Ísfirðingur - 07.06.1974, Blaðsíða 4
MENNTASKOLINN ISA-
FIRÐI-30 STÚDENT-
AR BRAUTSKRÁÐIR
MENNTASKÓLANUM á ísafirði var slitið á annan í hvíta-
sunnu, þann 3. þ.m. Þá voru brautskráðir fyrstu stúdentarnir
frá skólanum, 30 talsins, þar af 6 stúlkur og 24 piltar. Einn
af piltunum var utanskóla. Hæstu einkunn við stúdentspróf
hlaut Halldór Jónsson, Engjavegi 14 ísafirði.
Við skólaslitin flutti menntamálaráðherra, Magnús Torfi
Ólafsson, ávarp og skólameistarinn, Jón Baldvin Hannibals-
son, flutti ræðu og gerði grein fyrir starfi skólans. Hann
afhenti stúdentunum prófskírteini og verðlaun.
Bæjarstjórinn á ísafirði afhenti verðlaun úr sjóðnum sem
stofnaður var á 100 ára afmæli kaupstaðarins. Halldór Jóns-
son, nýstúdent, flutti kveðjur frá nemendum skólans.
í upphafi skólaslitasamkomunnar lék tríó sem í voru þeir
Jónas Tómasson, tónskáld, séra Gunnar Björnsson og Jakob
Hallgrímsson, kennari. í lok samkomunnar söng Sigríður
E. Magnúsdóttir, söngkona, við undirleik Ölafs Vignis Al-
bertssonar.
TÓNLISTARSKÓLINN ÍSAFIRÐI
Tónlistarskólinn á ísaiirði
hélt 26. vorhljómleika sína í
Alþýðuhúsinu á ísalirði
þriðjudaginn 28. og miðviku-
daginn 29. maá s.l. Um 70
nemendur skólans komu fram
á hljómleikunum. Flestir nem-
endanna léku á pícuió, en
einnig á fiðlu, flautu, gítar,
klarinett, trompet og horn.
Einnig var samieikur 5 nem-
enda, léku 4 nemendur á
klarinett og 1 á horn. Undir-
leikari var Ólafur Kristjáns-
son. Þá lók hljómsveit skól-
ans, sem er skipuð kennurum
og nemendum, á strengja-
hljóðfæri og flautur. Voru
hljómleikarnir að venju mjög
ánægjulegir.
Lokahátíð Tónlistarskólans
og skólaslit fóru svo fram í
Alþýðuhúsinu laugardaginn 1.
þ.m. og hófst með ávarpi
skólastjórans Ragnars H.
Ragnar. Þá lék hljómsveit
skólans, sem skipuð er kenn-
urum og nemendum, eins og
að ofan segir. Næst léku 5
nemendur skólans á píanó,
fiðlu og klarinett. Þrír þess-
ara nemenda þau Margrét
Gunnarsdóttir, Kristján G.
Jóhannsson og Halldór Jóns-
son luku stúdentsprófi frá
Menntaskólanum á ísafirði nú
í vor og höfðu þau tónlistar-
nám sem valgrein. Hinir
tveir nemendurnir sem léku
á lokahátíðinni voru þau Guð-
rún Bjarnveig Magnúsdóttir
og Kristinn J. Níelsson, bæði
mjög efnilegir nemendur. Þá
fór fram samleikur 5 nem-
enda á klarinett og horn.
Skólastjórinn afhenti verð-
laun og Gunnlaugur Jónasson
flutti ræðu. Að lokum var
samleikur þriggja kennara.
Jónas Tómasson lék á flautu,
Jakob Halligrímsson á fiðlu
og séra Gunnar Björnsson á
selló.
TÓNLEIKAR
Á VEGUM Tónlistarfélags ísafjarðar hélt Sigríður E. Magn-
úsdóttir, söngkona, tónleika í Alþýðuhúsinu á ísafirði mið-
vikudaginn 5. þ.m. með aðstoð Jónasar lngimundarsonar,
píanóleikara. Hún söng lög eftir innlenda og erlenda höf-
unda.
Söngur Sigríðar var alveg frábær og henni var að verð-
ieikum mjög vel tekið af þakklátum áheyrendum. Hún söng
nokkur aukalög.
Jónas Ingimundarson er löngu þekktur sem mjög góður
píanóleikari.
„Piltur og stúlku”
Laugardaginn 8. júní frum-
sýnir Litli Leikklúbburinn
leikritið „Pi'lt og stúlku". Er
óþarfi að fara mörgum orðum
um persónur leikritsins, svo
þekktar sem þær eru.
f tilkynningu frá Litla Leik-
klúbbnum segir að fimm sýn-
ingar verði á ísafirði, þ.e.
frumsýning á laugardag 8.
júní, og síðan sunnudag, mið-
vikudag, fimmtudag og föstu-
dag.
Sýningar hér á ísafirði
verða ekki fleiri vegna Fær-
eyjaferðar L.L., sem hefst 19.
júní og stendur í tæpa 10
daga. Leikritið verður sýnt í
Þórshöfn og Klakksvík.
Færeyjaferðin er önnur ut-
anlandsför klúbbsins.
Árið 1970 var farið með
„Táp og fjör“ til Svíþjóðar.
í báðum tilfellum hefur
klúbburinn notið velvildar og
fjárstyrks frá Norræna
Menningarmálasjóðnum.
Nokkrar rdðleggíngar til þess
að spara
MEÐ einföldum ráðstöfunum
getur hver sem er sparað
kyndingarkostnað og orku,
með því að taka til greina
eftirfarandi:
Þeir sem hita upp hýbýli
sín með miðstöðvarhita, geta
þegar gert eftirfarandi ráð-
stafanir til sparnaðar:
— Lækka lofthita í her-
bergjum. (1° hitastigs lækk-
un, spara ca. 6% orku).
— Ofna í lítið sem ekkert
notuðum herbergjum má
minnka niður eða jafnvel loka
alveg fyrir þá. (ath. með
frosthættu).
— Lækka uppblöndunar-
hitastig vatnsins um 20—25°
C, um nætur cg neita sér um
snögga upphitun næsta morg-
un.
— Lækka verulega hitastig
í byggingum þar sem eru
skrifstofur cg aðrir vinnustað-
ir, um helgar og frídaga.
Jafnvel að stöðva kynditæki.
(ath. með frosthættu).
— Stjórna herbergishita
með því að stilla ofnkrana,
en ekki með því að opna
glugga.
orku
-— Loka óþéttum gluggum
á nóttunni.
— Hylja ekki ofna með
síðum gluggatjöldum.
— Nýta sólarhita á sólar-
dögum cg minnka rennsh að
ofnum, eða jafnvel að loka
alveg fyrir þá.
Eftirfarandi ætti ekki að
gleymast:
— Láta hreinsa miðstöðv-
arketilinn reglulega.
— Láta yfirfara olíubrenn-
arann, að minnsta kosti einu
sinni á ári, cg stilla hann á
bestu nýtni. (móttakið mæl-
ingarskýrslu).
— Látið einangra óeinangr-
aðar og gera við skemmda
einangrun á leiðslum.
Leitið ráða fagmanns um
eftirfarandi:
— Hvort ekki sé mögulegt
að setja hitastillta ofnkrana
á ofna, til þess að auka þæg-
indi cg sparnað. (hægt að
setja þá við hvenær sem er).
— Hvort það vanti ekki
sjálfvirka stillingu á hita-
kerfið.
— Hvort ekki sé hægt að
auka nýtni hitakerfisins með
því að nota ketil eða brenn-
ara, sem smíðaðir eru eftir
nýjustu kröfum um nýtni.
— Hvort byggingin sé
nægilega einangruð gegn hita-
tapi, ef ekki þá hvernig sé
hægt að einangra betur, með
sem minnstum kostnaði.
■—- Hvort veggir, loft eða
gólf sem liggja að óupphituð-
um herbergjum, séu nægilega
einangruð. (t.d. háaloft).
Sparnaðar ráðleggingar
vegna heitavatnskerfis:
Það er einnig auðvelt að
spara orku í notkun á heitu
vatni.
— Eyðið ekki heitu vatni
í óþarfa.
—- Stiillið hitastig heita-
vatnsins strax með blöndun
eða setjið upp sjálfvirk blönd-
unartæki. (mögulegt eftirá).
— Stöðvið hringrásardælu
eða lokið fyrir hringrás heita-
vatnsins um nætur. (helgar-
ferðalög).
— Einangrið óeinangraðar
leiðslur og gerið við skemmda
einangrun.
Fjárfesting sem af þessum
ráðleggingum leiðir, borgar
sig upp á skemmri tíma, en
nokkurn grunar.
Gunnar Örn Gunnarsson.
Orlof
húsmœðra
ORLOFSDVÖL húsmæðra á
Sambandssvæði vestfirskra
kvenna, er ákveðin í Reykja-
nesi, dagana 25. júní tál 2.
júlí n.k.
Umsóknir berist fyrir 15.
júní n.k.
Farið verður með Djúpbátn-
um, þriðjudaginn 25. júní kl.
8 árdegis.
Einnig verður hægt að
koma nokkrum konum í or-
lofsdvöl að Húsmæðraskólan-
um á Staðarfelh, dagana 20.
til 26. júní n.k. Umsóknir um
þá dvöl berist fyrir 10. júní
n.k.
Umsækjendur gefi sig fram
við einhverja af eftirgreind-
um konum: Guðrúnu Vigfús-
dóttur, sími 3286, Unnur
Gísladóttir, sími 3203, báðar
á ísafirði, Kristjana Hjartar-
dóttir, sími 3637, Hnífsdal,
og veita þær allar upplýsing-
ar.
Orlofsnefnd ísafjarðar
og Inn-Djúps.
7. Áslaug Jensdóttir
9. Ólafur E. Ólafsson
Framboðslistinn
Framhald af 1. síðu.
8. Bárður Guðmundsson
10. Halldór Kristjánsson