Morgunblaðið - 04.02.2010, Blaðsíða 14
14 FréttirERLENT
MORGUNBLAÐIÐ FIMMTUDAGUR 4. FEBRÚAR 2010
Ljósmynd/Dan Johnson
Stolt David Square, sem skrifaði bók um Fálkana, og Greg Selinger, for-
sætisráherra Manitoba, minna á hverjir ruddu brautina, þegar hlaupið var
með ólympíukyndilinn um Winnipeg á dögunum.
FRÉTTASKÝRING
Eftir Steinþór Guðbjartsson
steinthor@mbl.is
AÐSTANDENDUR Fálkanna frá
Winnipeg í Kanada, fyrstu heims- og
ólympíumeistara sögunnar í íshok-
kíi, hafa brugðist harkalega við
rangfærslum blaðsins Vancouver
Sun þess efnis að Fálkarnir hafi ekki
verið fyrstu ólympíumeistararnir.
Þeir hafa meðal annars hafið fjár-
söfnun vegna fyrirhugaðra auglýs-
inga um hið gagnstæða í öðrum fjöl-
miðlum í Vancouver í tengslum við
Vetrarólympíuleikana, sem verða
þar síðar í mánuðinum.
Allir leikmenn Fálkanna að einum
undanskyldum áttu rætur að rekja
til Íslands. Íshokkí var í fyrsta sinn
keppnisgrein á Ólympíuleikum, þeg-
ar þeir voru haldnir í Antwerpen í
Belgíu 1920. Fálkarnir kepptu fyrir
hönd Kanada og urðu ólympíu-
meistarar. Toronto Granites endur-
tók leikinn fyrir hönd Kanada í
Frakklandi fjórum árum síðar.
Opinber staðfesting
Lengi héldu ýmsir í Toronto og
nágrenni því fram að leikmenn To-
ronto Granites hefðu verið fyrstu ól-
ympíumeistararnir, því vetrarleikar
hefðu ekki byrjað fyrr en 1924. Þeg-
ar íshokkíyfirvöld í Kanada tóku
undir þetta í aðdraganda vetraról-
ympíuleikanna í Salt Lake City 2002
brugðust aðstandendur Fálkanna
við með þeim árangri að það var op-
inberlega viðurkennt að Fálkarnir
hefðu verið fyrstu meistararnir og
rutt brautina. Þessu til staðfestingar
lék kanadíska landsliðið í eftirlík-
ingu af treyjum Fálkanna í fyrsta
leik keppninnar það árið.
Síðan 2002 hefur Fálkanna verið
minnst með margvíslegum hætti og
þess gjarnan getið að þar hafi farið
fyrstu ólympíumeistarar sögunnar í
íshokkíi. Hins vegar brá svo við fyrir
skömmu að Vancouver Sun sagði að
gull Fálkanna væri ekki hluti af op-
inberu gullsafni Kanada á Ólympíu-
leikum vegna þess að það hafi unnist
á sumarleikum en ekki vetrar-
leikum.
Brian Johannesson og kona hans
Carole voru fulltrúar Fálkanna í hófi
kanadísku ólympíunefndarinnar
þegar Fálkarnir voru teknir inn í
frægðarsetrið sumarið 2008, en einn
helsti leikmaður Fálkanna, Konnie
Johannesson (Konráð Jóhannesson),
var faðir Brians. Hann hefur hrund-
ið af söfnun til að auglýsa Fálkanna
á Vetrarólympíuleikunum í Vancou-
ver og reyna þannig að stöðva rang-
færslurnar í eitt skipti fyrir öll.
Aðstandendur Fálkanna í sókn
Enn vegið að gullverðlaunahöfunum í íshokkíi á Ólympíuleikunum í Antwerpen í Belgíu 1920
Hafa hrundið af stað söfnun til að auglýsa staðreyndirnar um árangur liðsins í eitt skipti fyrir öll
Fálkarnir frá Winnipeg í Kanada
eru einu íþróttamennirnir af ís-
lenskum uppruna sem hafa unnið
til æðstu verðlauna á Ólympíu-
leikum og enn er verið að reyna
að hafa það af þeim.
Eftir Steinþór Guðbjartsson
steinthor@mbl.is
NÝLIÐINN janúar var sá kaldasti í Danmörku í
23 ár og spáir danska veðurstofan að kuldakastið
haldi áfram í febrúar og mars vegna kalds lofts frá
Rússlandi og Síberíu.
Meðalhitinn í Danmörku í janúar var -3,5 gráð-
ur á Celsíus og gerir veðurstofan ráð fyrir svipuðu
frosti að meðaltali í þessum mánuði en ætlar að
frostið verði um tveimur gráðum minna að meðal-
tali í mars.
Um 300 strandaglópar
En það er ekki aðeins kuldinn, sem hefur gert
fólki í Danmörku lífið leitt að undanförnu. Í fyrri-
nótt voru um 300 strandaglópar á Kastrup-
flugvelli vegna mikillar snjókomu á þriðjudag. Á
tímabili var aðeins ein flugbraut í notkun og varð
að vísa mörgum flugvélum til Sturup-flugvallarins
við Malmö í Svíþjóð.
SAS varð að aflýsa um 50 flugferðum. Reynt
var að gera vel við farþegana, sem komust hvorki
lönd né strönd, og þeim útveguð teppi til að breiða
yfir sig um nóttina og gefið vatn að drekka. Søren
Hedegaard, upplýsingafulltrúi Kastrup-flug-
vallar, sagði við fréttavef Jyllands-Posten að
ferðalangarnir hefðu sýnt ástandinu á flugvell-
inum mikinn skilning, en ástandið hefði smátt og
smátt færst í eðlilegt horf í gær, þrátt fyrir seink-
anir.
Skafrenningur í gær olli víða ófærð. Miklar
seinkanir urðu á lestarferðum til Kaupmanna-
hafnar og almenn umferð gekk ekki sem skyldi.
Sums staðar, eins og til dæmis í Salling, Mors
og Thy, var íbúum ráðlagt að vera heima í gær og
í Skive, Thisded og Morsø var fólk varað við því að
aka um á bílum nema nauðsyn bæri til. Margir
bílar voru fastir í sköflum og margir vegir, eink-
um á fámennari stöðum, lokuðust. Reynt var að
halda aðalbrautum opnum en umferðin var víða
hæg.
Hálka gerði líka ökumönnum lífið leitt í gær.
Víða var varað við við hálkublettum, „svörtum ís“,
einkum í vesturhluta landsins, og kennsla í skól-
um var víða lögð niður.
Áfram kuldakast í Danmörku
Umferð bíla og lesta víða á hraða snigilsins vegna snjókomu og skafrennings
Flugumferð beint til Svíþjóðar og fjölmargir strandaglópar á Kastrup-flugvelli
Morgunblaðið/Kristinn Björn
Vetur Það er kuldalegt í Nýhöfninni.
TALSMENN
Hvíta hússins
hvika í engu frá
ákvörðun Bar-
acks Obama
Bandaríkja-
forseta um að
eiga fund með
Dalai Lama,
andlegum leið-
toga Tíbeta, og
hafna þannig
þrýstingi kínverskra stjórnvalda
um að sniðganga leiðtogann.
Kínversk stjórnvöld gagnrýndu í
gær þá ákvörðun Baracks Obama
Bandaríkjaforseta að ætla að ræða
við Dalai Lama. Talsmaður kín-
verska utanríkisráðuneytisins
sagði í yfirlýsingu að Kínverjar
væru algerlega andvígir hvers kon-
ar viðræðum milli Bandaríkja-
forseta og Dalai Lama. Áður hafði
kínverska stjórnin gagnrýnt harð-
lega þá ákvörðun stjórnar Baracks
Obama að selja Taívan vopn að and-
virði 6,4 milljarða dollara, rúma
800 milljarða króna.
Til stendur að Dalai Lama fari í
10 daga ferð til Bandaríkjanna og
verði í Washington 17.-19. febrúar
en fari síðan til Kaliforníu og Flór-
ída til þess að halda fyrirlestra.
Obama
vill hitta
Dalai Lama
Forseti Barack
Obama tilbúinn.
Kuldakastið í Danmörku hefur haldið mörg-
um innandyra sem lengst en Jyllands-Posten
huggar sig við að það er víða miklu kaldara en
í Kaupmannahöfn og birtir kuldann í 10 köld-
ustu höfuðborgunum.
Astana, Kasakstan -52º C
Ulaanbaatar, Mongólíu -49º C
Minsk, Hvíta Rússlandi -40º C
Ottawa, Kanada -37º C
Helsinki, Finnlandi -33º C
Búkarest, Rúmeníu -32º C
Vilnius, Litháen -30º C
Tallinn, Eistlandi -30º C
Nuuk, Grænlandi -29,5º C
Varsjá, Póllandi -29º C
Víða töluvert
mikið frost í veröldinni
VA LHÖL L BÁSAR
Mjúk kláðafrí ullarnærföt úr 100% Merino ull.
100% Merino ull sem heldur vel hita á
líkamanum og dregur raka frá húðinni.
fyrir börn fyrir fullorðna
Verð bolur: 5.900 kr.
Verð buxur: 4.700 kr.
Verð bolur: 10.800 kr.
Verð buxur: 9.500 kr.
Kláð
afrí
ull
Kláð
afrí
ull
SPÓI
Góð 100% Merino ullarnærföt sem halda
barninu þurru og hlýju.
fyrir ungbörn
Verð bolur: 3.300 kr.
Verð buxur: 2.900 kr.
Kláð
afrí
ull