Ísfirðingur - 15.12.1976, Blaðsíða 13
ÍSFIRÐINGUR
13
Eysfeinn
G. Gíslason:
Einn
þumlungur
Skuggsýnt var í Skutulsfirði
skammir dagar, veður kalt.
Hjá söfnuði og sálnahirði
samlyndið á ýmsu valt.
Heima á Eyri klæddur kjóli
klerkur þjáður var á róli,
varðist friðlaus fjandaliði
feðganna á Kirkjubóli.
Margri var hann möru troðinn
myrkum vetrarnóttum á.
Ymist frystur eða soðinn
undir djöfla slögum lá.
Eins og kraminn ormur jarðar
engdist þar við píslir harðar
guðsnáð svipt, og gnísti tönnum
geistleg hetjan Skutulsfjarðar.
En þó að kvöl og þjáning rifi
Þumlungs benjar, fast og jafnt,
sínu bæna klaki og klifi
klerkur aldrei gleymdi samt.
Móti svörtum satans þjónum
sendi hann á efstu tónum
feiknum kryddað kreddustaglið
sem Kirkjubóls var ætlað Jónum.
Næsta augljós Þumlung þótti
þrjóta tveggja galdrasök.
Þar sem ríkir eymd og ótti
aldrei skortir nothæf rök
fyrir grannans grimmd og bræði.
Geðró sviptur, frið og næði,
glímdi sjúkur Þumlungs þanki
við þeirra feðga djöfulæði.
Undir byrðum böls og kviða
beygður klerkur hélt á flakk.
Yfirvöld til skarar skríða
skyldu láta, og svoddan pakk
í nafni Guðs á báli brenna,
breyska láta á valdi kenna.
Undir sígna agans þekju
áttu valdsmenn stoð að renna.
Ærið reyndust ójöfn verða
átök skömm í leiknum þeim.
Getsaka var gott að herða
Gleipnis net að bændum tveim.
Bornir voru á bál af hrísi,
biki, kolum, timbri og lýsi.
Fékk þar steikta kampakátur
kölski sína aligrísi.
Leystist þó ei Þumlungs vandi,
Þura fékk að ganga laus.
Steyptist hún sem illur andi
yfir klerksins rugluhaus,
sem ekkert skildi illsku slíka,
enda kvað hann nauðsyn ríka
tafarlaust á björtu báli
að brenna stelpuvarginn líka.
En þverlynd var og þrá í skapi
þessi auma galdrakind.
Sat því föst í syndakrapi
á sína eigin glæpi blind.
Lét sig hvergi frjálsa fanga,
flýði yfir heiði stranga,
og með nöprum nornarhuga
neitaði hún á bál að ganga.
Stirðum huga, stórmóðgaður
strangur þá á jaxlinn beit,
pennan greip, og píndur maður
píslarsögu fræga reit.
Fletti onaf fólsku landans
gegn frægðarmönnum sannleiksandans,
gróf í sorpi gróusagna
galdralýð og vini fjandans.
Löngum þykir Þumlungs siður
þjóðráð, fyrir stuttan mann:
Að stimpla, rægja, rakka niður,
reyna að brenna náungann,
og með blindri sefasýki
sýna hann í púkans líki.
— Af þeim verkum virðast sjálfur
vammlaus þegn í ljóssins ríki.
Eysteinn G. Gíslason
GleSileg jól!
Farsælt nýtt ár.
Þökkum viðskiptin
á árinu
sem er aS líða.
AKUREYRI
Sími: (96)21400
Óskum
starfsfólki voru
og öðrum
viðskiptavinum
gleðilegra jóla
og farsældar
á nýja árinu
með þakklæti
fyrir líðandi ár.
ftliðursuðuverksm.
og hraðfrystihús
0. Hl. Olscn
fSAFIRÐI
Óskum
starfsfólki voru
á sjó og landí
og öðrum
viðskiptavinum
gleðilegra jóla
og farsældar
á nýja árinu
með þakklæti
fyrir líðandi ár.
Hraðfrystihúsið
Norðurtangi hf.