Ísfirðingur - 15.11.1975, Blaðsíða 4

M inningarorð:
Halldór Ólafsson
ritstjóri
SÍÐAST liðinn fimmtudag var
gerð frá ísafjarðarkirkju út-
för Halldórs Ólafssonar, rit-
stjóra á ísafirði, en hann
andaðist í Landakotsspítalan-
um í Reykjavík laugardag-
iiin 1. þ.m.
Hann fæddist að Kaldrana-
nesi í Strandasýslu 18. maí
1902. Þar og víðar í Stranda-
sýslu ólst hann upp með for-
eldrum sínum, Kristínu Jóna-
tansdóttur og Ólafi Gunn-
laugssyni. Til Isafjarðar
fluttist Halldór 16 ára gam-
all, á árinu 1918, og hér átti
hann síðan heima til dánar-
dægurs, að fráteknum nokkr-
um árum, 1936—1943, sem
hann átti heima sunnanlands.
Hann lauk gagnfræðaprófi á
Akureyri 1923.
Snemma fór Halldór að fást
við ritstörf 'og á þeim vett-
vangi að vinna að framgangi
áhugamála sinna. Hann var
ritstjóri Skutuls 1928—1930,
Baldurs 1943—1959 og Vest-
firðings frá 1959 til dánar-
dægurs. Hann var ágætlega
ritfær maður, skrifaði jafnan
málefnalega og greinar hans
voru langoftast skemmtilegar
aflestrar.
Halldór var kjörinn bæjar-
fulltrúi á ísafirði 26. janúar
1958 og átti síðan setu í bæj-
arstjórn fyrir Alþýðubanda-
lagið til 1970. Hann átti um
árabil sæti í bæjarráði og í
ýmsum nefndum bæjarins
starfaði hann lengi. Hann bar
hagsmuni bæjarfélagsins mjög
fyrir brjósti, hann var hrein-
skiptinn og heill í samstarfi.
Að bættum kjörum verka-
fólks vann Halldór mikið og
lengi. Fyrr á árum vann hann
sjálfur almenna verkamanna-
vinnu um árabil. Hann átti
um tíma sæti í stjórn Alþýðu-
sambands Vestfjarða.
Á árinu 1946 var Haildór
ráðinn bókavörður við Bæjar-
og héraðsbókasafn ísafjarðar.
Því starfi gegndi hann þar tii
fyrir um það bil tveimur ár-
um. Hann var maður vel gef-
inn, víðlesinn og fróður.
J.Á.J.
Innan-
tökur
GÖMUL munnmæli og þjóð-
sögur greina frá þvi, að mjólk
úr þrílitum kúm hafi verið
álitin mjög heilsusamleg. Að
neyta mjólkur úr hinum þrí-
litu gripum væri tilvalið ráð
við ýmsum kvillum og þá ekki
hvað síst við innantökum.
Líklega hafa forráðamenn
Vesturlands haft þetta hús-
ráð í huga við endurvakningu
blaðs síns, en Vesturland láta
þeir nú prenta í þremur litum.
Með þessu ætlar Vesturlandið
sjálfsagt að gera síðustu til-
raun til að ráða bót á innan-
tökunum, sem meirihluti bæj-
arstjórnar ísafjarðar hvað nú
vera svo þungt haldinn af.
fByggingalánasjóður
ísafjarðarkaupstaðar
Auglýsing um lún
Byggingalánasjóður ísafjarðarkaupstaðar auglýsir
eftir umsóknum um lán úr sjóðnum.
Tilgangur sjóðsins er sá, að styrkja einstaklinga,
búsetta á ísafirði til þess að koma sér upp íbúðar-
húsnæði til eigin nota.
Skilyrði til þess að lánbeiðanda verði veitt lán
er m.a. að viðkomandi íbúð fullnægi skilyrðum
Húsnæðismálastofnunar ríkisins um lánshæfni.
Umsóknareyðublöð fást á bæjarskrifstofunni
hjá bæjarritara, er veitir nánari upplýsingar.
Umsóknir skulu sendast til bæjarráðs ísafjarðar,
fyrir 1. des. n.k.
ísafirði 28. okt. 1975
BÆJARSTJÓRI
Aflabrögð á Vestfjörðum
— í okt. 1975
LÍNUBÁTARNIR hófu flestir
róðra í byrjun október og
nokkrir voru byrjaðir fyrir
mánaðarmót. Voru 23 bátar
byrjaðir róðra með línu í lok
mánaðarins. Gæftir voru
miklu óstöðugri, heldur en
undanfarin haust og afli af
þeim sökum mun lakari. Afli
togaranna var einnig sára-
tregur allan mánuðinn. Not-
uðu margir tímann til botn-
þrifa, víðgerða og endurbóta.
Rækjuveiðar hófust í
Arnarfirði 27. október. Voru
5 bátar byrjaðir veiðar, og
var afli þeirra 19,5 lestir.
Aftur á móti voru rækju-
veiðar ekki stundaðar í
ísafjarðardjúpi og Húnaflóa.
Stærstu rækjubátarnir voru
því að skjótast til færa, þegar
gaf til róðra, en annars, voru
færabátar almennt hættir
veiðum. Dragnótabátar voru
aftur á móti flestir ennþá að
veiðum.
Heildaraflinn í mánuðinum
var 3.165 lestir, en var 2.872
lestir á sama tíma í fyrra. Af
lánubátunum var Vestri frá
Patreksfirði aflahæstur í okt.
með 104,5 lestir í 22 róðrum,
en í fyrra var Víkingur m frá
ísafirði aflahæstur í október
með 129,7 lestir í 26 róðrum.
Guðbjartur frá ísafirði var
aflahæstur togaranna með
276,4 lestir, en í fyrra var
Guðbjörg frá ísafirði aflahæst
í október með 249,0 lestir.
Aflinn í einstökum ver- Kristján Guðmundss. 73,9 19
stöðvum: Ólafur Friðbertsson 69,2 19
PATKLKSFJÖRÐUR: 1. r. Sigurvon 65,8 19
Gylfi tv. 106,3 5
Vestri 104,5 22 BOLUNGAVÍK:
Orvar 95,0 20 Dagrún tv. 251,2 3
Þrymur 49,8 12 Hugrún 66,2 18
Jon Þörðarson 26,8 5 Hrímnir n. 58,4 26
Y dragnotarbatar 75,5 Jakob Valgeir 32,2 18
Hafrún 23,7 4
TÁLKNAFJÖRÐUR. Þórir Dan 22,2 16
Tungufeil 96,0 22 Sólrún 20,8 7
iatKníirðingur 90,2 23 Arnþór 10,1 14
BÍLDUDALUR: ÍSAFJÖRÐUR:
Lnginn bolfiskafli Guðbjartur tv. 276,4 3
Guðbjörg tv. 259,8 5
ÞINGEYRI: Júlíus Geirm. tv. 235,9 5
Knginn bolfiskafll Orri tv. 105,0 4
Guðný 99,6 19
FLATEYRI: Víkingur m 95,5 21
Sóley 68,4 17 Tjaldur 46,6 18
Vísir 64,0 16
Kristján 37,1 17 SÚÐAVÍK:
Asgeir Torfason n. 27,3 11 Bessi tv. 224,2 5
SUÐUREYRI: HÓLMAVÍK:
Trausti tv. 172,8 3 2 handfærabátar 10,0
Heildaraflinn í hverri verstöð í október: 1975: 1974:
Patreksfjörður ............................... 462 ( 267)
Tálknafjörður .............................. 186 ( 122)
Bíldudalur ..................................... 0 ( 31)
Þingeyri ...................................... 0 ( 169)
Flateyri .................................... 197 ( 261)
Suðureyri ................................... 397 ( 416)
Bolungavík .................................. 501 ( 465)
ísafjörður ................................. 1.188 ( 961)
Súðavík ..................................... 224 ( 180)
Hólmavík ..................................... 10 ( 0)
3.165 (2,872)
ALLAR ALMENNAR
MYNDATÖKUR
LJÓSMYNDASTOFA
ÍSAFJARÐAR
Mánagötu 2 sími 3776
Málverka-
sýning
FRÚ Guðfinna Margrét Ósk-
arsdóttir opnaði málverkasýn-
ingu í Alþýðuhúsinu á ísa-
firði laugardaginn 8. þ.m. og
var sýningin opin til og með
11. s.m. Á sýningúnni voru
45 myndir, flest olíulitamynd-
ir en nokkur verk gerð á ann-
an hátt.
Þeim sem þetta ritar datt
það fyrst í hug, eftir að hafa
virt fyrir sér hina fjölbreyttu
sýningu, að sennilega fengi
fólk meira að sjá síðar af
myndum, gerðum af listmálar
anum Guðfinnu Margréti.
Það var skemmtilegt að
skoða sýninguna og hún var
sannarlega athyglisverð.
Seljalandsvegurinn
í SKtPULAGSUPPDRÆTTI
ísafjarðarkaupstaðar er gert
ráð fyrir hraðbraut meðfram
sjónum frá Sólgötu og að
brúnni yfir Tunguá. Fyrsti
áfangi átti þá að vera frá
Sólgötu inn fyrir Stakkanes
og þar upp á Seljalandsveg-
inn. Gert var ráð fyrir að það
fé sem þjóðvegum í þéttbýli
er áætlað, eða sá hluti þess
sem hingað kæmi, færi í þessa
framkvæmd. Þegar svo þessu
fé er úthlutað í fyrsta skipti
í ár, er það bundið fé til Selja-
landsvegar, 17,5 millj., til
undirbúnings varanlegs slit-
lags inn að grindahliði. Vega-
gerðin^ átti svo að taka þar
við.
Þá muna menn allt í einu
eftir því, að Tunguárveitan tii
kaupstaðarins liggur undir
veginum út að Stakkanesi.
Þar með er sá hluti úr sög-
unni, því enginn fer að færa
til vatnsleiðslu. Nú hófust
miklar boilaleggingar hjá
Vegagerðinni, en niðurstaðan
varð sú, að byrjað var að
leggja brautina inn við
Tunguá og er búið að leggja
hana út að Stekkjarnesi.
Framhaldið mun vera áfram
fyrir neðan Netagerðina og
Steiniðjuna. Það er svo til-
laga frá Vegagerðinni að taka
brautina upp á Seljalands-
veginn við grindarhliðið. Þar
með væri búið að snúa hlut-
unum við, ef samþykkt yrði.
Hraðbrautin sem áður átti að
fara fram hjá íbúðahverfi
myndi þá liggja í gegn um
það. Aukin byggð inni í firði.
sem kallar á margskonar
þjónustu, mun stórlega auka
alla umferð um Seljalands-
veginn, sem ekki er á bæt-
andi við það sem nú er, þó
vegurinn væri malbikaður. Því
er það von og ósk allra bæjar-
búa, að Vegagerðin sjái sér
fært að halda áfram með
brautina, sem hún nú er byrj-
uð á, alla leið að Sólgötu.
G.Sv.