Ísfirðingur - 24.07.1975, Síða 1

BMÐ TRAMSOKNAKMANNA /
l/ES 7FJARÐA&/0RDÆMI
25. árgangur.
ísafirði, 24. júlí 1975.
15. tölublað.
Útfærslan í 200 mílur
tekur gildi 15. okt nk.
Útfærsla fiskveiðilögsögu Islands í 200 mílur hefur nú verið
ákveðin og tekur gildi frá 15. október n.k. Var reglugerð um
þessi efni gefin út 15. þ.m. og undiirituð af Matthíasi Bjarna-
syni, sjávarútvegsráðherra, og Jóni L. Arnalds, ráðuneytisstjóra.
Reglugerðin er sett samkvæmt lögum nr. 44 frá 5. apríl 1948,
um vísindalega verndun fiskimiða landgrunnsins, sbr. lög nr. 45
frá 13. maí 1974, og fellur með gildistöku hennar úr gildi reglu-
gerð nr. 189 frá 14. júní 1972, um fiskveiðilandhelgi íslands og
reglugerð nr. 362 frá 4. desember 1973 um breytingu á þeirri
reglugerð.
Ákveðið mun vera, að setja ný lagaákvæði um hagnýtingu
fiskimiðanna innan landhelginnar fyrir næstu áramót,
Ríkisstjómin og stjórnarandstaðan hafa verið einhuga um
tímasetningu útfærslunnar. Málið hefur verið rætt mjög gaum-
gæfilega í landhelgisnefndinni og samráð verið haft við þá, sem
málið snertir sérstaklega.
Með gildistöku umræddrar reglugerðar er allt hafsvæðið út
í 200 mílur frá grunnlínu, allt í kringum landið, lýst lögsögusvæði
íslendinga. Frá 15. október n.k. er því öll veiði erlendra skipa
innan 200 mílna markanna óheimil skv. íslenzkum lögum, nema
til komi heimild íslenzkra stjórnvalda.
Ákvörðunin um útfærsluna í 200 mílur nú er lokamarkið í
stefnu Islendinga, sem mörkuð var með landgrunnslögunum frá
1948, um yfirráð þeirra á lifandi auðlindum á Islandsmiðum.
Niðnrskurður fjurlugu 1975
og 12% gjuld á ýmsur vörur
Að beiðni ríkisstjómarinn-
ar, með stoð í nýlega settum
lögum um ráðstafanir í efna-
hagsmálum, hefur ijárveit-
inganefnd Alþingis að undan-
förnu unnið að tillögum um
lækkun útgjalda á fjárlögum
þessa árs. Nefndin hefur nú
fyrir nokkru skilað tillögum
sínum, sem fela í sér tveggja
milljarða króna lækkun á
fjárlögum 1975. Voru tillögur
þessar samþykktar af meiri-
hluta fjárveitinganefndar, en
fuliitrúar minnihlutaflokkanna
í nefndinni greiddu atkvæði
gegn tillögunum. Sýnir þessi
mæta vel ábyrgðarleysi þeirra
afstaða minnihlutaflokkanna
um fjárhag ríkisins og hvers
af þeim er að vænta í þeim
efnum.
Lögin heimiluðu ríkisstjórn-
inni að lækka fjárveitingar
um al'lt að 3.500 milljónir kr.,
að því tilskyldu að fjárveit-
inganefnd samþykkti skipt-
ingu milli einstakra fjárlaga-
liða, en fjárveitinganefndin sá
sér ekki fært að gera meiri
útgjaldalækkanir.
Til þess að jafna þennan
mun og ná endum saman um
útgjöld og tekjur ríkissjóðs
gaf ríkisstjórnin út bráða-
birgðalög þann 16. þ.m. um
12% tímabundið vörugjald til
ríkissjóðs af innlendri og inn-
fluttri vöru, öðrum en mikil-
vægum neysluvörum og helstu
rekstrarvörum atvinnuveg-
anna. Gildistími laganna er
frá útgáfudegi til næstu ára-
móta.
Auðvitað koma ráðstafanir
eins og þær sem sagt er frá
hér að ofan illa við, þ.e. nið-
urskurður ákveðinna útgjalda
ríkissjóðs til margskonar að-
kallandi framkvæmda, svo og
ný skattlagning, en það væri
á hinn bóginn hreinasta glap-
ræði að hafast ekkert að þeg-
ar fyrirsjáanlegur er stórfelid-
ur reksturshalli á ríkissjóði.
Slík ráðsmennska væri óaf-
sakanleg.
Héraðsmót á Patreksfirði
Héraðsmót Framsóknar-
manna í Barðastrandarsýslu
var haldið í félagsheimilinu á
Patreksfirði laugardaginn 12.
þ.m. Frú Erla Hafliðadóttir
setti héraðsmótið og stjórnaði
því.
Ræðumenn voru Steingrím-
ur Hermannsson, alþingismað-
ur og Ólafur Þ. Þórðarson
skólastjóri. Þeir ræddu um
þjóðmál og málefni kjördæm-
isins og var góður rómur
gerður að ræðum þeirra.
Jón Gunnlaugsson annaðist
skemmtiatriði og var honum
að venju vel tekið. Villi Gunn-
ar og Haukur léku fyrrir
dansi.
Héraðsmótið var fjölsótt og
dansleikurinn var mjög vel
sóttur.
Brynjólfshátíð
Ákveðið hefur verið að
halda hátíðlega 300 ára ártíð
Brynjólfs Sveinssonar biskups
á fæðingarsttað hans í Holti
í önundarfirði. Brynjólfur
andaðist 5. ágúst 1675, en há-
tíðin verður haldin sunnudag-
inn 3. ágúst n.k.
Guðsþjónusta hefst í Holts-
kirkju kl. 14, en að henni lok-
inni verður afhjúpaður minn-
isvarði um Brynjólf Sveins-
son. Lionsklúbbur Önundar-
f jarðar gaf minnisvarðann.
Að lokum verður drukkið
kaffi og þá flutt erindi um
Brynjólf Sveinsson biskup.
Sóknarnefndir í Holtspresta-
kalli sjá um hátíðahöldin.
í íslenskum æviskrám segir
Páll Eggert Ólason m.a. um
Brynjólf Sveinssori: „Til hans
er jafnað um skörungsskap i
biskupastétt í lúterskum sið
á íslandi, stjórnsemi, höfð-
ingsskap og lærdómi, hefui’
enginn maður verið meir virt-
ur en hann í þeirri stöðu.“
STEYPUSTÖÐ Á
ÍSAFIRÐI
VESTTAK hf., sem er nýlega
stofnað fyrirtæki hér á ísa-
firði, hefur að undanförnu
unnið að því að koma á fót
fullkominni steypustöð og er
hún nú tekin til starfa. Geta
nú þeir sem á, steinsteypúefni
þurfa að halda, húsbyggjend-
ur og aðrir, snúið sé til Vest-
taks hf. á ísafirði og fengið
þar steinsteypuefni í fram-
kvæmdir sínar. Fyrirtækið
flytur alveg tilbúna steypu á
byggingarstaði. Fyrirtækinu
er ætlað að þjóna byggðarlög-
unum á norðanverðum Vest-
fjörðum.
Hér er um að ræða mjög
myndarlegt framtak og raun-
ar bráðnauðsynlega þjónustu,
sem húsbyggjendur munu
áreiðanlega kunna að meta.
Þetta er fyrsta steypustöðin
sem starfrækt er á Vestfjörð-
um, en í hinum landsf jórðung-
unum öllum hafa slíkar stöðv-
ar verið starfræktar áður.
Steypustöðin hefur hug á
að kaupa dælupramma til
efnistöku úr sjó, því sam-
kvæmt frumathugunum má
gera ráð fyrir að þar fáist
betra efni til steypugerðar en
völ hefur verið á til þessa.
Rannsóknarstofnun bygg-
ingariðnaðarins segir m.a. svo
um tilkomu steypustöðvarinn-
ar:
„Ég tel að hér sé mikið
þarfamál á ferðinni og lýsi
mig fúsan til þess að taka
þátt í ofangreindum athugun-
um, ásamt eftirliti með fram-
leiðslu stöðvarinnar. Tel ég
ótvírætt að tilkoma steypu-
stöðvar á ísaiirði yrði bygg-
ingarmálum kaupstaðarins og
nærliggjandi byggðarlaga til
mikils framdráttar.“
Undir þetta ritar yfirverk-
fræðingur Rannsóknarstofn-
unarinnar.
Framleiðslustjóri steypu-
stöðvarinnar á ísafirði er Jón-
as Elíasson. Framkvæmda-
stjóri er Jón Þórðarson.