Ísfirðingur - 17.05.1975, Blaðsíða 1

Ísfirðingur - 17.05.1975, Blaðsíða 1
Iftpf BLAÐ ?ZAM$OKNAJ?MANNA / l/ESTFJARÐAK/ORDAIM/ 25. árgangur. Isafirði, 17. maí 1975. 11. tölublað. Fundur um landsmál og héraismál á Bíldudal Fundur fulltrúa Fram- sóknarfélaganna í Vestur- Barðastrandarsýslu var hald- inn á Bíldudal laugardaginn 10. þ.m. Ásamt fulitrúum félaganna mættu á fundinum þeir Steingrímur Hermanns- son og Ólafur Þ. Þórðarson. Umræðuefni var bæði lands- málin og málefni byggðarlag- anna. Steingrímur talaði um landsmálin almennt og kom víða við. Hann veitti einnig upplýsingar um fjárframlög til héraðsins. Þá talaði hann um samstarfið í ríkisstjórn- inni. Ólafur Þ. Þórðarson ræddi um stöðu Vestf jarða þróunar- lega séð, miðað við landið í heild. Lagði hann sérstaka áherslu á raunhæfar aðgerðir í orkumálunum og þá fyrst og fremst á sviði upphitunar íbúðarhúsnæðis. Vakin var athygli á sameigínlegum kyndistöðvum og einnig því sjálfsagða atriði að leita að jarðvarma á svæðinu. Margir fundarmenn tóku til Steingrímur Hermannsson máls og urðu umræður hinar fjörugustu. Þeir ræddu ýmsa mikilsverða málaflokka og báru fram fyrirspurnir, sem þeir Steingrímur og Olafur svöruðu. Á fundinum kom fram óánægja með það, að Hús- oiafur Þ. Þórðarson næðismálastjórnin fari sér hægt í þeim efnum að notfæra sér heimild í lögum um bygg- ingu ieiguíbúða, sem sveitar- félögin hafa pressað á að yrðu byggðar. Fundarstjóri var Theódór Bjarnason. Sumaráætlun innanlands- flugs Þann 1. mai gekk sumar- áætlun innanlandsflugs Flug- félags íslands í gildi. Áætl- unarf lugið verður með svipuðu sniði og á 6.1. sumri. Til nokk- urra staða f jölgar ferðum. Til ísafjarðar verða tvær ferðir mánudaga, miðviku- daga, föstudaga, laugardaga og sunnudaga, en ein ferð aðra daga. Til Patreksf jarðar verð- ur flogið á mánudögum mið- vikudögum og föstudögum. Heilsufarsrannsóknir á vegum Hjartaverndar í Húsmæðraskólanurn á ísa- firði standa nú yfir, á vegum Hjartaverndar, fjölþættar rannsóknir á fólki á aldrinum 41 til 60 ára. Rannsóknirnar taka til þvagrannsóknar, blóð- rannsóknar, sykurþolspróf- unar, tekið er hjartalínurit, mældur er augnþrýstingur í leit að gláku og gerð eru öndunarpróf. Fólk fær sendan heim spurningalista, sem það á að svara áður en það kemur í skoðun. Við rannsóknirnar starfa þrjár hjúkrunarkonur: Guðrún Gunnarsdóttir, Katrín Arndal og Hrefna Pétursdóttir, svo og Gunnlaug J. Magnúsdóttir, sem er ritari rannsóknar- stöðvarinnar. Læknar stöðvarinnar eru: Stefán B. Matthíasson og Reynir Tómas Geirsson. Stöðin er opin frá kl. 8 til 12 á hádegi. Áætlað er að stöðin starfi í maí, júní og ágúst. Þátttaka í þessari hóp- rannsókn er mjög góð. Til Þingeyrar verða einnig þrjár ferðir í viku á mánu- dögum, miðvikudögum og föstudögum. Á miðvikudögum er Þingeyrarflug í sambandi við flug til Isafjarðar. Milli ísaf jarðar og Akureyrar verð- ur flogið tvisvar í viku, á mánudögum og föstudögum. Eins og að undanförnu eru möguleikar á hringflugi um ísland í áföngum, þannig að farþegar eiga þess kost _ að fara frá Reykjavík til ísa- fjarðar, þaðan til Akureyrar og frá Akureyri til Egilsstaða. Næsti viðkomustaður er Höfn í Hornafirði og þaðan síðan flogið til Reykjavíkur. Við- dvöl er hægt að hafa á öllum þessum stöðum. Tíðar áætlunarferðir bif- reiða verða milli flugvalla og nærliggjandi byggðarlaga í sambandi við innanlandsflug Flugfélagsins. Messað í ísafjarðarkirkju á hvítasunnudagsmorgun kl. 11. Ath. breyttan messutíma. Um orkumál Vestfirðinga Orkuöflun og framtíðar- skipan orkumála á Vestf jörð- um er óumdeilanlega eitt allra mesta hagsmunamál Vestfirð- inga og raunar forsenda fyrir atvinnuöryggi og afkomu íbúa Vestfjarðakjördæmis. Það er því mikils virði að ailir, sem haft geta áhrif á framvindu þessara mála, vinni að þeim af einurð og festu. Fjórðungssamband Vestf irð- inga hefur mikinn áhuga fyrir framtíðarskipan þessara mála og hefur unnið að þeim af framsýni og fyrirhyggju. Á þess vegum hefur verið starf- andi milliþinganefnd um raf- orkumál. Þau atriði sem stjóm Fjórðungssambandsins hefur lagt áherslu á að rædd verði eru m.a.: Að lögð verði raforku- flutningslína, er tengi Vest- firði við aðalorkuveitukerfi landsins. Að virkjuð verði falvötn á Vestfjörðum eftir að athugun hefur farið fram um hag- kvæmni. Að istofnað verði eitt orku- öflunar,— orkuflutnings og orkudreifingarfyrirtæki á Vestfjörðum. Að sveitarfélögin á Vest- f jörðum, sem eiga orkustöðvar leggi þær, ásamt flutnings- og dreifikenfi, fram endurgjalds- laust, umfram áhvílandi skuldir, gegn því að sama gildi um eignir ríkisdns, að uppfylltum ýmsum oðrum skilyrðum. Að þessi sameiginlega orku- veita Vestfjarða eigi og reki, auk raforkuvera og dreifi- kerfis, fjarhitastöðvar ásamt dreifikerfi fyrir heitt vatn, í þéttbýlsstöðum á Vestf jörð- um, og eigi auk þess og reki jarðvármaveitur, þar sem það yrði talinn hagkvæmari kost- ur en framangreindar fjar- hitakyndistöðvar. Á sameiginlegum fundi stjórnar Fjórðungssambands Vestfirðinga og milliþinga- nefndar F.V. í orkumálum, sem haldinn var á ísafirði 11. þ.m., var samþykkt að fela framkvæmdarstjóra F.V. að boða til aukaþings Fjórð- ungssambandsins um orkumál Vestfjarða. Aukaþingið verði haldið eigi síðar en 15. júní n.k. á þeim stað, sem hentug- astur er miðað við samgöngur í fjórðungnum. Dagákrá þingsins verði: 1. Félagsst. Vestfjarðaveitu er annast orkuöflun, flutning og dreifingu á orku á félags- svæðinu í formi raforku eða varma. 2. Stefnumörkun um orku- öflun, orkunotkun og kyndi- stöðvar eða hitaveitur á félagssvæðinu. Eftirfarandi ályktun var einnig samþykkt á fundinum: Fundur í stjórn Fjórðungs- sambandsins og milliþinga- nefnd þess í raforkumálum, hvetur til þess, að lögð verði byggðaliha til Vestf jarða svo fljótt sem verða má. Árnað heilla GUÐBJÖRG TORFADÓTTIR, Stekkjargötu 40 Hnífsdal, er 75 ára á morgun 18. maí. Á afmælisdaginn tekur Guð- björg á móti gestum á heimili sonar síns og tengdadóttur, Holti Hnífsdal.

x

Ísfirðingur

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Ísfirðingur
https://timarit.is/publication/790

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.