makedónía hefur verið
formlegt umsóknarríki í hátt í fimm
ár en samt ekki tekist að hefja
aðildarferlið vegna andstöðu eins
aðildarríkis, Grikklands. Þannig að ef
Bretar og Hollendingar kjósa að
leggja stein í götu umsóknarinnar
geta þeir vissulega stöðvað aðild-
arferlið […] Embættismenn hafa tjáð
mér að Icesave-málið sé alvarlegt mál
sem þurfi að leysa áður en Ísland get-
ur færst nær aðild. Vonir stóðu til að
málið yrði leyst áður en formlegu
mati framkvæmdastjórnarinnar lýk-
ur. Ég ætla að málið geti vafist fyrir.“
Óvenju-
legt tilvik
Jóhanna
Sigurðardóttir
Fréttamenn í Brussel
undrandi á að fá ekki
fund með Jóhönnu
UNGLINGAR fylgjast spenntir með hljómsveit-
inni Agent Fresco á árlegu hátíðinni Kærleikar í
Laugardal. Hátíðin er samstarfsverkefni þriggja
skóla, Langholtsskóla, Vogaskóla og Laugalækj-
arskóla, og þriggja félagsmiðstöðva, Þrótt-
heima, Buskans og Laugó. Eru það unglingarnir
sjálfir sem skipuleggja hátíðina og sjá um alla
umgjörð. Þá hefur lag verið samið og barm-
merki hönnuð í tengslum við hátíðina.
Unglingar í Laugardal skipuleggja tónleika og ball á hverju ári
Kærleiksríkir unglingar í Laugardal
Morgunblaðið/Gollif
SKRIÐUR er
kominn á kjara-
viðræður vegna
starfsmanna hjá
álveri Norðuráls
á Grundartanga
skv. upplýs-
ingum Verka-
lýðsfélags Akra-
ness. 8 fundir um
nýjan kjara-
samning hafa
verið haldnir hjá ríkissáttasemjara.
Í umfjöllun á heimasíðu verkalýðs-
félagsins segir að lítið sé byrjað að
ræða launaliðina. Formaður verka-
lýðsfélagsins kynnti fyrir samn-
inganefnd Norðuráls launasam-
anburð á launum Norðuráls, Elkem
Ísland og Alcan. „Formaður hefur
tjáð forsvarsmönnum Norðuráls að
Verkalýðsfélag Akraness muni ekki
skrifa undir nýjan kjarasamning
fyrr en leiðrétting hefur farið fram
á launakjörum starfsmanna Norð-
uráls til samræmis við launakjör áð-
urnefndra verksmiðja. Frá þessari
kröfu mun félagið ekki hvika.“
Ætla ekki að hvika
frá kröfu um
leiðréttingu launa
Kjaradeilan er
óleyst á Grundar-
tanga.