SunnudagsMogginn - 07.11.2010, Síða 42

42 7. nóvember 2010
H
ljómleikarnir verða í Há-
skólabíói 11., 12. (Borg-
arljósin) og 13. nóvember
(tvær barnasýningar á
Hundalífi (A Dog’s Life) og Iðjuleysingj-
unum (The Idle Class), við undirleik Sin-
fóníunnar undir stjórn Franks Strobel.
Kvikmyndatónleikar sem þessir hafa
verið næsta árviss liður í starfsemi
hljómsveitarinnar og hafa sannarlega
lífgað upp á kvikmyndaumhverfið. Allir
einkar minnisstæðir, má geta í því sam-
bandi flutnings á tónlist bandaríska tón-
skáldsins Richards Einhor við Píslarsögu
Jóhönnu af Örk (La Passion de Jeanne
d́Arc) (́28), við meistaraverk Carls Theo-
dors Dreyers og sýningar á kvikmynd-
inni Sirkusinn eftir Charles Chaplin, en
sá viðburður var á dagskrá Kvikmynda-
safnsins og hljómsveitarinnar í kringum
aldamótin. Þá stjórnaði Strobel þeim
minnisstæðustu þar sem Borgarljósin
lýstu upp tjaldið, líkt og nú. Ef minnið
bregst ekki voru það fyrstu kvikmynda-
tónleikarnir (þá í samstarfi við Kvik-
myndasafn Íslands). Það er og vel til
fundið að endurtaka þá nú þar sem þeir
marka þáttaskil í sögu þessa ágætu tón-
leika því þeir verða þeir síðustu sem fara
fram í upprunalegu umhverfi bíósalar.
Sem kunnugt er flytur Sinfónían starf-
semi sína úr Háskólabíói í tónlistarhöll-
ina Hörpu að sumri.
Stjórnandinn Frank Strobel er einn
helsti sérfræðingur heims á sviði kvik-
myndatónlistar og þaulkunnugur kvik-
myndum Chaplins og ferðast um heim-
inn til að stjórna þeim með sinfónískum
undirleik. Hann hefur m.a. komið áður
við sögu kvikmyndatónleika Sinfón-
íuhljómsveitar Íslands.
Chaplin-bíótónleikar
11.11. 2010 kl. 20:00 og 12.11. 2010 kl.
20:00 í Háskólabíó.
Strobel og Sinfóníuhljómsveitin göldr-
uðu fram ósvikið kraftaverk þegar klass-
íkin Borgarljósin var sýnd á sínum tíma.
Tónlistin, undir stjórn Þjóðverjans Stro-
bels, sem þekkir hvern ramma og stef í
verkinu, hefur þau áhrif að upplifunin
verður enn magnaðri og gjörsamlega
ógleymanlega stund.
Áhorfandinn upplifir þessa rómuðu
kvikmyndaperlu í fullkomlega nýju ljósi.
Borgarljósin – City Lights (’31), er
ásamt The Immigrant (1917), The Gold
Rush (1925), Modern Times (1936) og The
Great Dictator (1940), eitt af stórvirkjum
hins afkastamikla Charles Chaplin. Í
myndinni er Chaplin í þekktasta sköp-
unarverki sínu – hlutverki litla flækings-
ins, sem enn er í fullu fjöri árið 1931.
Undir oftast gamansömu yfirborðinu er
Borgarljós að líkindum hans dramatísk-
asta verk og í því að finna eitt af mögn-
uðustu augnablikum kvikmyndasög-
unnar þegar ástin hans fær sjónina. Litli
flækingurinn verður ástfanginn af und-
urfríðri en blindri blómasölustúlku.sem
telur hann vera vellauðugan hertoga.
Þegar hann fréttir af því að uppskurður
geti fært henni sjónina aftur gerir hann
allt sem hann getur til að afla fjárins.
Þessi ásetningur hans hefur
margs konar ævintýri í för
með sér, auk þess sem út-
koman er önnur en sú sem
flækingurinn hafði séð fyrir.
Að venju er Chaplin allt í öllu,
leikstjóri, handritshöfundur og
tónskáld, auk þess sem hann fer
með aðalhlutverkið.
Barnabíó með Chaplin
Charles Chaplin: Hundalíf (A Dog’s Life)
Charles Chaplin: Iðjuleysingjarnir (The
Idle Class) Laugardagur, 13. nóvember
2010, kl. 14.00. Háskólabíó – Tvöbíó með
Chaplin og sama dag, kl. 17.00 í Há-
skólabíói – Fimmbíó með Chaplin.
Ungir sem aldnir hafa jafngaman af
verkum Chaplins og þegar þau voru
frumsýnd á fyrri hluta síðustu aldar.
Þessar sérstöku barnasýningar bjóða upp
á Hundalíf – A Dog’s Life (’18), sem er
röskur hálftími að lengd og segir af
hundinum Scraps sem hjálpar litla flæk-
ingnum og söngkonunni vinkonu hans
að ná áttum í varasamri stórborginni.
Með aðalhlutverkin fara Chaplin, Edna
Purviance Dave Anderson Í Iðjuleysingj-
unum – The Idle Class (’31), er litli flæk-
ingurinn í ógleymanlegum ævintýrum á
golfvellinum. Hann lendir m.a. í mjög
snúinni flækju þegar kona auðkýfings
villist á Chaplin og eiginmanni sínum.
Chaplin, Purviance og Mark Swain
fara með aðalhlutverkin í þessari
bráðfyndnu mynd sem er um
hálftími að lengd.
Sinfónían og Borgar-
ljósin lýsa upp tjaldið
Í vikunni býður Sinfóníuhljómsveitin upp á kvikmyndatónleika og hefur
valið verk eftir meistara Chaplin.
Sæbjörn Valdimarsson saebjorn@heimsnet.is
Stórmyndasmiðurinn Roland Emmerich er einkar
fær við að kljást við innrásir utan úr geimnum, sú
nýjasta er í uppsiglingu og kostar aðeins smá-
muni.
Það eru ánægjulegar fréttir að Emmerich er að
hefja störf við efnivið sem honum gengur manna
best að kljást við af leikstjórum dagsins. Það
sannaði hann eftirminnilega með Independence
Day fyrir einum 14 árum. Síðan hefur hann eink-
um verið viðriðinn mislukkuð verk, að und-
anskildum The Day After Tomorrow og 2012, sem
báðar voru líflegar framtíðarsýnir
Enn á ný er Emmerich kominn í innrásarhug,
verkefnið nefnist The Zone, og mun vera af ættum
Cloverfield, því ólíkt fyrri vísindaskáldsögulegum
myndum leikstjórans mun hún kosta skyn-
samlega fjárupphæð. Ódýrar vs-myndir eru jafn-
gamlar kvikmyndasögunni (Skyline er sú nýjasta,
væntanleg síðar í mánuðinum), en að sjá Emm-
erich vinna fyrir vasapeninga, miðað við hans
fyrri stórmyndir, er ærið forvitnilegt.
Það velta margir vöngum yfir stefnubreytingu
eyðsluklóarinnar Emmerich, hvers vegna í
ósköpunum hann lætur sig hafa það að gera mynd
sem kostar um tíunda hluta flestra þekktustu
verka hans til þessa. Sumir telja ástæðuna þá að
Emmerich er kunnur fyrir slægð sem kaupsýslu-
maður sem veit hvað almenningur vill og beitir
öllum tiltækum brögðum við að koma verkum
sínum á framfæri, jafnvel þó hann taki áhættu
hvað varðar lofsamlega gagnrýni. Þú verður að
vera klókur til að komast áfram í kvikmynda-
heiminum og vita í hvaða átt straumurinn liggur.
Hvað snertir Cloverfield og Paranormal Acti-
vity, voru þær báðar af ódýrum B-myndastofni,
en rökuðu saman fé, slíkar myndir eru að komast
aftur í tísku. Alltént þyrptist fólk á þær og skeytir
ekki um lágan framleiðslukostnaðinn. Emmerich
hefur sýnt að hann á létt með að veita verkum
sínum ósvikið „stórmyndayfirbragð“ þó fjár-
magnið sé takmarkað (Stargate.)
E.t.v. langar Emmerich að víkja út af kassa-
stykkja-brautinni og ögra sjálfum sér sem kvik-
myndagerðarmaður? Nýjasta myndin hans, Ano-
nymous, er einnig umtalsverð þverbeygja frá fyrri
verkum, en hún er pólitísk spennumynd um áhrif
Shakespeares á tímum Elísabetar I. Þá er hugs-
anlegt að hann glími við smápeningana til að öðl-
ast frelsi til sjálfskönnunar sem listamaður, til að
láta reyna á sig og sanna rétt sinn til að vera tek-
inn alvarlega.
saebjorn@heimsnet.is
Emmerich í innrásarhugleiðingum
Roland Emmerich ásamt Omar de Soto leikara.
Af kvikmyndafólki
Kvikmyndir